YUNUS 2
2
Kakal᷊iomaneng i Yunus
1Bọu ral᷊ungu tiangu kinạ ene e, i Yunus nẹ̌kal᷊iomaneng su Mawu Ruatane. Angkuěnge,
2”O Mawu,
su ral᷊ungu kasasusaku iạ e mẹ̌kẹ̌kui si Kau,
kụ i Kau e simimbang si siạ.
Bọu runian tau nate iạ e mẹ̌gẹ̌gausẹ̌ tul᷊umang,
kakindoạku e niraringihangʼU ringangu nẹ̌naungangʼU.
3Sarang tampạ kụ maral᷊ung iạ e nirěmmẹʼU,
sarang běntang laudẹ̌.
Sene iạ e nilikutangu sěllihe,
luạ dingangu mělisange něngěnsạ u iạ.
4Su ral᷊ungu naungku e iạ mẹ̌bẹ̌bera:
Mawu e seng něnokol᷊u iạ ini wọu těngo-Ne.
Iạ e sembelain tawe makasilo
wal᷊e katatakengʼE kụ susi.
5Sasị e naawị sarang biwihẹ̌ku,
laudẹ̌ mal᷊oange něliwung kạguwạu wadangku e,
gilamung laudẹ̌ e nělawung těmbọku.
6-7Iạ e timumpa sarang bal᷊ang bawul᷊urange,
sarang alang kụ pasěllangenge mạkạkunsị sarang pěngěnsueěngu tempo.#2:6-7: Sarang alang ... těmpo: Su timonane ringangu ene ute runian tau nate.
Himukudẹ̌ku e naral᷊owe su ral᷊ungu wadangku
mase iạ e nẹ̌tahěndung dingangu nẹ̌kui si Kau.
Tangú nahumpạ e kakal᷊iomanengku si Kau,
su ral᷊ungu Wal᷊e-Nu kụ susi e.
Mase i Kau e napaawị u iạ bọu ral᷊ungu laudẹ̌,
O Mawu Ruataku!
8Apaʼm něnaněmba mahan duata kụ sia-sia e,
naněntang i Kau ringangu sen tawẹ lai satiane.
9Arawe iạ sarung mẹ̌kantarị u raralo waugʼi Kau,
kụ takụ isěmba ghaghěllị si Kau e.
Kal᷊awọu riandiku e sarung takụ koateng.
I Kau e Mawu kụ makasal᷊amatẹ̌.”
10Bọu e ual᷊ingu parentaʼm Mawu e, kinạ ene e něluang Yunus su rul᷊unge.
Currently Selected:
YUNUS 2: SXN
Highlight
Copy
Compare
Share
Want to have your highlights saved across all your devices? Sign up or sign in
