ZABUR 145
145
Lagu Pujian
1Pujian léman Daud.
Kaji mélé agungang Deside, ya Allah kaji dait Raje kaji,
dait tetep memuji peséngan Deside selaéq-laéqne.
2Sebilang jelo kaji mélé besyukur tipaq Deside,
dait tetep mulieang peséngan Deside selaéq-laéqne.
3Séngaq ALLAH agung dait sanget tepuji,
keagungan-Ne nénten bau ite pahamin.
4Turun-temurun dengan gen memuji karye Deside
dait nyeriteang keperkasean Deside.
5Ie pade gen beriteang keagungan dait kemuliean Deside,
karye Deside saq ajaip gen kaji pikirang.
6Ie pade beriteang perbuatan-perbuatan Deside saq beléq,
keagungan Deside gen kaji ceriteang.
7Dengan gen nyeriteang selapuq kesolahan Deside
dait benyanyi mengenai keadilan Deside.
8 ALLAH nike pengasih dait penyayang,
nénten gelis menggah dait beléq kasih dait setie-Ne.
9Ie murah até tipaq sebilang dengan,
dait periak léq selapuq ciptean-Ne.
10Selapuq ciptean Deside gen ngucap syukur léq Deside, ya ALLAH,
selapuq umat Deside gen besyukur tipaq Deside.
11Ie pade gen ngagungang kuase Deside sebagé Raje,
dait nyeriteang keperkasean Deside,
12adéq selapuq dengan nenaoq perbuatan Deside saq beléq,
dait kerajaan Deside saq agung dait mulie.
13Pemréntahan Deside tetep selaéq jaman,
kekuasean Deside tahen turun-temurun.
ALLAH setie léq selapuq janji-Ne,
Ie penoq kasih léq dalem selapuq karye-Ne.
14 ALLAH nulung dengan saq kenyeke susah,
Ie panjengang dengan-dengan saq nunduk.
15Selapuq mahluk idup beharep léq Deside;
Deside ngicanin ie pade ngelor léq waktune.
16Deside penoqin selapuq keperluan ie pade,
sehingge ie pade nénten kurang napi-napi.
17 ALLAH adil léq dalem selapuq saq Ie laksaneang
dait penoq kasih léq dalem selapuq karye-Ne.
18Ie rapet kance sebilang dengan saq bekuih tipaq Ie,
dait nunas léq Ie setulus até.
19Ie nyenengang até dengan saq takut léq Ie;
Ie pirengang kuihan ie pade
dait nyelametang ie pade.
20Ie ngelindungin sebilang dengan saq ngasihin Ie,
laguq dengan jahat Ie binaseang.
21Tiang mélé memuji ALLAH sebilang waktu,
semoge selapuq mahluk-Ne
memuji peséngan ALLAH saq suci selaéq-laéqne.
Currently Selected:
ZABUR 145: LAISAS
Highlight
Share
Copy
Want to have your highlights saved across all your devices? Sign up or sign in
ZABUR 145
145
Lagu Pujian
1Pujian léman Daud.
Kaji mélé agungang Deside, ya Allah kaji dait Raje kaji,
dait tetep memuji peséngan Deside selaéq-laéqne.
2Sebilang jelo kaji mélé besyukur tipaq Deside,
dait tetep mulieang peséngan Deside selaéq-laéqne.
3Séngaq ALLAH agung dait sanget tepuji,
keagungan-Ne nénten bau ite pahamin.
4Turun-temurun dengan gen memuji karye Deside
dait nyeriteang keperkasean Deside.
5Ie pade gen beriteang keagungan dait kemuliean Deside,
karye Deside saq ajaip gen kaji pikirang.
6Ie pade beriteang perbuatan-perbuatan Deside saq beléq,
keagungan Deside gen kaji ceriteang.
7Dengan gen nyeriteang selapuq kesolahan Deside
dait benyanyi mengenai keadilan Deside.
8 ALLAH nike pengasih dait penyayang,
nénten gelis menggah dait beléq kasih dait setie-Ne.
9Ie murah até tipaq sebilang dengan,
dait periak léq selapuq ciptean-Ne.
10Selapuq ciptean Deside gen ngucap syukur léq Deside, ya ALLAH,
selapuq umat Deside gen besyukur tipaq Deside.
11Ie pade gen ngagungang kuase Deside sebagé Raje,
dait nyeriteang keperkasean Deside,
12adéq selapuq dengan nenaoq perbuatan Deside saq beléq,
dait kerajaan Deside saq agung dait mulie.
13Pemréntahan Deside tetep selaéq jaman,
kekuasean Deside tahen turun-temurun.
ALLAH setie léq selapuq janji-Ne,
Ie penoq kasih léq dalem selapuq karye-Ne.
14 ALLAH nulung dengan saq kenyeke susah,
Ie panjengang dengan-dengan saq nunduk.
15Selapuq mahluk idup beharep léq Deside;
Deside ngicanin ie pade ngelor léq waktune.
16Deside penoqin selapuq keperluan ie pade,
sehingge ie pade nénten kurang napi-napi.
17 ALLAH adil léq dalem selapuq saq Ie laksaneang
dait penoq kasih léq dalem selapuq karye-Ne.
18Ie rapet kance sebilang dengan saq bekuih tipaq Ie,
dait nunas léq Ie setulus até.
19Ie nyenengang até dengan saq takut léq Ie;
Ie pirengang kuihan ie pade
dait nyelametang ie pade.
20Ie ngelindungin sebilang dengan saq ngasihin Ie,
laguq dengan jahat Ie binaseang.
21Tiang mélé memuji ALLAH sebilang waktu,
semoge selapuq mahluk-Ne
memuji peséngan ALLAH saq suci selaéq-laéqne.
Currently Selected:
:
Highlight
Share
Copy
Want to have your highlights saved across all your devices? Sign up or sign in