ZABUR 144
144
Nyanyian syukur raje
1Léman Daud.
Pade puji ALLAH pelindung tiang!
Ie ngelatih tiang betempur,
dait ngajah tiang perang.
2Ie penulung dait pembéle tiang,
penyelamet tiang dait taoq tiang berlindung.
Ie pelindung tiang, taoq tiang berlindung,
bangse-bangse Ie taklukang tipaq tiang.
3 #
Ayb. 7:17-18; Zbr. 8:4 Ya ALLAH napi manusie nike sehingge Deside perhatiang ie?
Sai ie sehingge Deside peliharaq?
4Manusie nike maraq emposan angin,
maraq lingon saq liwat, maraq nike idupne.
5Ya ALLAH , bukaq langit Deside dait silaq turun,
kintur gunung-gunung adéq nyugulang pendet.
6Saut kisap Deside adéq musuh jari buyar,
lecatang panaq Deside adéq ie pade jari oregade.
7Ulurang gading Deside léman sorge,
dait bébasang kaji léman belabur.
Selametang kaji léman kuase dengan pendateng
8saq girang beduste dait nipu,
dait ngucapang sumpah palsu.
9Kaji gen nyanyiang Deside lagu baru, ya Allah,
dait puniq kecapi sambil benyanyi.
10Deside ngicanin kemenangan tipaq raje-raje,
dait bébasang Daud hambe Deside.
11Luputang kaji léman kléwang dengan saq sewenang-wenang;
selametang kaji léman kuase dengan pendateng,
saq girang beduste dait nipu,
dait ngucapang sumpah palsu.
12Semoge bije-bije mamente léq waktu terunene
maraq tetaletan saq jari sayan beléq.
Semoge bije-bije ninente maraq teken saq inges,
saq ngerias sebilang bucu istane.
13Semoge gudang-gudangte penoq isine
siq segale macem hasil gumi.
Semoge dombe-dombe léq lendang-lendangte,
sayan bejari jangke puluan iyu luwéqne.
14Semoge sampi-sampinte sayan bejari
dait ndéq araq saq telang atao nyelawoq.
Semoge ndéq kedengahan kuihan sengsare
léq rurung-rurung kotente.
15Bahagie bangse saq maraq nike,
bahagie bangse saq jariang ALLAH nike Tuhanne!
Currently Selected:
ZABUR 144: LAISAS
Highlight
Share
Copy
Want to have your highlights saved across all your devices? Sign up or sign in
ZABUR 144
144
Nyanyian syukur raje
1Léman Daud.
Pade puji ALLAH pelindung tiang!
Ie ngelatih tiang betempur,
dait ngajah tiang perang.
2Ie penulung dait pembéle tiang,
penyelamet tiang dait taoq tiang berlindung.
Ie pelindung tiang, taoq tiang berlindung,
bangse-bangse Ie taklukang tipaq tiang.
3 #
Ayb. 7:17-18; Zbr. 8:4 Ya ALLAH napi manusie nike sehingge Deside perhatiang ie?
Sai ie sehingge Deside peliharaq?
4Manusie nike maraq emposan angin,
maraq lingon saq liwat, maraq nike idupne.
5Ya ALLAH , bukaq langit Deside dait silaq turun,
kintur gunung-gunung adéq nyugulang pendet.
6Saut kisap Deside adéq musuh jari buyar,
lecatang panaq Deside adéq ie pade jari oregade.
7Ulurang gading Deside léman sorge,
dait bébasang kaji léman belabur.
Selametang kaji léman kuase dengan pendateng
8saq girang beduste dait nipu,
dait ngucapang sumpah palsu.
9Kaji gen nyanyiang Deside lagu baru, ya Allah,
dait puniq kecapi sambil benyanyi.
10Deside ngicanin kemenangan tipaq raje-raje,
dait bébasang Daud hambe Deside.
11Luputang kaji léman kléwang dengan saq sewenang-wenang;
selametang kaji léman kuase dengan pendateng,
saq girang beduste dait nipu,
dait ngucapang sumpah palsu.
12Semoge bije-bije mamente léq waktu terunene
maraq tetaletan saq jari sayan beléq.
Semoge bije-bije ninente maraq teken saq inges,
saq ngerias sebilang bucu istane.
13Semoge gudang-gudangte penoq isine
siq segale macem hasil gumi.
Semoge dombe-dombe léq lendang-lendangte,
sayan bejari jangke puluan iyu luwéqne.
14Semoge sampi-sampinte sayan bejari
dait ndéq araq saq telang atao nyelawoq.
Semoge ndéq kedengahan kuihan sengsare
léq rurung-rurung kotente.
15Bahagie bangse saq maraq nike,
bahagie bangse saq jariang ALLAH nike Tuhanne!
Currently Selected:
:
Highlight
Share
Copy
Want to have your highlights saved across all your devices? Sign up or sign in