PILIPI PENGANTAR
PENGANTAR
Jemaah léq Pilipi nike jemaah penembéq saq tearaqang siq Rasul Paulus léq Eropa. Pilipi niki taoqne léq Makedonia, sopoq propinsi Kerajaan Roma. Surat Paulus Tipaq Jemaah léq Pilipi niki tetulis siq rasul Paulus sewaktu ie araq léq dalem bui. Léq waktu nike angenne kuatir mikirang dengan-dengan saq pade-pade jari pelayan Deside Isa saq ndéq sepaham kance ie, dait lantaran léq jemaah Pilipi nike araq dengan-dengan saq ngajahang pengajahan sesat. Laguq timaqne maraq nike surat Rasul Paulus niki ngebéng harepan dait miaq gembire. Kembéq maraq nike? Nike lantaran Rasul Paulus percaye gati léq Almasih.
Saq jari tujuan penembéq surat Paulus niki, ucapan tampi asihne tipaq jemaah Pilipi saq sampun ngirimang selapuq keperluanne léq waktu ie susah. Dait araq éndah naséhat-naséhat Rasul Paulus jari ngebéng semanget tipaq ie pade adéq ie pade bani dait tahen dalem kesusahan nike. Tetunas siq Paulus adéq ie pade rendah até maraq Deside Isa, dait ndéq tekuasein siq perasaan sombong dait mentingang diriqne mésaq. Teingetang éndah siq rasul Paulus bahwe cume lantaran rahmat Allah ie pade bau araq léq dalem Almasih siq dasar ie pade percaye. Selapuqne nike ndéqne lantaran taat ngelaksaneang upacare-upacare agame saq tetentuang siq Hukum Taurat. Tetulis éndah siq Paulus berembé sukecite dait sejahtere saq teicanin siq Allah tipaq dengan-dengan saq idup léq dalem Almasih.
Hal saq luwéq tetulis léq surat Pilipi niki, mengenai sukecite, keyakinan saq teguq, kerukunan dait ketabahan dengan saq jari pengiring Deside Isa léq dalem hal pertahenang imanne tipaq Almasih dait léq dalem hal ngamalang idup jari dengan saq ngiring Deside Isa. Surat niki éndah nyatayang berembé sayangne Rasul Paulus tipaq jemaah Pilipi nike.
Daptar Isi
Pendahuluan 1:1-11
Keadaan Paulus 1:12-26
Kehidupan dengan saq percaye léq Almasih 1:27–2:18
Rencane Paulus bagi Timotius dait Epaproditus 2:19-30
Peringetan tipaq musuh-musuh léman luah dait léman dalem 3:1–4:9
Paulus dait batur-baturne léq Pilipi 4:10-20
Penutup 4:21-23
Currently Selected:
PILIPI PENGANTAR: LAISAS
Highlight
Copy
Compare
Share
Want to have your highlights saved across all your devices? Sign up or sign in