MATIUS 16
16
Dengan-dengan Parisi tunas Deside Isa piaq tande ajaip
(Mrk. 8:11-13; Luk. 12:54-56)
1 #
Mat. 12:38; Luk. 11:16 Araq dengan-dengan Parisi dait dengan Saduki parek ojok Deside Isa jari cobe Ie. Ie pade tunas adéq Deside Isa piaq tande ajaip léman sorge. 2Laguq jawab Deside Isa léq ie pade, [“Lamun kenyeke serep jelo, side pade bebase, ‘Cuace bagus, séngaq langitne béaq.’ 3Dait léq kelémaq, side pade bebase, ‘Jelo niki gen turun ujan, séngaq langitne béaq dait gulem.’ Nah, side pade tao ngeramal cuace léman serioq keadaan langit, padahal tande-tande jaman ndéq bau side pade ramal!”] 4#Mat. 12:39; Luk. 11:29 “Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.”
Sesampun Deside Isa bemanik maraq nike, Ie margi bilin ie pade.
Ragi ruti dengan Parisi dait Saduki
(Mrk. 8:14-21)
5Waktu pengiring-pengiring Deside Isa rauh léq itoqan danao, baruq ie pade nenaoq bahwe ie pade lupaq jauq ruti. 6#Luk. 12:1 Deside Isa bemanik léq ie pade, “Pade waspade léq ragi ruti dengan Parisi dait dengan Saduki.”
7Sewaktu ie pade dengah manik Deside Isa nike, pengiring-pengiring-Ne mulai bebase sopoq kance saq lain, “Deside Isa bemanik maraq nike séngaq ite ndéq jauq ruti.”
8Deside Isa wikan napi saq ie pade raosang, jari Ie bemanik, “Kembéq side pade ngeraosang mengenai ndéq bedowé ruti? Side pade kurang percaye! 9#Mat. 14:17-21 Napi side pade ndéqman ngerti? Napi side pade ndéq inget mengenai lime ruti saq Tiang peleng-peleng jari keloran lime iyu dengan nike? Pire bakaq salone saq side pade kumpulang? 10#Mat. 15:34-38 Dait berembé éndah mengenai pituq ruti umaq empat iyu dengan nike, pire bakaq salo keloran saq side pade kumpulang? 11Kembéq side pade jangke ndéq ngerti bahwe Tiang ndéq ngeraos kance side pade mengenai ruti? Pade onyaq-onyaq léq ragi ruti dengan-dengan Parisi dait dengan Saduki!”
12Ahirne pengiring-pengiring Deside Isa nike ngerti bahwe Ie peringet adéq ie pade onyaq-onyaq ndéqne léq ragi ruti saq tekadu jari miaq ruti, laguq léq pengajahan-pengajahan dengan-dengan Parisi dait Saduki.
Pengakuan Petrus mengenai Deside Isa
(Mrk. 8:27-30; Luk. 9:18-21)
13Deside Isa rauh léq daérah Kaisarea Pilipi. Léq derike Deside Isa beketuan léq pengiring-pengiring-Ne, “Menurut basen dengan, sai Bije Manusie nike?”
14 #
Mat. 14:1-2; Mrk. 6:14-15; Luk. 9:7-8 Jawab pengiring-pengiring-Ne, “Araq saq bebase Yahya Pembaptis. Araq éndah saq bebase Elia, saq lain malik bebase Yeremia atao salaq sopoq léman pare nabi.”
15“Laguq menurut side pade, Tiang niki sai?” Deside Isa beketuan.
16 #
Yah. 6:68-69
Jawab Simon Petrus, “Pelungguh Almasih, Bije saq asalne léman Allah saq idup.”
17Manik Deside Isa léq Petrus, “Bahagie side, Simon bije Yunus! Séngaq ndéqne manusie saq badaq side hal nike, laguq Allah, Bapa Tiang saq léq sorge. 18Dait Tiang badaq side, bahwe side Petrus, batu saq tegéng. Dait léq atas batu niki Tiang gen anjengang jemaah Tiang, saq ndéq bau tekalahang; timaqne siq alam maut!
19 #
Mat. 18:18; Yah. 20:23 Tiang gen béng side kunci Kerajaan Sorge. Dait napi saq side taliq léq gumi, gen tetaliq éndah léq sorge. Dait napi saq side lekaq léq dunie niki, gen telekaq éndah léq sorge.”
20Sesampun nike Deside Isa peringet pengiring-pengiring-Ne adéq ie pade ndéq bebadaq léq sai-sai bahwe Ie Almasih.
Deside Isa bebaos mengenai kesengsarean dait ninggal-Ne
(Mrk. 8:31–9:1; Luk. 9:22-27)
21Mulai léman waktu nike, Deside Isa nyatayang secare terus terang léq pengiring-pengiring-Ne, bahwe Ie harus lumbar ojok Yerusalem dait ngalamin luwéq penderitean léman pemimpin-pemimpin, imam-imam kepale dait ahli-ahli Taurat. Ie gen tematéq, laguq léq jelo saq ketelu Ie gen teidupang malik.
22Beterus Petrus ngantuq Deside Isa ojok lempéng dait peringet Ie, basene, “Junjungan Saq Mulie, semoge Allah jaoqang hal nike léman Pelungguh! Sampunang hal nike jangke telaksane léq Pelungguh!”
23Deside Isa cingakin andang Petrus dait bemanik, “Lalo léman té Belis! Side ngalang-ngalangin Tiang. Pikirande pikiran manusie; ndéqne pikiran Allah!”
24 #
Mat. 10:38; Luk. 14:27 Beterus Deside Isa bemanik léq pengiring-pengiring-Ne, “Sebilang dengan saq mélé turut Tiang, ie harus ngelupaqang kepentinganne mésaq, ngelémbah salibne, dait tetep turut Tiang. 25#Mat. 10:39; Luk. 17:33; Yah. 12:25 Séngaq dengan saq mélé nyelametang nyawene, gen kélangan nyawene. Laguq dengan saq kélangan nyawene lantaran Tiang, dengan nike gen mauq idupne malik. 26Napi untungne léq sopoq dengan, lamun seantéro dunie niki jari dowéne, laguq ie kélangan nyawene? Napi araq saq bau tekadu siq dengan jari tukah nyawene?
27 # Zbr. 62:13; Mat. 25:31; Rm. 2:6 Ndéq ngonéq malik Bije Manusie, teiring siq malaékat-malaékat-Ne gen rauh léq dalem kemuliean Bapa-Ne. Léq waktu nike, Ie gen bales tipaq sebilang dengan menurut perbuatanne sopoq-sopoq. 28Tiang badaq side pade: Setetune léq antare side pade saq araq léq deriki, araq saq ndéq gen ninggal, sendéqman ie pade serioq Bije Manusie rauh jari Raje dalem Kerajaan-Ne.”
Currently Selected:
MATIUS 16: LAISAS
Highlight
Share
Copy
Want to have your highlights saved across all your devices? Sign up or sign in
MATIUS 16
16
Dengan-dengan Parisi tunas Deside Isa piaq tande ajaip
(Mrk. 8:11-13; Luk. 12:54-56)
1 #
Mat. 12:38; Luk. 11:16 Araq dengan-dengan Parisi dait dengan Saduki parek ojok Deside Isa jari cobe Ie. Ie pade tunas adéq Deside Isa piaq tande ajaip léman sorge. 2Laguq jawab Deside Isa léq ie pade, [“Lamun kenyeke serep jelo, side pade bebase, ‘Cuace bagus, séngaq langitne béaq.’ 3Dait léq kelémaq, side pade bebase, ‘Jelo niki gen turun ujan, séngaq langitne béaq dait gulem.’ Nah, side pade tao ngeramal cuace léman serioq keadaan langit, padahal tande-tande jaman ndéq bau side pade ramal!”] 4#Mat. 12:39; Luk. 11:29 “Jahat gati dait durhake dengan-dengan léq jaman niki! Side pade mélé serioq Tiang miaq tande? Tipaq side pade ndéq gen teicanin sopoq juaq tande kecuali tande Nabi Yunus.”
Sesampun Deside Isa bemanik maraq nike, Ie margi bilin ie pade.
Ragi ruti dengan Parisi dait Saduki
(Mrk. 8:14-21)
5Waktu pengiring-pengiring Deside Isa rauh léq itoqan danao, baruq ie pade nenaoq bahwe ie pade lupaq jauq ruti. 6#Luk. 12:1 Deside Isa bemanik léq ie pade, “Pade waspade léq ragi ruti dengan Parisi dait dengan Saduki.”
7Sewaktu ie pade dengah manik Deside Isa nike, pengiring-pengiring-Ne mulai bebase sopoq kance saq lain, “Deside Isa bemanik maraq nike séngaq ite ndéq jauq ruti.”
8Deside Isa wikan napi saq ie pade raosang, jari Ie bemanik, “Kembéq side pade ngeraosang mengenai ndéq bedowé ruti? Side pade kurang percaye! 9#Mat. 14:17-21 Napi side pade ndéqman ngerti? Napi side pade ndéq inget mengenai lime ruti saq Tiang peleng-peleng jari keloran lime iyu dengan nike? Pire bakaq salone saq side pade kumpulang? 10#Mat. 15:34-38 Dait berembé éndah mengenai pituq ruti umaq empat iyu dengan nike, pire bakaq salo keloran saq side pade kumpulang? 11Kembéq side pade jangke ndéq ngerti bahwe Tiang ndéq ngeraos kance side pade mengenai ruti? Pade onyaq-onyaq léq ragi ruti dengan-dengan Parisi dait dengan Saduki!”
12Ahirne pengiring-pengiring Deside Isa nike ngerti bahwe Ie peringet adéq ie pade onyaq-onyaq ndéqne léq ragi ruti saq tekadu jari miaq ruti, laguq léq pengajahan-pengajahan dengan-dengan Parisi dait Saduki.
Pengakuan Petrus mengenai Deside Isa
(Mrk. 8:27-30; Luk. 9:18-21)
13Deside Isa rauh léq daérah Kaisarea Pilipi. Léq derike Deside Isa beketuan léq pengiring-pengiring-Ne, “Menurut basen dengan, sai Bije Manusie nike?”
14 #
Mat. 14:1-2; Mrk. 6:14-15; Luk. 9:7-8 Jawab pengiring-pengiring-Ne, “Araq saq bebase Yahya Pembaptis. Araq éndah saq bebase Elia, saq lain malik bebase Yeremia atao salaq sopoq léman pare nabi.”
15“Laguq menurut side pade, Tiang niki sai?” Deside Isa beketuan.
16 #
Yah. 6:68-69
Jawab Simon Petrus, “Pelungguh Almasih, Bije saq asalne léman Allah saq idup.”
17Manik Deside Isa léq Petrus, “Bahagie side, Simon bije Yunus! Séngaq ndéqne manusie saq badaq side hal nike, laguq Allah, Bapa Tiang saq léq sorge. 18Dait Tiang badaq side, bahwe side Petrus, batu saq tegéng. Dait léq atas batu niki Tiang gen anjengang jemaah Tiang, saq ndéq bau tekalahang; timaqne siq alam maut!
19 #
Mat. 18:18; Yah. 20:23 Tiang gen béng side kunci Kerajaan Sorge. Dait napi saq side taliq léq gumi, gen tetaliq éndah léq sorge. Dait napi saq side lekaq léq dunie niki, gen telekaq éndah léq sorge.”
20Sesampun nike Deside Isa peringet pengiring-pengiring-Ne adéq ie pade ndéq bebadaq léq sai-sai bahwe Ie Almasih.
Deside Isa bebaos mengenai kesengsarean dait ninggal-Ne
(Mrk. 8:31–9:1; Luk. 9:22-27)
21Mulai léman waktu nike, Deside Isa nyatayang secare terus terang léq pengiring-pengiring-Ne, bahwe Ie harus lumbar ojok Yerusalem dait ngalamin luwéq penderitean léman pemimpin-pemimpin, imam-imam kepale dait ahli-ahli Taurat. Ie gen tematéq, laguq léq jelo saq ketelu Ie gen teidupang malik.
22Beterus Petrus ngantuq Deside Isa ojok lempéng dait peringet Ie, basene, “Junjungan Saq Mulie, semoge Allah jaoqang hal nike léman Pelungguh! Sampunang hal nike jangke telaksane léq Pelungguh!”
23Deside Isa cingakin andang Petrus dait bemanik, “Lalo léman té Belis! Side ngalang-ngalangin Tiang. Pikirande pikiran manusie; ndéqne pikiran Allah!”
24 #
Mat. 10:38; Luk. 14:27 Beterus Deside Isa bemanik léq pengiring-pengiring-Ne, “Sebilang dengan saq mélé turut Tiang, ie harus ngelupaqang kepentinganne mésaq, ngelémbah salibne, dait tetep turut Tiang. 25#Mat. 10:39; Luk. 17:33; Yah. 12:25 Séngaq dengan saq mélé nyelametang nyawene, gen kélangan nyawene. Laguq dengan saq kélangan nyawene lantaran Tiang, dengan nike gen mauq idupne malik. 26Napi untungne léq sopoq dengan, lamun seantéro dunie niki jari dowéne, laguq ie kélangan nyawene? Napi araq saq bau tekadu siq dengan jari tukah nyawene?
27 # Zbr. 62:13; Mat. 25:31; Rm. 2:6 Ndéq ngonéq malik Bije Manusie, teiring siq malaékat-malaékat-Ne gen rauh léq dalem kemuliean Bapa-Ne. Léq waktu nike, Ie gen bales tipaq sebilang dengan menurut perbuatanne sopoq-sopoq. 28Tiang badaq side pade: Setetune léq antare side pade saq araq léq deriki, araq saq ndéq gen ninggal, sendéqman ie pade serioq Bije Manusie rauh jari Raje dalem Kerajaan-Ne.”
Currently Selected:
:
Highlight
Share
Copy
Want to have your highlights saved across all your devices? Sign up or sign in