EPESUS PENGANTAR
PENGANTAR
Léq dalem Surat Paulus Tipaq Jemaah léq Epesus, Paulus ngutameang rencane Allah, “Adéq selapuq saq léq sorge dait saq léq gumi, tejariang sopoq léq dalem Almasih sebagé kepale” (1:10). Surat niki éndah jari nganjurang dengan-dengan saq tehususang bagi Allah adéq ie pade mikirang makne rencane agung léman Allah nike jari pesopoq selapuq umat manusie langan Deside Isa Almasih.
Léq bagian penembéq surat Epesus niki tejelasang berembé entane umat manusie nike tepesopoq. Jari jelasang hal nike ie nyeriteang berembé Allah Bapa sampun miléq umat-Ne, berembé Allah langan Deside Isa Almasih, Bije saq asalne léman Allah nike, ngampunin dait bébasang umat-Ne léman dose, dait berembé janji Allah nike tejamin siq Roh Allah. Léq bagian kedue, teanjurang léq pare pembacene adéq ie pade idup rukun adéq kesatuan ie pade jari umat saq percaye léq Almasih bau telaksane.
Jari metitoqang bahwe umat Allah sampun jari sopoq lantaran araq léq dalem Almasih, Paulus ngadu kiasan-kiasan. Jemaah nike temisalang jari awak dait Almasih nike jari ulune, atao maraq sopoq bangunan Almasih jari batu dasarne, atao maraq sopoq senine dait Almasih jari semamene. Paulus aséq gati sewaktu ie inget rahmat Allah langan Almasih, sehingge selapuq saq tetulis léq surat niki, nyatayang bahwe berembé angenne sayan belimpah-limpah siq rase syukur dait pujian tipaq Tuhan. Selapuqne teukur menurut kasih Almasih, léman pengurbanan-Ne, pengampunan-Ne, ketulusan-Ne, dait kesucian-Ne.
Daptar Isi
Pendahuluan 1:1-2
Deside Isa Almasih kance jemaah-Ne 1:3–3:21
Kehidupan saq baru lantaran percaye léq Almasih 4:1–6:20
Penutup 6:21-24
Currently Selected:
EPESUS PENGANTAR: LAISAS
Highlight
Copy
Compare
Share
Want to have your highlights saved across all your devices? Sign up or sign in