Roma Demo ma mulaingi
Demo ma mulaingi
Limau Roma ma siḏa moju 'i dadi lomanga re ngongaje, sababu 'i dadi Roma ma pamarenta ma ngi'i singadolo limau-limau ma lelegu balasu 'isene parenta toma limau nena-ne. Paulus 'ai maksudu di'a lefo surata nena-ne: Sidoto'o ngowa'a ngaku Yesus, mangale do-doto'o banari, sababu unanga 'o sanga donga nyangu di'a ya'u doto'o. Do-doto'o banari ra Paulus 'ai surata nena-ne ngene wa sanga toma balangu rimoi bu-bula'a nyagi moi re tumudingi (1:17) ga'a 'i siajele so'o ne: “Sababu reo Habari Roanga gena-ge, Ma Jou'ongu Madutu 'o sijumu ma ngo'omo mangale ngowa'a nyengara 'aḏi dadi ngowa'a loasa re banari ra Ma Jou'ongu Madutu 'Ai momina. Pa'i gena-ge 'i dadi ḇato sababu ngowa'a matengo 'o ngaku Ma Jou'ongu Madutu, ngo'omo lelegu 'i cua” Paulus tai surata ma dara 'o lefo: Ngene wo dadi ngowa'a loasa re banari yoḏu'u ra Ma Jou'ongu Madutu 'ai momina na'o pa'i wo mete'e 'atorang-'atoranga ra Musa 'ai hukumu, sababu ngene wa nga'unu ti-tiai ua. (3:27-28, 4:15). Ma Jou'ongu Madutu na tuusu ngene sababu Yesus 'o sengene di'a ngene (3:24-25, 5:8). Dadi na'o ngene wo ngaku ra Yesus, Ma Jou'ongu Madutu 'o sihukumu ngene ua, re Unanga 'o kanau mangale ngene ngowa'a loasa re banari Tai momina (3:22; 26, 4:24-25, 5:1).
Paulus 'o lefo ḏi'i tai surata nena-ne mangale Ma Jou'ongu Madutu 'ai maksudu toma ngowa'a Yahudi, ga'a Israel manga ju'uda tala, re ngowa'a Israel (9-11). Ngowa'a Yahudi, Abraham 'ai ju'uda ga'a 'ua re 'au wali moju sanga cumutu ḏua. Mada'a wakutu Yesus 'o sapolo toma dungia, ngowa'a Yahudi manga repe 'aḏi dawongo Unanga ua. Dadi, Ma Jou'ongu Madutu ḏi'i ya'u dawongo ananga ua sa'olo Unanga 'ai 'umata. Paulus 'o lefo gena-ge banari mangale ngowa'a Yahudi manga repe nange-ne 'aḏi dadi Ma Jou'ongu Madutu 'ai 'umata ua, sababu ananga ngaku Yesus ua (10:1-4). Sababu ananga 'aḏi dawongo Unanga ua, 'i dadi sa'olo ngo'omo rimoi di'a ngowa'a Yahudi ua manga repe 'aḏi dadi Ma Jou'ongu Madutu 'ai 'umata (11:11-15, 30:31). Enanga gena-ge 'i silefo ḏua toma Boku 'Ofi-'Ofi (9:25-29, 10:19-21). Ma Jou'ongu Madutu 'ai maksudu, la ma ḏo-ḏogumu “Ngowa'a Israel mo-moini 'aḏi sanga salamata” (11:26).
Paulus rai maksudu di'a 'o tutumu ngowa'a ngaku Yesus toma limau Roma. Sababu gena-ge, tai surata nena-ne unanga 'o lefo unanga 'o sanga donga di'a singadolo 'ai maksudu (1:10-13, 15:22-29).
Ma dara:
1. Demo ma mulaingi. (1:1-15)
2. Do-doto'o ma mulaingi. (1:16-17)
3. Manusia mo-moini 'aḏi sala ra Ma Jou'ongu Madutu 'ai momina. (1:18—3:20)
4. Manusia sanga ngo'omo, la nyengara 'aḏi dadi ngowa'a loasa re banari ra Ma Jou'ongu Madutu 'ai momina. (3:21—5:21)
5. Sababu ngene wo marimoi ra Yesus, ngene wo bebasa toma ḏosa ma kuasa (balangu 6) ngene wo bebasa ḏi'i toma 'agama ma 'atoranga (balangu 7) Ma Ngagara 'Ofi-'Ofi 'i sipula'a 'ahu su-sungi ra ngene. (balangu 8)
6. Ma sababu 'oru singadolo ngowa'a Yahudi manga repe nange-ne 'aḏi dadi riwara Ma Jou'ongu Madutu 'ai 'umata. (balangu 9-11)
7. Ngene ngowa'a ngaku Yesus nanga de'oso re ḏegoro ma banari ma duhu sa'olo. (12:1—15:13)
8. Paulus 'ai munara di'a singadolo Habari Roanga toma ngowa'a Yahudi ua, re 'ai maksudu mau tutumu ngowa'a toma limau Roma. (15:14-33)
9. Tabea re duga re domolo (balangu 16)
Currently Selected:
Roma Demo ma mulaingi: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society