Yesus 'ai so-soma'a 22
22
1“Baba-baba re ioronongoḏu ngowa'a Yahudi mo-moini na 'isene ngoi to riono 'ai diri.” 2Wakutu ananga ya 'isene 'a Paulus 'o kanau reo demo 'Ibrani, ananga 'aḏi masiogoro. Ḏua Paulus 'a dowanga 'ai demo re 'o kanau:
3“Ngoi ngowa'a Yahudi 'ari ngaunu pa'ala toma limau Tarsus toma daeraha Kilikia, mada'a ngoi to ramasa 'ane toma limau Yerusalem. Ngoi ḏi'i to sanga do-doto'o ra Gamaliel, unanga 'o guru la-lamo'o. Unanga 'o doto'o ngoi mo-moini mangale 'o hukumu ga'a 'a Musa 'o pula'a tananga ete re dotumu. 'Au nga'ene, ngoi ma tero ḏi'i sa'olo ngini mo-moini toma wangere nange-ne, ngoi to cufala masala ra Ma Jou'ongu Madutu.#Som. 5:34-39 4'Au nga'ene, ngoi to sisikisa ngowa-ngowa'a ga'a 'aḏi mete'e Ma Jou Yesus 'ai do-doto'o. 'Age ta'u sisengene, 'age ḏi'i ta'u cako'o re ta'u singosama bui, bae na-nau'u bae we-were'a.#Som. 8:3, 26:9-11 5'Imam 'agung masiretene re Mahkamah 'Agama mo-moini 'aḏi pula'a sakisi mangale ngoi to sakala ua sababu 'aḏi pula'a surata watasa di'a ngoi ta sijumu toma ngowa-ngowa'a Yahudi toma limau Damsyik. Ma surata gena-ge 'i pula'a kuasa ra ngoi di'a ta'u cako'o ngowa-ngowa'a ngaku Yesus re ta'u gasa toma limau Yerusalem, la ya'u sihukumu.
Paulus 'a sijarita mangale 'ai 'ahu ma mami re ma maḏi, wakutu 'o tagi toma limau Damsyik
6Wakutu ngoi to tagi toma limau Damsyik, co-cori i'a toma limau gena-ge 'orasa wangere 'olona, kage-kage cahaya da'u diwanga tala 'i tarangi madutu 'i sigoloḏi ngoi. 7Ngoi to masiruba re to 'isene iḏingi ma betongo 'i kanau ra ngoi, ‘Saulus, Saulus! I'a sa'olo no sisikisa ngoi?’
8Ḏua ngoi to sano, ‘Ma Jou, ngana ge 'a guna?’
Iḏingi gena-ge 'i sangoro ra ngoi, ‘Ngoi nena-ne 'a Yesus ngowa'a Nazaret ga'a ngana no sisikisa ngoi’ 9'Ari ḏagilomu ananga ḏi'i ya oḏi'i cahaya gena-ge, mada'a ananga ya 'isene ua iḏingi ma betongo ga'a 'i kanau ra ngoi. 10Ḏua ngoi dadunu to sano, ‘Ma Jou, ngoi balasu to 'a'a 'oru?’
Ma Jou 'a sangoro, ‘No momi'i re no tagi toma limau Damsyik. I'a da'a kara na waro mo-moini 'oru Ma Jou'ongu Madutu 'o mau ngana na si'a'a.’ 11Cahaya nange-ne ya 'erese 'ari la'o singadolo 'i hafu. Sababu gena-ge, 'ari ḏagilomu ri tuda singosama toma limau Damsyik.
12Toma ngi'i gena-ge, 'age rema ngowa'a matengo 'ai lomanga Ananias, unanga 'o 'ahu di'a sisanangi Ma Jou'ongu Madutu 'ai 'akala re sinyingara re 'o cufala 'a siḏagi 'a Musa 'ai hukumu. Ngowa-ngowa'a Yahudi ga'a 'aḏi tegoro toma limau gena-ge ananga mo-moini 'aḏi silamo'o unanga. 13Unanga 'o sapolo ri tutumu ngoi re 'o made-de'oso tari gagoro re 'o kanau, ‘Dowara Saulus, no oḏi'i moju!’ Toma 'orasa gena-ge ḏua, ngoi to oḏi'i nyengara unanga. 14Gena ḏua, unanga 'o kanau ra ngoi, ‘Ma Jou'ongu Madutu ga'a nanga ete re dotumu 'aḏi silamo'o re siḏubuso, Unanga 'o cumutu ngana la na waro Unanga 'ai mau, re 'o oḏi'i 'a Yesus, Unanga 'o Ngowa'a Loasa re Banari#Yes. 53:11 re 'a 'isene 'ai iḏingi masiretene. 15Ḏuanga i'a, no dadi sakisi di'a no siajele toma ngowa'a mo-moini 'oru na oḏi'i re na 'isene pasala ḏua. 16Dadi no totoma ti'ara awa. Ngana no momi'i re no golo'o ra Ma Jou Yesus 'o singi-ngiranga 'ani ḏosa mo-moini re sanga baptis.’ ”
Ma Jou'ongu Madutu 'o soma'a Paulus 'o singadolo Habari Roanga toma ngowa'a Yahudi ua
17“Ngoi to maḏibo toma limau Yerusalem. Wakutu ngoi to manyiata ra Ma Jou'ongu Madutu 'ai Wala, Ma Ngagara 'Ofi-'Ofi ri ḏegoro. 18Ngoi to sanga tingoḏi'i re to oḏi'i Ma Jou Yesus re Unanga 'o kanau ino ra ngoi, ‘Capati na sisoi'i tala limau Yerusalem, sababu ngowa-ngowa'a 'ane-ne ananga 'aḏi dawongo ua 'ani sakisi mangale Ngoi.’ 19Ngoi to kanau, ‘Ma Jou, ngowa'a Yahudi 'ane-ne 'aḏi dawongo ngoi 'ari demo sababu 'aḏi waro mode-mode'e mangale ngoi to osama toma wala-wala puji di'a ta'u cako'o re ta'u ca'olo ngowa'a raḏi ngaku Ma Jou. 20Re wakutu ananga 'aḏi sisengene 'a Stefanus, ngoi masiretene 'age ḏi'i re to sanangi ananga 'u sisengene unanga Stefanus, re ngoi ta ja-jaga ngowa'a gena-ge manga juba.’#Som. 7:58 21Mada'a Ma Jou Yesus dadunu 'o kanau ra ngoi, ‘Tagi ḇato! Sababu Ngoi to soma'a ngana no tagi toma giḏanga toma ngowa-ngowa'a Yahudi ua.’ ”
22Ngowa'a repe ya 'isene tau-taunu 'a Paulus 'ai demo singadolo ma ḏo-ḏogumu tala, mada'a wakutu unanga siajele mangale ngowa'a Yahudi ua, ananga gena-ge 'aḏi poa'a ya siduga-duga, “Sisengene unanga ḇato! Ngowa'a so'o nena-ne, rousu ua 'o 'ahu!” 23Wakutu ananga 'aḏi maulili ya woi'i re ya wua manga pakeanga singadolo ma korou'u 'i matai soloro. 24Ḏua sordado la-lamo'o 'o soma'a 'ai sordado-sordado 'aḏi gasa Paulus toma sordado ma ngi'i, la Paulus 'o sanga ca'olo re ya'u disa waro ma sababu 'oru ngowa-ngowa'a Yahudi 'aḏi ruta re 'aḏi siboa-boa'a unanga. 25Wakutu ananga 'aḏi piri'u re mau 'aḏi ca'olo, Paulus 'o kanau i'a toma sordado ma sae'e, unanga 'o made-de'oso ra Paulus 'ai gagoro, “Nyengara bolo ua, ngowa'a Roma matengo 'o sanga hukumu na'o sijuruhakimi nyangu?”
26Wakutu sordado ma sae'e gena-ge 'a 'isene so'o gena unanga 'o tagi toma sordado la-lamo'o re 'o sano, “Unanga nena-ne 'o ngowa'a Roma! Jou no 'a'a sa'olo ra unanga?” 27Ḏua sordado la-lamo'o gena-ge 'o tagi ra Paulus re 'o kanau, “Tai'i na siajele, ngana ngowa'a Roma bolo ua?”
Paulus 'o sangoro, “Ya, ngoi ngowa'a Roma.”
28Sordado la-lamo'o gena-ge dadunu 'o kanau ḏi'i, “Ngoi to fangu lai lamo'o masala to dadi ngowa'a Roma.”
Paulus 'o sangoro, “Mada'a ngoi 'ari ḇaḇa ngowa'a Roma.”
29Toma 'orasa gena-ge, sordado-sordado ga'a mau niusu Paulus 'aḏi madorusu re sordado la-lamo'o gena-ge 'o dadi mojongo sababu unanga ru rate 'a Paulus, ngowa'a Roma.
Ananga 'aḏi sitalaḏi 'a Paulus toma Mahkamah 'Agama
30Sordado la-lamo'o gena-ge unanga mau disa waro mode-mode'e ma sababu 'oru ngowa'a Yahudi 'u sisala 'a Paulus. Sababu gena-ge, ma ḇiḇini ino unanga 'o 'aro'o 'imam-'imam ma sae'e re Mahkamah 'Agama 'aḏi malomu. Ḏua ya woi'i 'a Paulus 'ai rate, kara 'aḏi gasa sitalaḏi ra ananga mo-moini.
Currently Selected:
Yesus 'ai so-soma'a 22: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
Yesus 'ai so-soma'a 22
22
1“Baba-baba re ioronongoḏu ngowa'a Yahudi mo-moini na 'isene ngoi to riono 'ai diri.” 2Wakutu ananga ya 'isene 'a Paulus 'o kanau reo demo 'Ibrani, ananga 'aḏi masiogoro. Ḏua Paulus 'a dowanga 'ai demo re 'o kanau:
3“Ngoi ngowa'a Yahudi 'ari ngaunu pa'ala toma limau Tarsus toma daeraha Kilikia, mada'a ngoi to ramasa 'ane toma limau Yerusalem. Ngoi ḏi'i to sanga do-doto'o ra Gamaliel, unanga 'o guru la-lamo'o. Unanga 'o doto'o ngoi mo-moini mangale 'o hukumu ga'a 'a Musa 'o pula'a tananga ete re dotumu. 'Au nga'ene, ngoi ma tero ḏi'i sa'olo ngini mo-moini toma wangere nange-ne, ngoi to cufala masala ra Ma Jou'ongu Madutu.#Som. 5:34-39 4'Au nga'ene, ngoi to sisikisa ngowa-ngowa'a ga'a 'aḏi mete'e Ma Jou Yesus 'ai do-doto'o. 'Age ta'u sisengene, 'age ḏi'i ta'u cako'o re ta'u singosama bui, bae na-nau'u bae we-were'a.#Som. 8:3, 26:9-11 5'Imam 'agung masiretene re Mahkamah 'Agama mo-moini 'aḏi pula'a sakisi mangale ngoi to sakala ua sababu 'aḏi pula'a surata watasa di'a ngoi ta sijumu toma ngowa-ngowa'a Yahudi toma limau Damsyik. Ma surata gena-ge 'i pula'a kuasa ra ngoi di'a ta'u cako'o ngowa-ngowa'a ngaku Yesus re ta'u gasa toma limau Yerusalem, la ya'u sihukumu.
Paulus 'a sijarita mangale 'ai 'ahu ma mami re ma maḏi, wakutu 'o tagi toma limau Damsyik
6Wakutu ngoi to tagi toma limau Damsyik, co-cori i'a toma limau gena-ge 'orasa wangere 'olona, kage-kage cahaya da'u diwanga tala 'i tarangi madutu 'i sigoloḏi ngoi. 7Ngoi to masiruba re to 'isene iḏingi ma betongo 'i kanau ra ngoi, ‘Saulus, Saulus! I'a sa'olo no sisikisa ngoi?’
8Ḏua ngoi to sano, ‘Ma Jou, ngana ge 'a guna?’
Iḏingi gena-ge 'i sangoro ra ngoi, ‘Ngoi nena-ne 'a Yesus ngowa'a Nazaret ga'a ngana no sisikisa ngoi’ 9'Ari ḏagilomu ananga ḏi'i ya oḏi'i cahaya gena-ge, mada'a ananga ya 'isene ua iḏingi ma betongo ga'a 'i kanau ra ngoi. 10Ḏua ngoi dadunu to sano, ‘Ma Jou, ngoi balasu to 'a'a 'oru?’
Ma Jou 'a sangoro, ‘No momi'i re no tagi toma limau Damsyik. I'a da'a kara na waro mo-moini 'oru Ma Jou'ongu Madutu 'o mau ngana na si'a'a.’ 11Cahaya nange-ne ya 'erese 'ari la'o singadolo 'i hafu. Sababu gena-ge, 'ari ḏagilomu ri tuda singosama toma limau Damsyik.
12Toma ngi'i gena-ge, 'age rema ngowa'a matengo 'ai lomanga Ananias, unanga 'o 'ahu di'a sisanangi Ma Jou'ongu Madutu 'ai 'akala re sinyingara re 'o cufala 'a siḏagi 'a Musa 'ai hukumu. Ngowa-ngowa'a Yahudi ga'a 'aḏi tegoro toma limau gena-ge ananga mo-moini 'aḏi silamo'o unanga. 13Unanga 'o sapolo ri tutumu ngoi re 'o made-de'oso tari gagoro re 'o kanau, ‘Dowara Saulus, no oḏi'i moju!’ Toma 'orasa gena-ge ḏua, ngoi to oḏi'i nyengara unanga. 14Gena ḏua, unanga 'o kanau ra ngoi, ‘Ma Jou'ongu Madutu ga'a nanga ete re dotumu 'aḏi silamo'o re siḏubuso, Unanga 'o cumutu ngana la na waro Unanga 'ai mau, re 'o oḏi'i 'a Yesus, Unanga 'o Ngowa'a Loasa re Banari#Yes. 53:11 re 'a 'isene 'ai iḏingi masiretene. 15Ḏuanga i'a, no dadi sakisi di'a no siajele toma ngowa'a mo-moini 'oru na oḏi'i re na 'isene pasala ḏua. 16Dadi no totoma ti'ara awa. Ngana no momi'i re no golo'o ra Ma Jou Yesus 'o singi-ngiranga 'ani ḏosa mo-moini re sanga baptis.’ ”
Ma Jou'ongu Madutu 'o soma'a Paulus 'o singadolo Habari Roanga toma ngowa'a Yahudi ua
17“Ngoi to maḏibo toma limau Yerusalem. Wakutu ngoi to manyiata ra Ma Jou'ongu Madutu 'ai Wala, Ma Ngagara 'Ofi-'Ofi ri ḏegoro. 18Ngoi to sanga tingoḏi'i re to oḏi'i Ma Jou Yesus re Unanga 'o kanau ino ra ngoi, ‘Capati na sisoi'i tala limau Yerusalem, sababu ngowa-ngowa'a 'ane-ne ananga 'aḏi dawongo ua 'ani sakisi mangale Ngoi.’ 19Ngoi to kanau, ‘Ma Jou, ngowa'a Yahudi 'ane-ne 'aḏi dawongo ngoi 'ari demo sababu 'aḏi waro mode-mode'e mangale ngoi to osama toma wala-wala puji di'a ta'u cako'o re ta'u ca'olo ngowa'a raḏi ngaku Ma Jou. 20Re wakutu ananga 'aḏi sisengene 'a Stefanus, ngoi masiretene 'age ḏi'i re to sanangi ananga 'u sisengene unanga Stefanus, re ngoi ta ja-jaga ngowa'a gena-ge manga juba.’#Som. 7:58 21Mada'a Ma Jou Yesus dadunu 'o kanau ra ngoi, ‘Tagi ḇato! Sababu Ngoi to soma'a ngana no tagi toma giḏanga toma ngowa-ngowa'a Yahudi ua.’ ”
22Ngowa'a repe ya 'isene tau-taunu 'a Paulus 'ai demo singadolo ma ḏo-ḏogumu tala, mada'a wakutu unanga siajele mangale ngowa'a Yahudi ua, ananga gena-ge 'aḏi poa'a ya siduga-duga, “Sisengene unanga ḇato! Ngowa'a so'o nena-ne, rousu ua 'o 'ahu!” 23Wakutu ananga 'aḏi maulili ya woi'i re ya wua manga pakeanga singadolo ma korou'u 'i matai soloro. 24Ḏua sordado la-lamo'o 'o soma'a 'ai sordado-sordado 'aḏi gasa Paulus toma sordado ma ngi'i, la Paulus 'o sanga ca'olo re ya'u disa waro ma sababu 'oru ngowa-ngowa'a Yahudi 'aḏi ruta re 'aḏi siboa-boa'a unanga. 25Wakutu ananga 'aḏi piri'u re mau 'aḏi ca'olo, Paulus 'o kanau i'a toma sordado ma sae'e, unanga 'o made-de'oso ra Paulus 'ai gagoro, “Nyengara bolo ua, ngowa'a Roma matengo 'o sanga hukumu na'o sijuruhakimi nyangu?”
26Wakutu sordado ma sae'e gena-ge 'a 'isene so'o gena unanga 'o tagi toma sordado la-lamo'o re 'o sano, “Unanga nena-ne 'o ngowa'a Roma! Jou no 'a'a sa'olo ra unanga?” 27Ḏua sordado la-lamo'o gena-ge 'o tagi ra Paulus re 'o kanau, “Tai'i na siajele, ngana ngowa'a Roma bolo ua?”
Paulus 'o sangoro, “Ya, ngoi ngowa'a Roma.”
28Sordado la-lamo'o gena-ge dadunu 'o kanau ḏi'i, “Ngoi to fangu lai lamo'o masala to dadi ngowa'a Roma.”
Paulus 'o sangoro, “Mada'a ngoi 'ari ḇaḇa ngowa'a Roma.”
29Toma 'orasa gena-ge, sordado-sordado ga'a mau niusu Paulus 'aḏi madorusu re sordado la-lamo'o gena-ge 'o dadi mojongo sababu unanga ru rate 'a Paulus, ngowa'a Roma.
Ananga 'aḏi sitalaḏi 'a Paulus toma Mahkamah 'Agama
30Sordado la-lamo'o gena-ge unanga mau disa waro mode-mode'e ma sababu 'oru ngowa'a Yahudi 'u sisala 'a Paulus. Sababu gena-ge, ma ḇiḇini ino unanga 'o 'aro'o 'imam-'imam ma sae'e re Mahkamah 'Agama 'aḏi malomu. Ḏua ya woi'i 'a Paulus 'ai rate, kara 'aḏi gasa sitalaḏi ra ananga mo-moini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society