Yesus 'ai so-soma'a 21
21
'A Paulus 'o tagi toma limau Yerusalem
1Ngomi masilo-loasa toma jama'ata ma bi-biri'i toma limau Efesus, kara mi tagi mi sisoi'i tala ananga. Ḏua ngomi mi sidete turusu toma pulo Kos, re ma ḇiḇini ino ngomi ngadolo toma pulo Rodos. Toma ngi'i gena-ge, ngomi sidete mi turusu toma bo-balene Patara. 2Toma bo-balene gena-ge, 'age rema kapala rimoi sa'i sidete toma daeraha Fenisia toma nagara Siria. Ḏua ngomi mi mabalene toma kapala gena-ge kara mi sidete. 3Ngomi mi sidete singadolo mi oḏi'i pulo Siprus 'i tegoro taminga kuḇali mada'a ngomi mi mameta-meta i'a nagara Siria. Ngomi 'uci toma limau Tirus sababu ma kapala gena-ge 'i tuḏu i'a siguci ma gina. 4Toma ngi'i gena-ge, ngomi ma'u tutumu ngowa'a ngaku Yesus ḏua re mi tegoro ra ananga ma di'ara migu rimoi. Ananga 'aḏi sipo-poma Paulus, la 'o tagi awa toma limau Yerusalem sababu Ma Ngagara 'Ofi-'Ofi siajele ra ananga mangale unanga i'a da'a sanga sangisara. 5Mada'a wakutu kapala gena-ge sa'i sidete moju, ngomi mi sisoi'i tala ananga re ma dowanga minga ḏo-ḏagi. Ananga remanga were'a remanga ngowa 'olo mo-moini 'aḏi singata'a ngomi singadolo toma limau ma ḏuḏunu. I'a da'a toma ngoloto ma 'uḏu, ngomi mo-moini mi maḏipolono re mi manyiata. 6Gena ḏua, ngomi mi masilo-loasa, kara ngomi mi mabalene toma kapala, re ananga 'aḏi maḏibo tamanga wala.
7Toma limau Tirus, ngomi sidete turusu toma limau Ptolemais. Toma ngi'i gena-ge ngomi mi tutumu ngowa'a ngaku Yesus re mi tegoro wange moi ra ananga. 8Ma ḇiḇini ino, ngomi tagi re mi ngadolo toma limau Kaisarea. I'a da'a, ngomi tagi ra Filipus unanga gena-ge ngowa'a ga'a 'o singadolo Habari Roanga. Re ngomi mi tegoro ra unanga 'ai wala. Unanga gena-ge 'o osama nyo-nyoimi Samas nga tumudingi ga'a Yesus 'ai so-soma'a 'aḏi cumutu toma limau Yerusalem.#Som. 6:5, 8:5 9'Ai ngowa'a mosolese nga ḏuata Ma Jou'ongu Madutu 'o pula'a kuasa la ananga 'aḏi siajele habari da'u ra Ma Jou'ongu Madutu tala.
10Mi tegoro toma ngi'i gena-ge wangere muḏuo i'a, 'age rema nabi matengo 'ai lomanga Agabus 'o sapolo toma daeraha Yudea.#Som. 11:28 11Unanga 'o sapolo ra ngomi, ḏua 'o 'oro 'a Paulus 'ai golona ma bi-biri'u. Unanga masiretene 'o madipiri'u 'ai rou re 'ai giama rema golona ma bi-biri'u gena-ge re 'o kanau, “Nena-ne Ma Ngagara 'Ofi-'Ofi 'i siajele pasala ḏua, ‘Golona ma bi-biri'u ma dutu, ḏuanga i'a ngowa'a Yahudi 'u sipiri'u unanga so'o nena-ne ḏi'i toma limau Yerusalem, re 'aḏi pula'a toma ngowa-ngowa'a Yahudi ua.’ ”
12Wakutu ngomi 'isene nabi Agabus 'ai demo, ngomi re ioronongoḏu ngo-ngaku rimoi ga'a 'aḏi tegoro toma limau Kaisarea gena-ge mi golo'o re mi maḏigaro'o ra Paulus, la unanga 'o tagi toma limau Yerusalem awa. 13Mada'a 'a Paulus 'o sangoro, “I'a sa'olo ngini ni 'aḏi? Awa na sikangela 'ari 'akala re sinyingara! Ngoi ḏuanga i'a pa'i 'aḏi cako'o ḇato ua; mada'a ri sengene ḏi'i mai to nyengara toma limau Yerusalem sababu ngoi to mete'e Ma Jou Yesus 'ai 'akala ma mau.” 14Paulus 'o mamaha ngomi ua. Dadi ngomi matogumu mi dola'aku unanga. Ngomi mi kanau, “Jobilaha, Ma Jou'ongu Madutu 'ai 'akala ma mau ḇato 'i dadi.” 15Toma ngi'i gena-ge, ngomi tegoro wangere muḏuo i'a masidiai minga 'ori i'a rana, kara mi tagi toma limau Yerusalem. 16Ngowa'a ngaku Yesus nga muḏuo i'a toma limau Kaisarea ino 'aḏi tagi ḏi'i mamete'e ra ngomi 'aḏi singata'a ngadolo ra Manason 'ai wala, sababu ngomi masiḏingoto toma wala gena-ge. (Manason unanga gena-ge ngowa'a Siprus, unanga 'o dadi ngowa'a ngaku Yesus ma di'ara ḏua).
'A Paulus 'o tutumu 'a Yakobus
17Wakutu ngomi mi ngadolo toma limau Yerusalem, ioronongoḏu ngo-ngaku rimoi 'aḏi dawongo ngomi remanga 'akala re sinyingara sa-sanangi. 18Ma ḇiḇini ino, Paulus 'o tagi mamete'e ra ngomi di'a mi tutumu 'a Yakobus re jama'ata ma bi-biri'i ananga 'age mo-moini ḏi'i. 19'Aḏi ma'u tabea palisi'i i'a, Paulus 'a sijarita ra ananga mangale 'oru ga'a Ma Jou'ongu Madutu 'a si'a'a pasala ḏua toma ngowa'a Yahudi ua manga sigolona sababu 'ai munara.
20Ya 'isene Paulus 'ai jarita gena-ge palisi'i i'a, ananga mo-moini 'aḏi puji re silamo'o Ma Jou'ongu Madutu, kara 'aḏi kanau ra Paulus, “Dowara Paulus! Dowara balasu na waro ngowa'a Yahudi remanga rema cala-cala raḏi ngaku 'a Yesus. Ananga mo-moini 'aḏi cufala 'aḏi mete'e 'a Musa 'ai hukumu. 21Mada'a nange-ne ananga ya 'isene rapu mangale ngana no doto'o ngowa'a Yahudi mo-moini ga'a 'aḏi tegoro toma bangsa wola i'a manga sigolona mangale ananga ya 'elingi rawara 'a Musa 'ai hukumu. Ngana no siajele mangale ananga manga ngowa-ngowa'a ya suna rawara, re ya mete'e rawara ngowa'a Yahudi manga 'adata re 'atoranga. 22Tantu nange-ne, ngowa-ngowa'a Yahudi ga'a raḏi dadi ngowa'a ngaku Yesus gena-ge ya 'isene re ya waro ngana no ngadolo 'ane. Dadi sa'olo? 23Sababu gena-ge, na'o nyengara gari'a, na mete'e ngomi minga demo. 'Age rema ngowa'a nga ḏuata ananga ga'a 'aḏi sijaji ḏua ra Ma Jou'ongu Madutu.#Nyo. 6:13-21 24Nange-ne ngana no tagi ma'u mete'e ananga, la ni si'ofi ninga diri mangale Yahudi manga 'adata re 'atoranga, kara ngana na fangu ḏi'i ananga 'aḏi ḇukuku manga sae'e ma bo-bangu. Dadi, ngowa'a mo-moini manga ngau'u magi-gisene 'i ma'u rapu, sababu ngana masiretene na mete'e 'a Musa 'ai hukumu. 25Mada'a ngowa'a Yahudi ua ga'a raḏi dadi ngowa'a ngaku Yesus, ngomi re mi siḏingoto surata ra ananga gena-ge mangale minga fakati: Ananga 'aḏi oromo awa ngo-ngoromo ga'a sipula'a ḏua toma dulada, 'aḏi ka'e ngaunu awa, bolo 'aḏi oromo haiwani ga'a 'i tola'a ua re 'aḏi sudala awa.”#Som. 15:29
26Ma ḇiḇini ino, Paulus re ananga nga ḏuata 'aḏi si'ofi manga diri. Togumu i'a, ananga 'aḏi osama ra Ma Jou'ongu Madutu 'ai Wala ma soana re 'aḏi siajele wangere muḏuo i'a moju kara ya siḏo-ḏogumu ya si'ofi manga diri, re matengo re matengo 'aḏi gasa manga jou-jou.
Paulus sanga cako'o ra Ma Jou'ongu Madutu 'ai Wala ma soana
27-28Ma 'orasa wangere tumudingi sa'i ri co-cori, ngowa'a Yahudi nga muḏuo i'a toma daeraha Asia ino 'aḏi oḏi'i 'a Paulus ra Ma Jou'ongu Madutu 'ai Wala ma soana, ḏua 'aḏi sigaro'o ngowa'a repe, la 'u cako'o unanga kara ananga 'aḏi siboa-boa'a, “Hei ngowa-ngowa'a Israel, riono! Unanga nena-ne, ga'a 'o tagi le'a bolo le'a 'o sidoto'o ngowa'a repe 'aḏi lawana ngowa'a Israel re 'aḏi mete'e awa 'a Musa 'ai hukumu re 'o si'u'ua Ma Jou'ongu Madutu 'ai Wala ma soana. Re nange-ne ḏi'i, Unanga 'o singosama ngowa'a Yahudi ua ra Ma Jou'ongu Madutu 'ai Wala ma soana re 'a si'a'a ngi'i gena-ge 'i faja!” 29(Ananga 'aḏi kanau so'o gena-ge sababu 'aḏi oḏi'i ḏua 'a Paulus re 'a Trofimus, ngowa'a Efesus, 'aḏi ma'u mete'e toma limau Yerusalem. Ḏua ananga 'aḏi ta'ajiri 'a Paulus 'o gasa re 'o singosama 'a Trofimus ra Ma Jou'ongu Madutu 'ai Wala ma soana.)#Som. 20:4
30Toma limau gena-ge, ngowa'a mo-moini 'aḏi 'a'a kaco re ngowa'a 'aḏi matai sapolo 'u gowolo, 'u cako'o 'a Paulus re 'u taba'a sisupu ra Ma Jou'ongu Madutu 'ai Wala ma soana, kara ya kuci ma ngalana. 31Paulus 'ai lawana 'aḏi disa ma 'akala 'aḏi sisengene unanga, dadi 'u ca'olo matogumu ua. Wakutu gena-ge, ngowa'a lelegu ya siajele toma Roma manga sordado la-lamo'o mangale toma limau Yerusalem ngowa'a mo-moini raḏi kaco. 32Sordado la-lamo'o gena-ge 'u 'aro'o sordado ma sae'e nga muḏuo i'a re sordado-sordado re 'o soma'a ananga capati mete'e unanga 'o tagi toma ngi'i gena-ge. Wakutu ngowa'a repe 'aḏi oḏi'i sordado la-lamo'o re 'ai sordado-sordado 'aḏi sapolo, ananga 'aḏi matogumu 'aḏi ca'olo 'a Paulus. 33Sordado la-lamo'o 'u jau i'a 'a Paulus re unanga 'o soma'a 'ai sordado-sordado 'u cako'o re 'u rate. Gena ḏua, sordado la-lamo'o 'u sano ra ananga, “Unanga nena-ne, 'a guna? Unanga nena-ne 'o 'a'a 'oru?” 34Mamuni'a toma ngowa'a repe gena-ge manga sigolona 'aḏi sangoro so'o ne re mamuni'a ḏi'i 'aḏi sangoro manga. Sababu ganapu nyiwere sordado la-lamo'o waro ua 'o 'oru 'i dadi ḏua. Dadi unanga 'o soma'a sordado-sordado 'u gasa 'a Paulus toma sordado-sordado manga ngi'i. 35Wakutu ananga 'u gasa unanga ngadolo toma sordado-sordado manga ngi'i ma ngalo-ngalo, Paulus 'ai lawana 'aḏi maruta masala singadolo sordado-sordado 'u gola'a 'a Paulus. 36Paulus 'ai lawana 'aḏi tu-tuu'u ra ananga manga ḏuḏunu re 'aḏi poa'a, “Sisengene unanga!”
Paulus 'o riono 'ai diri
37Wakutu sordado-sordado sa'i 'aḏi singosama Paulus toma sordado-sordado manga ngi'i ma dara, Paulus 'o kanau i'a toma sordado la-lamo'o, “Tuanga, no nyengara ngoi to kanau ceka'a ua?” Sordado la-lamo'o gena-ge 'o sangoro, “Ngana na waro 'o Yunani manga demo!” 38“Ngana ngowa'a Mesir bolo ua ga'a 'o lawana re 'o sibiḏi ngowa'a 'a'a kaco nga cala rata re 'aḏi osama daeraha dongi-dongi.”
39Paulus 'o sangoro, “Ngoi ngowa'a Yahudi to tegoro toma limau Tarsus. Limau gena-ge re ma lomanga ri ngongaje toma daeraha Kilikia. Nga'unu gari'a no pula'a watasa ngoi to siajele toma ngowa'a repe gena-ge.”
40Dadi sordado la-lamo'o gena-ge 'o pula'a watasa. Ḏua Paulus 'o pula'a nana'o toma ngowa'a repe rai giama. Ananga mo-moini 'aḏi masiogoro. Pasala i'a, Paulus 'o kanau ra ananga reo demo 'Ibrani. Unanga 'o kanau,
Currently Selected:
Yesus 'ai so-soma'a 21: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
Yesus 'ai so-soma'a 21
21
'A Paulus 'o tagi toma limau Yerusalem
1Ngomi masilo-loasa toma jama'ata ma bi-biri'i toma limau Efesus, kara mi tagi mi sisoi'i tala ananga. Ḏua ngomi mi sidete turusu toma pulo Kos, re ma ḇiḇini ino ngomi ngadolo toma pulo Rodos. Toma ngi'i gena-ge, ngomi sidete mi turusu toma bo-balene Patara. 2Toma bo-balene gena-ge, 'age rema kapala rimoi sa'i sidete toma daeraha Fenisia toma nagara Siria. Ḏua ngomi mi mabalene toma kapala gena-ge kara mi sidete. 3Ngomi mi sidete singadolo mi oḏi'i pulo Siprus 'i tegoro taminga kuḇali mada'a ngomi mi mameta-meta i'a nagara Siria. Ngomi 'uci toma limau Tirus sababu ma kapala gena-ge 'i tuḏu i'a siguci ma gina. 4Toma ngi'i gena-ge, ngomi ma'u tutumu ngowa'a ngaku Yesus ḏua re mi tegoro ra ananga ma di'ara migu rimoi. Ananga 'aḏi sipo-poma Paulus, la 'o tagi awa toma limau Yerusalem sababu Ma Ngagara 'Ofi-'Ofi siajele ra ananga mangale unanga i'a da'a sanga sangisara. 5Mada'a wakutu kapala gena-ge sa'i sidete moju, ngomi mi sisoi'i tala ananga re ma dowanga minga ḏo-ḏagi. Ananga remanga were'a remanga ngowa 'olo mo-moini 'aḏi singata'a ngomi singadolo toma limau ma ḏuḏunu. I'a da'a toma ngoloto ma 'uḏu, ngomi mo-moini mi maḏipolono re mi manyiata. 6Gena ḏua, ngomi mi masilo-loasa, kara ngomi mi mabalene toma kapala, re ananga 'aḏi maḏibo tamanga wala.
7Toma limau Tirus, ngomi sidete turusu toma limau Ptolemais. Toma ngi'i gena-ge ngomi mi tutumu ngowa'a ngaku Yesus re mi tegoro wange moi ra ananga. 8Ma ḇiḇini ino, ngomi tagi re mi ngadolo toma limau Kaisarea. I'a da'a, ngomi tagi ra Filipus unanga gena-ge ngowa'a ga'a 'o singadolo Habari Roanga. Re ngomi mi tegoro ra unanga 'ai wala. Unanga gena-ge 'o osama nyo-nyoimi Samas nga tumudingi ga'a Yesus 'ai so-soma'a 'aḏi cumutu toma limau Yerusalem.#Som. 6:5, 8:5 9'Ai ngowa'a mosolese nga ḏuata Ma Jou'ongu Madutu 'o pula'a kuasa la ananga 'aḏi siajele habari da'u ra Ma Jou'ongu Madutu tala.
10Mi tegoro toma ngi'i gena-ge wangere muḏuo i'a, 'age rema nabi matengo 'ai lomanga Agabus 'o sapolo toma daeraha Yudea.#Som. 11:28 11Unanga 'o sapolo ra ngomi, ḏua 'o 'oro 'a Paulus 'ai golona ma bi-biri'u. Unanga masiretene 'o madipiri'u 'ai rou re 'ai giama rema golona ma bi-biri'u gena-ge re 'o kanau, “Nena-ne Ma Ngagara 'Ofi-'Ofi 'i siajele pasala ḏua, ‘Golona ma bi-biri'u ma dutu, ḏuanga i'a ngowa'a Yahudi 'u sipiri'u unanga so'o nena-ne ḏi'i toma limau Yerusalem, re 'aḏi pula'a toma ngowa-ngowa'a Yahudi ua.’ ”
12Wakutu ngomi 'isene nabi Agabus 'ai demo, ngomi re ioronongoḏu ngo-ngaku rimoi ga'a 'aḏi tegoro toma limau Kaisarea gena-ge mi golo'o re mi maḏigaro'o ra Paulus, la unanga 'o tagi toma limau Yerusalem awa. 13Mada'a 'a Paulus 'o sangoro, “I'a sa'olo ngini ni 'aḏi? Awa na sikangela 'ari 'akala re sinyingara! Ngoi ḏuanga i'a pa'i 'aḏi cako'o ḇato ua; mada'a ri sengene ḏi'i mai to nyengara toma limau Yerusalem sababu ngoi to mete'e Ma Jou Yesus 'ai 'akala ma mau.” 14Paulus 'o mamaha ngomi ua. Dadi ngomi matogumu mi dola'aku unanga. Ngomi mi kanau, “Jobilaha, Ma Jou'ongu Madutu 'ai 'akala ma mau ḇato 'i dadi.” 15Toma ngi'i gena-ge, ngomi tegoro wangere muḏuo i'a masidiai minga 'ori i'a rana, kara mi tagi toma limau Yerusalem. 16Ngowa'a ngaku Yesus nga muḏuo i'a toma limau Kaisarea ino 'aḏi tagi ḏi'i mamete'e ra ngomi 'aḏi singata'a ngadolo ra Manason 'ai wala, sababu ngomi masiḏingoto toma wala gena-ge. (Manason unanga gena-ge ngowa'a Siprus, unanga 'o dadi ngowa'a ngaku Yesus ma di'ara ḏua).
'A Paulus 'o tutumu 'a Yakobus
17Wakutu ngomi mi ngadolo toma limau Yerusalem, ioronongoḏu ngo-ngaku rimoi 'aḏi dawongo ngomi remanga 'akala re sinyingara sa-sanangi. 18Ma ḇiḇini ino, Paulus 'o tagi mamete'e ra ngomi di'a mi tutumu 'a Yakobus re jama'ata ma bi-biri'i ananga 'age mo-moini ḏi'i. 19'Aḏi ma'u tabea palisi'i i'a, Paulus 'a sijarita ra ananga mangale 'oru ga'a Ma Jou'ongu Madutu 'a si'a'a pasala ḏua toma ngowa'a Yahudi ua manga sigolona sababu 'ai munara.
20Ya 'isene Paulus 'ai jarita gena-ge palisi'i i'a, ananga mo-moini 'aḏi puji re silamo'o Ma Jou'ongu Madutu, kara 'aḏi kanau ra Paulus, “Dowara Paulus! Dowara balasu na waro ngowa'a Yahudi remanga rema cala-cala raḏi ngaku 'a Yesus. Ananga mo-moini 'aḏi cufala 'aḏi mete'e 'a Musa 'ai hukumu. 21Mada'a nange-ne ananga ya 'isene rapu mangale ngana no doto'o ngowa'a Yahudi mo-moini ga'a 'aḏi tegoro toma bangsa wola i'a manga sigolona mangale ananga ya 'elingi rawara 'a Musa 'ai hukumu. Ngana no siajele mangale ananga manga ngowa-ngowa'a ya suna rawara, re ya mete'e rawara ngowa'a Yahudi manga 'adata re 'atoranga. 22Tantu nange-ne, ngowa-ngowa'a Yahudi ga'a raḏi dadi ngowa'a ngaku Yesus gena-ge ya 'isene re ya waro ngana no ngadolo 'ane. Dadi sa'olo? 23Sababu gena-ge, na'o nyengara gari'a, na mete'e ngomi minga demo. 'Age rema ngowa'a nga ḏuata ananga ga'a 'aḏi sijaji ḏua ra Ma Jou'ongu Madutu.#Nyo. 6:13-21 24Nange-ne ngana no tagi ma'u mete'e ananga, la ni si'ofi ninga diri mangale Yahudi manga 'adata re 'atoranga, kara ngana na fangu ḏi'i ananga 'aḏi ḇukuku manga sae'e ma bo-bangu. Dadi, ngowa'a mo-moini manga ngau'u magi-gisene 'i ma'u rapu, sababu ngana masiretene na mete'e 'a Musa 'ai hukumu. 25Mada'a ngowa'a Yahudi ua ga'a raḏi dadi ngowa'a ngaku Yesus, ngomi re mi siḏingoto surata ra ananga gena-ge mangale minga fakati: Ananga 'aḏi oromo awa ngo-ngoromo ga'a sipula'a ḏua toma dulada, 'aḏi ka'e ngaunu awa, bolo 'aḏi oromo haiwani ga'a 'i tola'a ua re 'aḏi sudala awa.”#Som. 15:29
26Ma ḇiḇini ino, Paulus re ananga nga ḏuata 'aḏi si'ofi manga diri. Togumu i'a, ananga 'aḏi osama ra Ma Jou'ongu Madutu 'ai Wala ma soana re 'aḏi siajele wangere muḏuo i'a moju kara ya siḏo-ḏogumu ya si'ofi manga diri, re matengo re matengo 'aḏi gasa manga jou-jou.
Paulus sanga cako'o ra Ma Jou'ongu Madutu 'ai Wala ma soana
27-28Ma 'orasa wangere tumudingi sa'i ri co-cori, ngowa'a Yahudi nga muḏuo i'a toma daeraha Asia ino 'aḏi oḏi'i 'a Paulus ra Ma Jou'ongu Madutu 'ai Wala ma soana, ḏua 'aḏi sigaro'o ngowa'a repe, la 'u cako'o unanga kara ananga 'aḏi siboa-boa'a, “Hei ngowa-ngowa'a Israel, riono! Unanga nena-ne, ga'a 'o tagi le'a bolo le'a 'o sidoto'o ngowa'a repe 'aḏi lawana ngowa'a Israel re 'aḏi mete'e awa 'a Musa 'ai hukumu re 'o si'u'ua Ma Jou'ongu Madutu 'ai Wala ma soana. Re nange-ne ḏi'i, Unanga 'o singosama ngowa'a Yahudi ua ra Ma Jou'ongu Madutu 'ai Wala ma soana re 'a si'a'a ngi'i gena-ge 'i faja!” 29(Ananga 'aḏi kanau so'o gena-ge sababu 'aḏi oḏi'i ḏua 'a Paulus re 'a Trofimus, ngowa'a Efesus, 'aḏi ma'u mete'e toma limau Yerusalem. Ḏua ananga 'aḏi ta'ajiri 'a Paulus 'o gasa re 'o singosama 'a Trofimus ra Ma Jou'ongu Madutu 'ai Wala ma soana.)#Som. 20:4
30Toma limau gena-ge, ngowa'a mo-moini 'aḏi 'a'a kaco re ngowa'a 'aḏi matai sapolo 'u gowolo, 'u cako'o 'a Paulus re 'u taba'a sisupu ra Ma Jou'ongu Madutu 'ai Wala ma soana, kara ya kuci ma ngalana. 31Paulus 'ai lawana 'aḏi disa ma 'akala 'aḏi sisengene unanga, dadi 'u ca'olo matogumu ua. Wakutu gena-ge, ngowa'a lelegu ya siajele toma Roma manga sordado la-lamo'o mangale toma limau Yerusalem ngowa'a mo-moini raḏi kaco. 32Sordado la-lamo'o gena-ge 'u 'aro'o sordado ma sae'e nga muḏuo i'a re sordado-sordado re 'o soma'a ananga capati mete'e unanga 'o tagi toma ngi'i gena-ge. Wakutu ngowa'a repe 'aḏi oḏi'i sordado la-lamo'o re 'ai sordado-sordado 'aḏi sapolo, ananga 'aḏi matogumu 'aḏi ca'olo 'a Paulus. 33Sordado la-lamo'o 'u jau i'a 'a Paulus re unanga 'o soma'a 'ai sordado-sordado 'u cako'o re 'u rate. Gena ḏua, sordado la-lamo'o 'u sano ra ananga, “Unanga nena-ne, 'a guna? Unanga nena-ne 'o 'a'a 'oru?” 34Mamuni'a toma ngowa'a repe gena-ge manga sigolona 'aḏi sangoro so'o ne re mamuni'a ḏi'i 'aḏi sangoro manga. Sababu ganapu nyiwere sordado la-lamo'o waro ua 'o 'oru 'i dadi ḏua. Dadi unanga 'o soma'a sordado-sordado 'u gasa 'a Paulus toma sordado-sordado manga ngi'i. 35Wakutu ananga 'u gasa unanga ngadolo toma sordado-sordado manga ngi'i ma ngalo-ngalo, Paulus 'ai lawana 'aḏi maruta masala singadolo sordado-sordado 'u gola'a 'a Paulus. 36Paulus 'ai lawana 'aḏi tu-tuu'u ra ananga manga ḏuḏunu re 'aḏi poa'a, “Sisengene unanga!”
Paulus 'o riono 'ai diri
37Wakutu sordado-sordado sa'i 'aḏi singosama Paulus toma sordado-sordado manga ngi'i ma dara, Paulus 'o kanau i'a toma sordado la-lamo'o, “Tuanga, no nyengara ngoi to kanau ceka'a ua?” Sordado la-lamo'o gena-ge 'o sangoro, “Ngana na waro 'o Yunani manga demo!” 38“Ngana ngowa'a Mesir bolo ua ga'a 'o lawana re 'o sibiḏi ngowa'a 'a'a kaco nga cala rata re 'aḏi osama daeraha dongi-dongi.”
39Paulus 'o sangoro, “Ngoi ngowa'a Yahudi to tegoro toma limau Tarsus. Limau gena-ge re ma lomanga ri ngongaje toma daeraha Kilikia. Nga'unu gari'a no pula'a watasa ngoi to siajele toma ngowa'a repe gena-ge.”
40Dadi sordado la-lamo'o gena-ge 'o pula'a watasa. Ḏua Paulus 'o pula'a nana'o toma ngowa'a repe rai giama. Ananga mo-moini 'aḏi masiogoro. Pasala i'a, Paulus 'o kanau ra ananga reo demo 'Ibrani. Unanga 'o kanau,
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society