Yochué 16
16
Naane ga Yúche nanegü ga Efraíü̃ rü Manachéna üxü̃
1Yema naane ga sortéuwa nüxna üxü̃ ga Yúchetaagü rü natü ga Yudáü̃arü éstewaama inaxügü meama Yericúarü natüxacügüwa. Rü yéma rü naxnücüanexü̃wa nada. Rü ñu̱xũchi nagu nida ga guma ma̱xpǘnegü ga Yericúwa ixügüne ñu̱xmata Betéwa nangu.
2-3Rü Beté rü to ga naéga rü Lúx nixĩ. Rü guma ĩanewa rü inida rü Arquítanüxü̃arü naanewa nadapetü ñu̱xmata Atarúwa nangu. Rü yéma rü oéstewaama nada. Rü Yapéxtanüxü̃arü naanewa narüdae ñu̱xmata Bex-oróü̃wa nangu. Rü yéma rü nadapetü ñu̱xmata Guéchewa nangu. Rü yéma rü inida ñu̱xmata Már Mediteráneugu nayacua̱x ga yema üyeane.
4Rü yema nixĩ ga naanegü ga nayauxgüxü̃ ga Manachétücumü rü Efraíü̃tücumü ga Yúchetaagü ixĩgüxü̃.
Efraíü̃tanüxü̃na üxü̃ ga naane
5Rü yema Efraíü̃tanüxü̃arü naanearü üyeane rü Atarú-adáxwa inaxügü ga éstewaama. Rü ínadaãchi ñu̱xmata guma ĩane ga Dauxü̃wa Yexmane ga Bex-oróü̃wa nangu.
6-7Rü yéma rü inida rü ñu̱xmata Már Mediteráneuwa nangu. Rü yema norü naanearü üyeane ga nórtewaama üxü̃ rü Mixmetáx nixĩ. Rü yéma rü éstewaama nada rü ñu̱xmata Taanax-chirówa nangu. Rü ñu̱xũchi Yanóawa nadapetü rü yéma rü narüdae rü Atarú, rü Naaráwa nangu rü ñu̱xmata Yericúwa nangu. Rü yéma nadapetü rü ñu̱xmata natü ga Yudáü̃wa narügo.
8Rü Tapúawa inaxügü ga norü üyeane rü oéstewaama nada rü ñu̱xmata yema natüxacü ga Canáwa nangu, rü ñu̱xũchi Már Mediteráneuwa nangu. Rü yema nixĩ ga yema naane ga nayauxgüxü̃ ga Efraíü̃tücumü ga nügü yanuxü̃ ga nügütanüxü̃wa.
9Rü nayexma ta ga ñuxre ga ĩanegü rü ĩanexacügü ga Manachétücumüanewa yexmagüne ga Efraíü̃tanüxü̃na üxü̃ne.
10Natürü ga Efraíü̃tanüxü̃ rü tama ínanawoxü̃ ga yema Cananéugü ga ĩane ga Guéchewa maxẽxü̃. Rü nügütanüwatama nanayexmagüxẽxẽ, natürü norü puracütanüxü̃xü̃ nayaxĩgüxẽxẽ. Rü ñu̱xma rü ta i ngẽma Cananéugü rü ngématama namaxẽ.
Currently Selected:
Yochué 16: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
