Amúx 3
3
Tupanaarü orearü uruü̃arü puracüchiga
1Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!
2Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.
3Rü ngẽxguma taxre i duü̃xü̃gü wüxigu ĩxgu rü ngẽmawa nüxü̃ tacua̱x nax wüxigu naxĩnüexü̃.
4Rü ngẽxguma naixnecüwa yangunecüxügu i wüxi i leóü̃ rü ngẽmawa nüxü̃ tacua̱x nax ngẽxma naxãẽü̃xü̃. Rü ngẽxguma wüxi i leóü̃acü naxmaxü̃wa yangunecüxügu rü ngẽmawa nüxü̃ tacua̱x nax ta̱xacü ngẽxma yayaxuxü̃.
5Rü taxũtáma wüxi ya yütagu nangu i wüxi i weri ega nangebügu ya yüxta. Rü ngẽxguma waixü̃müanewa naxãgagu ya yima yüxta rü ngẽmawa nüxü̃ tacua̱x nax naxãẽü̃xü̃.
6Rü ngẽxguma ĩanewa yacuegüãgu ya cornéta rü ngẽmawa duü̃xü̃gü nüxü̃ nacua̱x nax nangẽxmaxü̃ i ãũcümaxü̃. Rü ngẽxguma ta̱xacürü guxchaxü̃ ngupetügu i ĩanewa rü nüxü̃ tacua̱x nax Cori ya Tupana yixĩxü̃ i ngéma namuxü̃ i ngẽma guxchaxü̃.
7Rü nüma ya Cori ya Tupana rü taguma ta̱xacü naxü ega tama noxri norü orearü uruxü̃gümaxã nüxü̃ yaxuxgu.
8¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?
Ĩane ya Chamária rü tá nagu napogüe
9¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”
10Rü ngẽma duü̃xü̃gü rü tama naãẽxü̃ nacua̱xgüéga nax mexü̃ naxügüxü̃. Rü napatagü ya mexẽchínegu nananu ga yema namáetagüãcüma naxca̱x nangĩ̱xgüxü̃ —ñanagürü ya Cori ya Tupana.
11Rü nüma ya Cori ya Tupana rü ñanagürü ta: —Wüxi i to i nachixü̃ane rü tá pemaxã narüxuanü. Rü norü churaragü rü tá pechixü̃anegu nachocu. Rü tá perü ĩanexü̃ ínachomaeguãchi. Rü ngẽma perü poxü̃chica rü tá nagu napogüe. Rü yima ãẽ̱xgacüpatagü rü tá nanadeãcu —ñanagürü.
12Rü nüma ya Cori ya Tupana rü ñanagürü ta: —Ñoma wüxi i carnéruarü dauruxü̃ i leóü̃a̱xwa taxre ya carnéruparagü rü carnéruchinüpe̱xe itúxuchixü̃rüxü̃ tá nixĩ nax yabuxmüxü̃ i ngẽma Iraétanüxü̃ i Chamáriawa ngẽxmagüxü̃ i ñu̱xma taãẽãcüma norü pechica i mexẽchixü̃cüwagu cagüxü̃ —ñanagürü.
13-14Rü Cori ya Tupana ya Guxãétüwa Ngẽxmacü rü ñanagürü: —¡Iperüxĩnüe i pemax! ¡Rü Acóbutanüxü̃maxã nüxü̃ pixu! Rü ngẽma ngunexü̃ i nagu Iraétanüxü̃na norü chixexü̃güca̱x nüxna chacaxgu, rü tá nagu chapogü i ngẽma norü tupananetagüarü ãmarearü guruü̃gü i Betéwa ngẽxmagüxü̃. Rü nagu tá chapogü i ngẽma ãmarearü guruü̃chata̱xcuregü rü waixü̃müanegu tá nayi.
15Rü nagu tá chapogü ya yima perü gáuanexü̃patagü rü yima perü naianexü̃patagü. Rü tá nagu chapogü ya yima pepatagü ya marfíxmaxã nga̱xãẽne rü yima pepatagü ya itaxü̃ne —ñanagürü ya Cori ya Tupana.
Currently Selected:
Amúx 3: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
