2 Chamué 4
4
Ibóchexü̃ nima̱xgü
1Rü yexguma Chaú nane ga Ibóchex nüxü̃ cuáchigagu ga Abnéx rü Ebróü̃gu nax nayuxü̃, rü poraãcü narümaãchi. Rü guxü̃ma ga Iraéanecüã̱xgü rü poraãcü namuü̃e.
2-3Rü nüma ga Ibóchex rü nüxü̃́ nayexma ga taxre ga yatü ga churaragü ga poraexü̃maxã icua̱xgüxü̃. Rü wüxi rü Baaná nixĩ ga naéga rü yema to rü Recáx nixĩ ga naéga. Rü nümagü rü Rimóü̃ ga Beerúxcüã̱x nanegü nixĩgü. Rü yemaca̱x Bẽyamíü̃tanüxü̃ nixĩgü, yerü guma ĩane ga Beerúx rü Bẽyamíü̃tanüxü̃na naxüchire̱x. Rü yema Beerúxcüã̱x rü Bẽyamíü̃tanüxü̃ nixĩgü woo nüxna naxĩgü ga guma ĩane nax Guitaíü̃wa naxĩxü̃. Rü ñu̱xma rü ta rü ngéma namaxẽ ñoma duü̃xü̃gü i tóxnamana ne ĩxü̃rüxü̃.
4Rü nüma ga Yonatáü̃ ga Chaú nane rü nüxü̃́ nayexma ga wüxi ga nane ga Mepi-bóchexgu ãégaxü̃ rü nüma rü guxü̃neparawa naturaepara. Rü yexguma 5 ga taunecü nüxü̃́ yexmagu ga Mepi-bóchex rü ĩane ga Yereéwa ínanguchiga ga Chaú rü Yonatáü̃ ga marü nax nayuexü̃. Rü yemaca̱x ga guxema norü dauruxü̃ rü Mepi-bóchexmaxã tiña. Natürü yema nax ñu̱xãẽãcü tiñaxü̃ rü nüma ga gumá bucü rü narüngu rü yemaca̱x nayuepara.
5Rü nümagü ga Recáx rü Baaná ga Rimóü̃ ga Beerúxcüã̱x nanegü, rü Ibóchexchiü̃wa nangugü. Rü yema ora ga nagu poraãcü naianexü̃gu yéma nangugü ga yexguma paxaxãchi ínapeyane ga Ibóchex.
6Ngĩma ga ĩã̱xarü dauruxü̃ rü trigu ícuexechite̱xe, natürü düxwa yéma iyapeãchi. Rü yemaca̱x tama nüxü̃ idau ga Recáx rü naenexẽ ga Baaná nax ĩxgu nachocuxü̃.
7-8Rü yexguma Ibóchexpatagu nachocuxgu rü nüma ga Ibóchex rü nachiãü̃gu naca. Rü nayama̱xgü rü nayadaerugü rü ñu̱xũchi nayangegü ga yema naeru. Rü guxü̃ma ga chütaxü̃ inaxĩ nagu ga yema nama ga Arabáwa daxü̃ nax Dabína yaxãgüaxü̃ca̱x ga Ebróü̃wa yexmacü. Rü ãẽ̱xgacü ga Dabíxü̃ ñanagürügü: —Pa Ãẽ̱xgacüx, ñaa nixĩ i ngẽma Ibóchexeru i nane ga guma curü uanü ga Chaú ga naxca̱x dauxü̃ nax cuxü̃ yamáxü̃. Natürü i ñu̱xmax, Pa Ãẽ̱xgacüx, rü nüma ya Cori ya Tupana rü cuxü̃́ nanatauxchaxẽxẽ nax cuxütanüxü̃ naxca̱x ga Chaú rü natanüxü̃ nax cuxü̃ imáxchaü̃xü̃ —ñanagürügü.
9-10Dabí rü nanangãxü̃ rü ñanagürü: —Rü yimá Cori ya Tupana ga guxchaxü̃wa choxü̃ ínguxuchixẽẽcüégagu pemaxã nüxü̃ chixu rü yexguma nua naxũxgu ga wüxi ga yatü nax chomaxã nüxü̃ yaxuxü̃ca̱x nax nayuxü̃ ga Chaú rü nüma nagu naxĩnügu rü wüxi i ore i namaxã chataãẽxü̃chi nixĩ i cha̱u̱xca̱x. Natürü yema norü oregagutama chayayaxu rü Chicáxgu chayama̱x.
11Rü ñu̱xma nax pegütama pixugüxü̃ rü yexeraãcü tauxcha choxü̃́ nangẽxma nax pexü̃ chadaixü̃, erü pema rü chixexü̃arü üruxü̃ pixĩgü yerü peyama̱x ga wüxi ga yatü ga taxuxü̃ma ga chixexü̃ üxü̃ ga yexguma napatagutama nacayane. Rü ngẽmaca̱x pemaxã nüxü̃ chixu rü tá penaxütanü naxca̱x nax peyamáxü̃. Rü ñoma i naanewa tá pexü̃ chayarüxoxẽxẽ —ñanagürü.
12Rü yexgumatama ga Dabí rü norü duü̃xü̃güxü̃ namu nax Baanáxü̃ rü Recáxü̃ nada̱i̱xü̃ca̱x. Rü ínanadaü̃me̱xẽgü rü ínanadaü̃cutügü. Rü yema naxü̃negü rü Ebróü̃arü puchuxü̃tawa nanatugüxẽxẽ. Rü yemawena rü Ebróü̃gu nayata̱xgü ga yema Ibóchexeru yexma Abnéx itáxü̃gutama.
Currently Selected:
2 Chamué 4: tcaP
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
