WAHYU 10
10
Malaikat ngen gulungan bukau de titik
1Lajau uku kemliak suang malaikat perkasa de luyen tu'un kunei surgo. Si tenutup embun, ngen pelangi melikea neak ulaune. Papeane bersinar awei matai bilai, kekeane awei tiang opoi. 2Neak tangenne ade debueak gulungan kiteb titik de tukok. Si mpek kekea kanenne neak laut ngen kekea kideune neak da'et. 3Lajau si menggang ngen lek awei sa'ei singo. 4Sesudo ketujuak gutua o miling, uku lok temulisne, tapi uku temi'uk sa'ei kunei surgo madeak, “Neresioba jano de nadeak tujuak gutua o; jibeak temulisne!”
5 #
Kel. 20:11; Ul. 32:40; Dan. 12:7; Am. 3:7 Lajau malaikat de uku kemliak je neak das laut ngen bumai, maket tangen kanenne moi lenget. 6Si supeak demi Allah de idup selamo-lamone, de jemijai lenget, bumai ngen laut serto kute de ade neak lemne. Malaikat o madeak, “Waktaune coa bakea mondor igai! 7Tapi amen malaikat ketujuak kembus trupetne, Allah bakea menea rencano resio-Ne, awei bi Si madeak ngen hamba-hamba-Ne, adeba paro nebai.”
8 #
Yeh. 2:8–3:3
Sesudo'o sa'ei de uku temi'uk kunei surgo o, miling igai ngen uku. Si madeak, “Lalauba mok gulungan kiteb de tukok neak tangen malaikat de je neak laut ngen bumai o.”
9Lajau uku lalau magea malaikat o ngen minoi supayo si melei gulungan kiteb titik o ngen uku. Si madeak, “Mokba ngen mbukba dio. Neak lem teneinu si bakea jijai pet, tapi neak lem bibianu si mis awei mis medau.”
10Uku mok gulungan kiteb titik o kunei tangenne lajau mbukne. Neak bibia asaine awei mis medau, tapi sesudo uku temlenne, neak lem tenei si jijai pet. 11Sesudo'o uku nelei periteak, “Melei namenba debat igai bito Allah tetang bangsa-bangsa, negara-negara, bahaso-bahaso, ngen rajo-rajo.”
Currently Selected:
WAHYU 10: REJ
Highlight
Share
Compare
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
