3 YOHANES 1
1
Salam
1 #
Kis. 19:29; Rm. 16:23; 1Kor. 1:14 Saudaro Gayus de tecito!
Uku, pemipin jemaat, de sungguak-sungguak mengasiak udi. 2Uku bedu'o semoga udi sehat-sehat ngen kutene baik-baik ngen udi, serai awei jiwonu baik-baik kulo. 3Uku kemliak riang ketiko kekedau saudaro Kristen teko ngen melei namen ngen uku padeak setiane saudaro teadep Allah de benea, sebab memang saudaro bogoa idup temurut ajaran Allah. 4Coa ade de dapet menea uku kembiak riang, kunei pado temi'uk bahwo anok-anok uku idup temurut ajaran Allah
Gayus nujai
5Saudaroku! Saudaro kembiak setia lem pekerjaan de saudaro nea utuk tun-tun de pecayo; bahkan tun-tun de pecayo de ati saudaro kemnal, saudaro melayanne. 6Tobo'o bi melei saksai neak adep jemaat tetang kasih udi. Tulungba tobo'o supayo dapet temrus pemaneu tobo'o, ngen do ca'o de semnang atei Allah. 7Sebab lem pemaneu utuk melayan Kristus, tobo'o coa temimo batuan jano bae kunei tun-tun de coa kemnal Allah. 8Kerno o, ite harus temulung tun-tun de samo-samo bi pecayo ngen Kristus, supayo ite dapet milau lem usaho tobo'o utuk melei namen ajaran de benea kunei Allah.
Diotrefes ngen Demetrius
9Uku sudo temulis pesen de singkat utuk jemaat, tapi Diotrefes de lok jijai pemipin neak lem jemaat, coa lok temotoa uku. 10Kerno o, amen uku teko, uku bakea mukea kute de sudo neane, adeba tetang hal-hal kidek ngen dusta de si madeak tetang keme. Tapi kutene o ati cukup utuk si. Pado waktau tun-tun sesamo Kristen o teko, si coa lok temimo tobo'o. Malah si temgeak tun-tun de lok temimo saudaro-saudaro o, si meluak tun-tun o keluea kunei jemaat.
11Saudaro de tecito, jibeakba nirau de kidek, tapi de baik. Tun de menea baik adeba de Allah temuan tapi tun de menea jahat ati kemnal Allah.
12Kute tun mujai Demetrius, Allah kulo mujaine. Keme kulo mujaine, ngen saudaro namen bahwo jano de keme melei namen dapet saudaro pecayo.
Penutup
13Dau nien de harus uku nadeak ngen udi, tapi uku meding lebiak baik jibeak liwet su'et. 14Uku ma'ep cigai an igai bakea temau ngen udi, ite bakea miling langsung.
15Damoi sejahtera semerto udi.
Salam kunei kekuat-kekuatnu. Semapeiba salamku utuk kekuat ite.
Currently Selected:
3 YOHANES 1: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)