2 TIMOTIUS 4
4
1Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus: 2Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar. 3Sebab bakea sapei waktaune tun coa lok igai temimo ajaran de benea. Sebelekne, tobo'o bakea temotoa kelokne suang, ngen melungguk dau gu'au utuk najea hal-hal de baik teni'uk tobo'o. 4Tobo'o bakea mutup ti'ukne te'adep de benea, tapi bakea temi'uk te'adep cerito-cerito dongeng. 5Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.
6Tetang diraiku, bi sapei waktaune uku bakea matei sebagai kurban ngen Allah. Tegoa igai uku bakea teminggea dunio yo. 7Uku bi milau pertandingan ngen sebaik-baikne, uku bi sapei moi garis akher. Uku tep setia ngen Kristus sapei akher. 8Uyo bi seniap utuk uku kemenangan. Pado Bilai Kiamat, Tuhan, Hakim de adea o bakea semreak hadiah o ngen uku, kerno uku idup baik ngen Allah. Ngen iso uku bae de bakea temimo hadiah o, tapi kulo tun de kembiak indau mbot tekone Tuhan.
Pesen terakhir
9Berusahoba supayo segro teko ngen uku, 10#Kol. 4:14; Flm. 24; 2Kor. 8:23; Gal. 2:3; Tit. 1:4 kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia. 11#Kol. 4:14; Flm. 24; Kis. 12:12, 25, 13:13, 15:37-39; Kol. 4:10 Cuma Lukas de tinggea ngen uku. Mapetba Markus ngen mbin si besamonu, sebab si dapet temulung lem pekerjaanku. 12#Kis. 20:4; Ef. 6:21-22; Kol. 4:7-8 Uku bi meluak Tikhikus lalau moi Efesus. 13#Kis. 20:6 Amen ko minyo, mbinba jubah de uku teminggea neak Troas neak umeak Karpus. Mbinba kulo bukau-bukauku, terutamo bukau-bukau de kertasne nea kunei babok.
14Aleksander, tukang tembago o, bi menea kejahatan te'adep uku. Tuhan bakea malesne sesuai ngen plepne. #1Tim. 1:20; Mzm. 62:13; Rm. 2:6 15Ko suang harus teatei te'adepne, sebab si kembiak temtang bito ite.
16Pado waktau uku pertamo sekilai bela diraiku, coa ade suang kulo de temulung; kutene teminggea uku. Mudah-mudahan Allah coa semaleak tobo'o lem hal yo. 17Tapi Tuhan damping uku. Si melei kekuatan sehinggo uku sanggup melei namen kute Bito Baik o, supayo teni'uk kute tun iso Yahudi. Ngen uku selamat kunei bahayo kematian. 18Ngen Tuhan bakea bebas uku kunei tiep usaho de kidek te'adep uku. Si bakea semlamat uku, sehinggo uku masuk moi lem Kerajaan-Ne neak surgo. Bagiak-Ne ba kemuliaan selamo-lamone! Amin.
Salam terakhir
19 #
Kis. 18:2; 2Tim. 1:16-17 Salam uku ngen Priskila, Akwila ngen kute keluargo Onesiforus. 20#Kis. 19:22, 20:4, 21:29; Rm. 16:23 Erastus tinggea neak Korintus, ngen Trofimus bi uku teminggea lem keadaan bolon neak Miletus. 21Berusahoba miyo ayok musim sengok.
Salam kunei Ebulus, Pudes, Linus ngen Klaudia ngen kunei kute Saudaro do imen
22Semoga Tuhan damping ko.
Semoga Tuhan memberkati Saudaro-saudaro!
Hormat keme, Paulus
Currently Selected:
2 TIMOTIUS 4: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
