2 KORINTUS 6
6
1Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o. 2#Yes. 49:8 Sebab Allah berfirman,
“Pado waktau Uku berkenan, Uku temi'uk ko,
ngen pado bilai Uku temulung, Uku temulung ko.”
Sesungguakne, waktau yo adeba waktau perkenanan o. Sesungguakne, bilai yo adeba bilai penyelamatan o.
3Keme coa lok pelayanan keme senaleak, kerno o keme berusaho coa melei alasan ngen suang tun kulo utuk menea hal o. 4Sebelekne, lem kute hal, keme melei namen bahwo keme adeba hamba-hamba Allah. Sebab, kute mecem saro bi keme temimo ngen sabar: 5#Kis. 16:23 keme senikso, nasuk sel, ngen kenroyok; keme kerjo keras, cet coa tidua ngen cet kulo coa temuan kembuk. 6Ngen atei sucai, bijaksano, sabar ngen baik atei; lem Roh Kudus ngen kasih de tulus ikhlas; 7serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai. 8Keme dihormati, tapi nino kulo; nujai, tapi fitneak kulo. Kunyau keme jujur, keme tenuduak tukang ngike. 9Keme nanggap coa tun namen, tapi keme kemnal kute tun. Sako tun keme matei, tapi nyatone keme masiak idup. Kunyau keme senikso, tapi keme coa matei. 10Kunyau atei keme jijai sedih, tapi keme bogoa riang. Keme ketenne peset, tapi keme bi menea tun dau jijai kayo. Ketenne keme coa temuan jejano, tapi sebeneane temuan kute-kutene.
11Saudaro-saudaro neak Korintus! Keme bi te'us te'ang ngen udi, atei keme bi tukok libea-libea utuk udi. 12Keme coa temutup atei utuk udi, tapi udiba de temutup atei teadep keme. 13Uyo, kunyauba uku miling awei ngen anok-anokku suang. Tukokba kulo ateinu teadep keme.
Nasehat-nasehat te'adep pengaruh tun de coa ade imen
14Jibeakba lok jijai kuat tun-tun de coa pecayo ngen Yesus, do'o coa cocok. Coa mukin kebaikan jijai do ngen kejahatan! Coa mukin te'ang bundok ngen kelem. 15Coa mukin Kristus serai ngen Iblis. Jano persamaan antaro tun Kristen ngen tun iso Kristen? 16#Im. 26:12; Yeh. 37:27; 1Kor. 3:16, 6:19 Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak,
“Uku bakea tinggea besamo-samo ngen tobo'o,
ngen idup neak tengeak-tengeak tobo'o.
Uku bakea jijai Allah tobo'o,
ngen tobo'o bakea jijai umat-Ku.
17 #
Yes. 52:11
Kerno o:
Kelueaba udi kunei tobo'o,
ngen cen'eiba dirainu kunei tobo'o, firman Tuhan.
Jibeakba megong jano de najis,
mako Uku bakea temimo udi.
18 #
2Sam. 7:14; 1Taw. 17:13; Yes. 43:6; Yer. 31:9 Ngen Uku bakea jijai Bapanu,
ngen udi bakea jijai anok-anok-Ku,
semanei ngen anok-anok-Ku selawei
awei yo ba firman Tuhan, De Mahakuaso.”
Currently Selected:
2 KORINTUS 6: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
