1 TIMOTIUS 2
2
Tetang du'o jemaat
1Pertamo-tamo, uku minoi nien supayo kinoi, semyang, ngen du'o utuk tun-tun luyen serto ucapan mokasiak senapei ngen Allah utuk kute tun; 2utuk rajo-rajo ngen utuk kute tun de megong kuaso. Minoiba supayo ite dapet idup tenang ngen tentram utuk Allah ngen plep de patas. 3Do'oba de baik ngen semnang atei Allah, Penyelamat ite. 4Si lok supayo kute tun senlamat ngen namen de benea. 5Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus. 6Si suang manusio de sudo semreak dirai-Ne utuk mbebas kute tun kunei duso-duso tobo'o. Ngen o Allah kemten pado waktau de tepat, bahwo Si lok kunyau kute tun senlamat. 7#2Tim. 1:11 Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.
8Uku lok supayo neak ipe bae semanei bedu'o ngen atei de sucai, coa pakei mengiak ngen selisiak.
9 #
1Ptr. 3:3
Awei o kulo lokne selawei berias ngen sederhano ngen makei keracok de sopan. Jibeak makei potongan buk de nyolok atau makei perhiasan emas, mutiaro, atau keracok de la'ang-la'ang. 10Sebelekne, lokba selawei berias ngen plep-plep de baik awei de patut utuk selawei de beribadah ngen Allah. 11Seharusneba selawei belajea diem dirai ngen taat. 12Uku coa melei izin selawei ngajea ngen meriteak semanei; tobo'o harus diem. 13#Kej. 2:7, 2:21-22 Sebab de pertamo-tamo cenipto adeba Adam, sudo'o tembei Hawa. 14#Kej. 3:1-6 Isone Adam de tergoda, tapi Hawaba de tergoda ngen jijai beduso. 15Tapi selawei bakea senlamat kerno melaher anok, asl si tep pecayo ngen Kristus, tep mengasihi tun luyen serto idup cuma utuk Allah.
Currently Selected:
1 TIMOTIUS 2: REJ
Highlight
Copy
Compare
Share
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
