ZAKARIA 2
2
Malola gu Mugoye gwo Kogerera
1Mu malola gandi, ndaalora mundu naveeye nu mugoye gwo kogera nigoveeye mu mukono gwigwe. 2Ndamuteva, “Uzizaa hayi?”
Yandivulira, “Nziza kogera Jerusalemi kumanya lidaala yili liveeye vutambi ki, kandi liveeye vuvambalaru ki?”
3Maku ndaalora engelosi waali namolomangi ninzi niyisunda hambiri, kandi engelosi wundi yaza kumwaganira. 4Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba. 5Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”
Avasalanywa Valangwa Kwirana Yengo
6Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala. 7Mwiluki kutura Babiloni na mwilane Jerusalemi. 8Mundu woosi ukuduka amanyirizi ndi aduyaa endolero yemoni yeeye.”
Kunangwa Yahova Wuvunyali yanduma na makuva yaga ku zihiiri ziali ni zialanya vandu veve. 9“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.”
Lwayaga galiekoleka, vuli mundu alakamanye ndi Yahova Wuvunyali yanduma.
10Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”
11Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi. 12Avandu vi Ivuyuda kandi valakave vatovole va Yahova mu kivala chiche kitakatifu. Jerusalemi lilakave lidaala linene lia nayaanze kuvita madaala gandi goosi.
13Vuli mundu akiring'ane imbiri wa Yahova, kigira yaazaa kutura hatakatifu hehe.
Currently Selected:
ZAKARIA 2: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ZAKARIA 2
2
Malola gu Mugoye gwo Kogerera
1Mu malola gandi, ndaalora mundu naveeye nu mugoye gwo kogera nigoveeye mu mukono gwigwe. 2Ndamuteva, “Uzizaa hayi?”
Yandivulira, “Nziza kogera Jerusalemi kumanya lidaala yili liveeye vutambi ki, kandi liveeye vuvambalaru ki?”
3Maku ndaalora engelosi waali namolomangi ninzi niyisunda hambiri, kandi engelosi wundi yaza kumwaganira. 4Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba. 5Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”
Avasalanywa Valangwa Kwirana Yengo
6Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala. 7Mwiluki kutura Babiloni na mwilane Jerusalemi. 8Mundu woosi ukuduka amanyirizi ndi aduyaa endolero yemoni yeeye.”
Kunangwa Yahova Wuvunyali yanduma na makuva yaga ku zihiiri ziali ni zialanya vandu veve. 9“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.”
Lwayaga galiekoleka, vuli mundu alakamanye ndi Yahova Wuvunyali yanduma.
10Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”
11Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi. 12Avandu vi Ivuyuda kandi valakave vatovole va Yahova mu kivala chiche kitakatifu. Jerusalemi lilakave lidaala linene lia nayaanze kuvita madaala gandi goosi.
13Vuli mundu akiring'ane imbiri wa Yahova, kigira yaazaa kutura hatakatifu hehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019