ZAKARIA 1
1
Yahova Yalanga Vandu Veve Kwirana Kuye
1Mu mweli gwa munane, mu muhiga gwa kaviri lwa Dariasi yaali mwami wi kivala cha Pasia, Yahova yahaana makuva yaga ku muporofeti Zakaria, muyaayi wa Berekia, waali mwisukulu wa Ido. 2Yahova Wovunyali yavolera Zakaria avolere avandu ndi, “Inzi Yahova, ndaali nu vutima vunyingi ligali na vaguuga vinyu, 3navuzwa kalunu muvooleraa ‘Mwilane ku inzi, na inzi ndamwilanira. 4Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba. 5Avaguuga vinyu kandi avaporofeti yavo sivaveeye mwoyo mba. 6Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”
Amalola gu Muporofeti gi Zibarasi
7Mu muhiga gwa kaviri lwa Dariasi yaali mwami lidiku lia 24 liu mweli gwa 11 mweli gulangwa Shebati, Yahova yahaana ku inzi makuva yaga mu malola vudiku. 8Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu. 9Ndamuteva, “Mwami, zibarasi yizi zivoolaa ki?” Yativura navoora, “Ndakumanyia cha zivoolaa.” 10Mundu yasingira mu misaala mimbi yiivara navoora, “Yahova yazituma kogenda no kohenza kivala.”
11Zibarasi ziavoolera engelosi ya Yahova waali nasingiyi hagati hi misaala ndi, “Kumali kogenda mu kivala choosi kandi konyooye lirova liosi liveeye nu vweremerizi kandi liveeye ni mirembe.”
12Maku engelosi yavoola, “Yahova Wuvunyali waveyange nu vutima ku Jerusalemi kandi ku madaala manene gi Ivuyuda ku mihiga 70, kalunu ulavugula ing'inga ki nukikiri kuvaveera zimbavasi?”
13Yahova yativulira engelosi makuva go koleminya mwoyo. 14Engelosi yambolera kovora cha Yahova Wuvunyali yaali navooye: “Ndayaanza Jerusalemi ligali, lidaala liange Litakatifu. 15Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange. 16Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”
17Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”
Malola gi Zinziga
18Ndaalora zinziga zine zie zinziga mu malola gandi. 19Ndateeva engelosi yaali nimolomangi ninzi, “Zinziga yizi zivoolaa ki?”
Engelosi yativura nivoola, “Zinziga yizi ziveeye mu vogono vwi zihiiri ziasalanyia vandu vi Vuyuda, Isiraeli na Jerusalemi.”
20Maku Yahova yamanyia vasaza vayinziri vane avaveeye ni zinyundu. 21Ndateeva, “Avasaza yava vazi kokora ki?”
Yandivulira navoora, “Vazi kutihiza kandi kuguuta zihiiri zingiliraa nukuduvaganyia kivala chi Ivuyuda kandi zisalanyia vandu vacho.”
Currently Selected:
ZAKARIA 1: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
ZAKARIA 1
1
Yahova Yalanga Vandu Veve Kwirana Kuye
1Mu mweli gwa munane, mu muhiga gwa kaviri lwa Dariasi yaali mwami wi kivala cha Pasia, Yahova yahaana makuva yaga ku muporofeti Zakaria, muyaayi wa Berekia, waali mwisukulu wa Ido. 2Yahova Wovunyali yavolera Zakaria avolere avandu ndi, “Inzi Yahova, ndaali nu vutima vunyingi ligali na vaguuga vinyu, 3navuzwa kalunu muvooleraa ‘Mwilane ku inzi, na inzi ndamwilanira. 4Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba. 5Avaguuga vinyu kandi avaporofeti yavo sivaveeye mwoyo mba. 6Kuvitira mu vaporofeti vatumikiri vange, ndahaana ku vaguuga vinyu malago kandi lieganihiza, navuzwa vagachaya ma nivasaalira kigira likora liavo. Maku, viganira kandi vambugilira ndi: Inzi Yahova Wovunyali, ndaali nimbani kuvo mageri kuli gavadukiraa kandi kuli ndaali nindovoye kokora.’ ”
Amalola gu Muporofeti gi Zibarasi
7Mu muhiga gwa kaviri lwa Dariasi yaali mwami lidiku lia 24 liu mweli gwa 11 mweli gulangwa Shebati, Yahova yahaana ku inzi makuva yaga mu malola vudiku. 8Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu. 9Ndamuteva, “Mwami, zibarasi yizi zivoolaa ki?” Yativura navoora, “Ndakumanyia cha zivoolaa.” 10Mundu yasingira mu misaala mimbi yiivara navoora, “Yahova yazituma kogenda no kohenza kivala.”
11Zibarasi ziavoolera engelosi ya Yahova waali nasingiyi hagati hi misaala ndi, “Kumali kogenda mu kivala choosi kandi konyooye lirova liosi liveeye nu vweremerizi kandi liveeye ni mirembe.”
12Maku engelosi yavoola, “Yahova Wuvunyali waveyange nu vutima ku Jerusalemi kandi ku madaala manene gi Ivuyuda ku mihiga 70, kalunu ulavugula ing'inga ki nukikiri kuvaveera zimbavasi?”
13Yahova yativulira engelosi makuva go koleminya mwoyo. 14Engelosi yambolera kovora cha Yahova Wuvunyali yaali navooye: “Ndayaanza Jerusalemi ligali, lidaala liange Litakatifu. 15Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange. 16Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”
17Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”
Malola gi Zinziga
18Ndaalora zinziga zine zie zinziga mu malola gandi. 19Ndateeva engelosi yaali nimolomangi ninzi, “Zinziga yizi zivoolaa ki?”
Engelosi yativura nivoola, “Zinziga yizi ziveeye mu vogono vwi zihiiri ziasalanyia vandu vi Vuyuda, Isiraeli na Jerusalemi.”
20Maku Yahova yamanyia vasaza vayinziri vane avaveeye ni zinyundu. 21Ndateeva, “Avasaza yava vazi kokora ki?”
Yandivulira navoora, “Vazi kutihiza kandi kuguuta zihiiri zingiliraa nukuduvaganyia kivala chi Ivuyuda kandi zisalanyia vandu vacho.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019