LIVALIZA 26
26
Livaliza lia Kaviri lia Vandu va Isiraeli
1Ing'inga yu vulwaye vwu kuhambizana vwali nivwakahera, Yahova yavolera Musa harara na Elieza muyaayi wa Haruni, 2“Uvalizi avandu vosi vi zinyumba zia Isiraeli, avasaza vosi vimihiga 20 naho kuzizagilira avaadukana kuzia mu liihi.” 3Musa na Elieza musaalisi vamoloma navo mu vilelemo via Moabu himbi nu mugera gwa Jorodani ha Jeriko, ni vavavolera, 4valizi avandu kutura ku mihiga 20 naho kuzizagilira kuli Yahova yalaga Musa. Avandu va Isiraeli avaatura mu kivala cha Egebeti vaali:
5Ihiiri ya Rubeni muyaayi wu kutanga wa Yakobo: zihiiri zia Hanoki Palu, 6Hezoroni kandi Karimi. 7Zihiiri yizi ziali avasaza 43,730, 8visukululwi via Palu viali Eliabu, 9na vayaayi veve vaali: Nemueli, Dazani, na Abiramu. Yava nivo avikiduma cha vandu vaatovora. Vambakana Musa na Haruni lwa vahambana nu muganda gwa Kora nivahing'ana na Yahova. 10Lirova liguka ni livamira, kandi vakuza harara na Kora nu muganda gwigwe lwu muliru gwa diviza vandu 250. Vamanya nivagwa chukwiganihiza ku vandu. 11Navuzwa avayaayi va Kora sivitwa mba. 12Avandu vihiiri ya Simioni Nemueli, Jamini, Jakini, 13Zera na Shauli.
14Avandu vosi vavalizwa vaali 22,200.
15Avandu vihiiri ya Gadi vaali: Zefoni, Hagi, Shuni, 16Ozini, Eri, 17Arodi na Areeri. 18Avandu vosi vihiiri ya Gadi vaali 40,500.
19Evi na Onani vaali avana va Yuda, navuzwa vakuzira mu Kanaani. 20Visukululwi via Yuda kolondekana ni viliango viavo vaali: Shela Perezi na Zera. 21Visukululwi via Perezi kolondekana ni viliango viavo vaali: Hezoroni na Hamuli, 22Avandu vosi vaali 76,500.
23Ihiiri ya Isakari kolondekana niviliango viavo vaali: Tola, Pua, 24Jashubu na Shimuroni. 25Avandu vosi vaavalizwa vaali 64,300.
26Ihiiri ya Zabuloni kolondekana ni viliango viavo vaali: Seredi, Eloni na Jahileli. 27Avandu vosi vaavalizwa vaali 60,500.
28Ihiiri ya Josefu, uwaali baba wa vayaayi vaviri, vaali: Manase na Efuraimu.
29Ihiiri ya Manase kolondekana ni viliango viavo vaali: Makiri uwaali baba wa Gileadi; 30ihiiri ya Gileadi kolondekana ni viliango viavo vaali: Lezeri na Heleki, 31Asirieli, Shekemu, 32Shemida, na Heferi. 33Zelofehadi muyaayi wa Heferi yaali ku na vayaayi mba, navuzwa avakaana venyine. Amita gaavo gaali: Mahila, Nao, Hogula, Milika na Tiriza. 34Avandu vosi vaavalizwa vaali 52,700.
35Ihiiri ya Efuraimu kolondekana ni viliango viavo vaali, Shuzela, Bekeri na Tahani. 36Erani yaali wi kiliango cha Shuzela. 37Avandu vosi vaavalizwa vaali 32,500. Avandu yava vosi vaatura ku ihiiri ya Josefu.
38Ihiiri ya Benjamini kolondekana ni viliango viavo vaali: Bela, Ashibeli, Ahiramu, 39Shefufamu na Hufamu; 40Aridi na Naamani vaali vi kiliango cha Bela. 41Avandu vosi vaavalizwa vaali 45,600. 42Ihiiri ya Dani kolondekana ni viliango viavo harara na Shuhamu, 43vosi vaali avandu 64,400.
44Ihiiri ya Asheri kolondekana ni viliango viavo vaali: Imina, Ishivi na Beria. 45Heberi na Malikieli vaatura ku kiliango cha Beria. 46Asheri yaali nu mukaana walangwa Sera. 47Avandu vosi vavalizwa vaali 53,400.
48Ihiiri ya Nafutali kolondekana ni viliango viavo vaali: Jahizeli, Guni 49Jezeri na Shilemu 50Avandu vosi vavalizwa vaali 45,400.
51Avandu vosi va Isiraeli avavalizwa vaali 601,730.
52Yahova yavolera Musa, 53“Ugavuli kivala cha Kanaani hagati hi zihiiri, kolondekana nu vunyingi vwavo. 54Uhaane kedonye kenene chi miandu ku ihiiri inene, kedonye kekekeeke ku ihiiri engekeeke. Vuli ihiiri ilanyoola miandu kolondekana nu vunyingi vwa vandu. 55Navuzwa kivala kilagavulwa ku likuba ikura, kolondekana na mita ga vaguuga vaavo. 56Miandu jaavo gilagavulanywa kulikuba zikuura hagati hu vunyingi kandi vokekeeke vwi zihiiri.”
57Ihiiri ya vandu va Levi yaali ni viliango via Gerishoni, Kohazi na Merari. 58Visukululwi viavo viali harara ni viliango vikekeke via Libini, Heburoni, Mahili, Mushi na Kora Kohazi, yaali baba wa Amuramu, 59waleeta Jokebedi mukaana wa Levi wivulwa mu kivala cha Egebeti. Yivulira Amuramu avayaayi vaviri Haruni na Musa, nu mukaana Miriamu. 60Haruni, yaali na vayaayi vane, Nadabu, Abihu, Elieza na Izamara. 61Nadabu na Abihu vaakuza lwavahaana umuliru gutaveeye mutakase ku Yahova. 62Avayaayi va Levi kutura ku mweli mulala kuzizagila vaali 23,000 vang'odwa halovega kutura ku vandu va Isiraeli kigira sivanyoola ku miandu josi mu Isiraeli mba.
63Viliango yivi ving'odwa na Musa harara na Elieza musaalisi lwa vavaliza vandu va Isiraeli mu vilelemo via Moabu ku lwangereka lwu mugera gwa Jorodani kutura Jeriko. 64Sihaliho nu mundu kali mulala watigala ku yavo va Musa harara na Haruni vang'odwa mu livaliza liali liu kutanga mu changalangwi cha Sinai mba. 65Yahova yaali navooye ndi vosi valakakuzili mwigendanyama, nitali Kalebu muyaayi wa Jefune harara na Joshua muyaayi wa Nuni.
Currently Selected:
LIVALIZA 26: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
