MATAYO 11
11
Avatumwa kutura ku Yohana Mubatizi
(Luk. 7:18-35)
1Lwa Yeso yamala kuhaana malago ku aviigi veve likomi na vaviri, yatura ahene yaho nazia kwigiza nu kwilwaza mu madaala lia Galilaya.
2Lwa Yohana Mubatizi yahulira amakuva gi vikolwa via Kristo, naveeye muvuhambe, yatuma aviigi veve kuye. 3Vamuteeva: “Ivi niye uzaa anoho kulindi wundi?”
4Yeso yavativulira, “Yirani muzie kovoolera Yohana makuva ga muhulira kandi aga muloraa. 5Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye. 6Vaveeye nuvugasu avandu vavura kumbayahayiza.”
7Lwa avatumwa va Yohana yavo vaali nivazizaa, Yeso yaatanga kovoolera viduma via avandu amakuva ga Yohana, “Mwazia kolola ki mwigendanyama? Mwenya kolola imbuza ninuyaa uvulimu? 8Mwazia kolola ki? Mwazia kolola umundu wiviika izinguvu zindahi kandi zing'ereng'anu? Avandu vivikaa zinguvu zindahi vamenya mu zinyumba zia avami vanene. 9Kunangwa, mwazia kolola ki? Muporofeti? Yee, ligali, navuzwa mwalora mulala umunene kuvita muporofeti. 10Kigira Yohana niye ovolwa mu Mang'oda Matakatifu: ‘Henza, nduma umutumwa wange imbiri woovo, Nyasaye avoora, alimiira imbiri woovo okolomba inzira yooyo.’ 11Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana. 12Kutura ing'inga ya Yohana Mubatizi yilwaza makuva geege kuduuka lero, Uvwami vwu mwigulu vwasalirizwa vululu ligali, kandi avandu vi zinguru nivo avagerizaa kuvuvugula kuzinguru. 13Kuduuka ing'inga ya Yohana, avaporofeti vosi na Avigizi vi Lilaga lia Musa, vaporofeta iliiza liu Vwami vwa Nyasaye; 14kandi munyi ni muva ni muvugiliraa kusuuvira lilwaza liavo, Yohana niye Elija, uwiliiza lilie liaporofetwa. 15Kulwayago, oveeye na matu gukuhulira, ahuliri!
16“Kunangwa, nyara kufananyia avandu vi likula yili naki? Liveeye kuli avana avaari ni viikaye mu chiitu. Muganda mulala gwalanga avache vaavo, 17‘Kwamukubira lilere mu kelero, navuzwa munyi simwavina mba. Kwamwimbira zinyimbu zie lekura, navuzwa munyi simwalira mba.’ 18Kigira Yohana yaza, naahonga lilia, kandi si yaanwa iwaini mba, navo vavoola, ‘Aveeye ni lidemoni!’ 19Umwana wa Adamu yaza, nalia kandi naanwa, navo vavoola, ‘Heenzi muhuvaali kandi muhambiki uyu! Mulina wa avasololi vuvusuuru na avoni!’ Kali ndio, ovogeri vwa Nyasaye vololekizwa kuva uvulungi kolondekana ku vikolwa viavwo.”
Amadara gatasuuvira Yeso
(Luk. 10:13-15)
20Hene yaho, Yeso yaatanga koleemba avandu va madaala aga yakola mu vilolekizu vinyingi, kigira si viganira uvwoni vwavo mba. 21“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke. 22Navuzwa agiligali muvooleraa, ku Lidiku lie Likalaga, munyi mulanyola amaduywa manene kutura ku Nyasaye kuvita avandu va Tiro na Sidoni. 23Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero! 24Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”
Hambi ku inzi na musoose
(Luk. 10:21-22)
25Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza. 26Yee, Baba, nindio wenyaa gakoleke.
27“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.
28“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza. 29Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu. 30Iniira yange ni inyangu, kandi umusigo gwange goveeye umwangu.”
Currently Selected:
MATAYO 11: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
MATAYO 11
11
Avatumwa kutura ku Yohana Mubatizi
(Luk. 7:18-35)
1Lwa Yeso yamala kuhaana malago ku aviigi veve likomi na vaviri, yatura ahene yaho nazia kwigiza nu kwilwaza mu madaala lia Galilaya.
2Lwa Yohana Mubatizi yahulira amakuva gi vikolwa via Kristo, naveeye muvuhambe, yatuma aviigi veve kuye. 3Vamuteeva: “Ivi niye uzaa anoho kulindi wundi?”
4Yeso yavativulira, “Yirani muzie kovoolera Yohana makuva ga muhulira kandi aga muloraa. 5Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye. 6Vaveeye nuvugasu avandu vavura kumbayahayiza.”
7Lwa avatumwa va Yohana yavo vaali nivazizaa, Yeso yaatanga kovoolera viduma via avandu amakuva ga Yohana, “Mwazia kolola ki mwigendanyama? Mwenya kolola imbuza ninuyaa uvulimu? 8Mwazia kolola ki? Mwazia kolola umundu wiviika izinguvu zindahi kandi zing'ereng'anu? Avandu vivikaa zinguvu zindahi vamenya mu zinyumba zia avami vanene. 9Kunangwa, mwazia kolola ki? Muporofeti? Yee, ligali, navuzwa mwalora mulala umunene kuvita muporofeti. 10Kigira Yohana niye ovolwa mu Mang'oda Matakatifu: ‘Henza, nduma umutumwa wange imbiri woovo, Nyasaye avoora, alimiira imbiri woovo okolomba inzira yooyo.’ 11Agiligali muvooleraa, ku avana va vakali viivula, akikiri kuvaho oveeye umunene kuvita Yohana Mubatizi. Kali ndio, oyo oveeye umukekeke ligali mu vwami vwu mwigulu aveeye umunene kuvita Yohana. 12Kutura ing'inga ya Yohana Mubatizi yilwaza makuva geege kuduuka lero, Uvwami vwu mwigulu vwasalirizwa vululu ligali, kandi avandu vi zinguru nivo avagerizaa kuvuvugula kuzinguru. 13Kuduuka ing'inga ya Yohana, avaporofeti vosi na Avigizi vi Lilaga lia Musa, vaporofeta iliiza liu Vwami vwa Nyasaye; 14kandi munyi ni muva ni muvugiliraa kusuuvira lilwaza liavo, Yohana niye Elija, uwiliiza lilie liaporofetwa. 15Kulwayago, oveeye na matu gukuhulira, ahuliri!
16“Kunangwa, nyara kufananyia avandu vi likula yili naki? Liveeye kuli avana avaari ni viikaye mu chiitu. Muganda mulala gwalanga avache vaavo, 17‘Kwamukubira lilere mu kelero, navuzwa munyi simwavina mba. Kwamwimbira zinyimbu zie lekura, navuzwa munyi simwalira mba.’ 18Kigira Yohana yaza, naahonga lilia, kandi si yaanwa iwaini mba, navo vavoola, ‘Aveeye ni lidemoni!’ 19Umwana wa Adamu yaza, nalia kandi naanwa, navo vavoola, ‘Heenzi muhuvaali kandi muhambiki uyu! Mulina wa avasololi vuvusuuru na avoni!’ Kali ndio, ovogeri vwa Nyasaye vololekizwa kuva uvulungi kolondekana ku vikolwa viavwo.”
Amadara gatasuuvira Yeso
(Luk. 10:13-15)
20Hene yaho, Yeso yaatanga koleemba avandu va madaala aga yakola mu vilolekizu vinyingi, kigira si viganira uvwoni vwavo mba. 21“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke. 22Navuzwa agiligali muvooleraa, ku Lidiku lie Likalaga, munyi mulanyola amaduywa manene kutura ku Nyasaye kuvita avandu va Tiro na Sidoni. 23Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero! 24Ku Lidiku lie Likalagirwa, Nyasaye alamanyia livererwa ku avandu va Sodoma kuvita munyi.”
Hambi ku inzi na musoose
(Luk. 10:21-22)
25Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza. 26Yee, Baba, nindio wenyaa gakoleke.
27“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.
28“Hambi ku inzi munyi vosi avanyang'anaa na avaminikaa ni misigo militu, nainzi ndamusosiza. 29Mugiingi iniira yange, mwikutula ku inzi, kigira inzi mbeeye muhooma nu muhocha mu mwoyo; na munyi mulanyola ovososi mu mioyo jinyu. 30Iniira yange ni inyangu, kandi umusigo gwange goveeye umwangu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019