MATAYO 10
10
Aviigi likomi na vaviri
(Mar. 3:13-19; Luk. 6:12-16)
1Yeso yalanga aviigi veve likomi na vaviri, navaha uvunyali vwu kutuliza nukukunga roho midamanu, kandi kohonyia vulwaye no vodekeranu vwosi. 2Amita ga avatumwa yavo likomi na vaviri ni yaga: wu kutanga yaali Simoni ulangwa Petero, na Andereya amwavo weve; Yakobo umwana wa Zebedayo na Yohana amwavo weve; 3Filipo na Baturumayo, Tomasi na Matayo uwaali musololi wu vusuuru; Yakobo umwana wa Alufayo, na Tadayo; 4Simoni Mukanani#10:4 Mukanani: No Logereki liveeye kovora umundu ulwaniraa ovovoholore. na Yuda Esikarioti uwamanya nazaama Yeso.
Yeso yatuma Aviigi likomi na vaviri
(Mar. 6:7-13; Luk. 9:1-6)
5Yeso yatuma yavo avaari likomi na vaviri, na aviganihizaa navoora, “Mutazia ku avandu vi zihiiri zindi, kandi mutingira mu lidaala lia Vasamaria mba. 6Navuzwa muzie ku avandu va Isiraeli avaveeye kuli amagondi gagota. 7Lwa muzia mwilwaze ndi, ‘Uvwami vwu mwigulu voveeye ahimbi!’ 8Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa. 9Mutaginga izahabu, ifeza, anoho mabese gu mugasa mu misigo jinyu mba. 10Mutaginga umusigo gwu kusaavira mu ku logendo lwinyu, anoho amakooti gaviri, ivilato, anoho imbimbu mba. Kigira kuduuka umuyinziri anyoore ivia adukanaa atumikiri.
11“Lwa mwingira mu lidaala liosi anoho mu kadaala, mwenye umundu woosi uwetegeki kumwingiriza, na mumenye naye kuduuka lwa mutura ho. 12Lwa mwingira munyumba, muchelizi aveene nyumba. 13Aveene inyumba nivavugilira mirembe jinyu, mirembe jinyu jilamenya harara navo. Navuzwa nivatavugilira, mirembe jinyu jilamwilanira munyi aveene. 14Mundu ku vosi utamwingiriza anoho utahuliriza ku makuva ginyu, lwa muturaa munyumba yeyo, anoho mu lidaala yilio, mweye uluguchi lwu mu zinduvatiru zienyu. 15Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.
Lidambizwa Lizaa
(Mar. 13:9-13; Luk. 21:12-17)
16“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu. 17Mugerihi ku avandu, kigira valamuhira mu viina, na valamukuyila mu masinagogi gaavo. 18Kigira inzi mulahilwa imbiri wa avamihi na avami vanene avamihaa vivala muduuki kololekiza Ivangeri kuvo kandi ku zihiiri. 19Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola. 20Kigira simuveeye ni munyi avalivoola, navuzwa ni Roho wa Baba winyu ulivoola kuvitira mu munyi.
21“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita. 22Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.
23“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.
24“Umusomi siaveeye munene kuvita mwigizi weve, anoho mutugwa siaveeye munene kuvita mutugi weve mba. 25Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!
Mutatia avandu, mutie Nyasaye
(Luk. 12:2-7)
26“Kunangwa mutatia avandu yavo mba. Kigira choosi ichakunikwa kilakunulwa, kandi choosi ichaaviswa kilamanyikana. 27Aga inzi muvooleraa mu kisundi, mulakagavoole havulavu; na aga muhulira nigamonywa, mulakagavoole imbiri wa avandu vosi. 28Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena. 29Amatondolizi gaviri sigagulwa zisiringi likomi? Navuzwa kali lilala silinyala kugwa hasi vugira vulaliri vwa Baba winyu. 30Navuzwa, kali amasu gu ku mitwi jinyu gavalizwa goosi. 31Kulwayago mutatia mba; munyi muveeye vuvuguli kuvita amatondolizi amanyingi.
Kwiyama nu kusuura Kristo
(Luk. 12:8-9)
32“Mundu vosi uwiyama imbiri wa avandu havulavu ndi aveeye umulondi wange, inzi kandi ndakamwiyame imbiri wa Baba wange oveeye mwigulu. 33Navuzwa ku vosi ulinyambakana imbiri wa vandu, inzi kandi ndakamwambakane imbiri wa Baba wange oveeye mwigulu.
Sindaaza koleta mirembe, navuzwa kivavi
(Luk. 12:51-53; 14:26-27)
34“Mutaganagana nzizi koleta mirembe mu lirova! Mba, inzi sindaaza koleta mirembe, navuzwa koleta kivavi. 35Kigira ndaaza koleta iliavukana hagati hu muyaayi na baba weve, hagati hu mukaana na mama weve; hagati ha navizara na navizara weve; 36na, avasigu vu mundu avadamanu vene navinyumba yeeye mwene.
37“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba. 38Mundu utavugula umusalaba gwigwe ma alonde mu zinduvatiru ziange, siaduukanaa kuva umulondi wange mba. 39Uyu ogerizaa konyoora uvukala vwi livamwoyo lilie vugira Kristo, alaligotiza; navuzwa uyu ogotizaa livamwoyo lilie kigira inzi, alalinyoola.
Amadanyi
(Mar. 9:41)
40“ Uyu uwingirizaa munyi, yingirizaa inzi, kandi uyu uwingirizaa inzi, yingirizaa uyu uwanduma. 41Uyu uwingirizaa mutumwa wa Nyasaye kigira aveeye muporofeti, alasaanga mu madanyi gu mutumwa oyo. Na uyu wingirizanga mundu mulungi kigira aveeye mundu mulungi, alanyoola madanyi gu mundu mulungi. 42Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”
Currently Selected:
MATAYO 10: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
MATAYO 10
10
Aviigi likomi na vaviri
(Mar. 3:13-19; Luk. 6:12-16)
1Yeso yalanga aviigi veve likomi na vaviri, navaha uvunyali vwu kutuliza nukukunga roho midamanu, kandi kohonyia vulwaye no vodekeranu vwosi. 2Amita ga avatumwa yavo likomi na vaviri ni yaga: wu kutanga yaali Simoni ulangwa Petero, na Andereya amwavo weve; Yakobo umwana wa Zebedayo na Yohana amwavo weve; 3Filipo na Baturumayo, Tomasi na Matayo uwaali musololi wu vusuuru; Yakobo umwana wa Alufayo, na Tadayo; 4Simoni Mukanani#10:4 Mukanani: No Logereki liveeye kovora umundu ulwaniraa ovovoholore. na Yuda Esikarioti uwamanya nazaama Yeso.
Yeso yatuma Aviigi likomi na vaviri
(Mar. 6:7-13; Luk. 9:1-6)
5Yeso yatuma yavo avaari likomi na vaviri, na aviganihizaa navoora, “Mutazia ku avandu vi zihiiri zindi, kandi mutingira mu lidaala lia Vasamaria mba. 6Navuzwa muzie ku avandu va Isiraeli avaveeye kuli amagondi gagota. 7Lwa muzia mwilwaze ndi, ‘Uvwami vwu mwigulu voveeye ahimbi!’ 8Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa. 9Mutaginga izahabu, ifeza, anoho mabese gu mugasa mu misigo jinyu mba. 10Mutaginga umusigo gwu kusaavira mu ku logendo lwinyu, anoho amakooti gaviri, ivilato, anoho imbimbu mba. Kigira kuduuka umuyinziri anyoore ivia adukanaa atumikiri.
11“Lwa mwingira mu lidaala liosi anoho mu kadaala, mwenye umundu woosi uwetegeki kumwingiriza, na mumenye naye kuduuka lwa mutura ho. 12Lwa mwingira munyumba, muchelizi aveene nyumba. 13Aveene inyumba nivavugilira mirembe jinyu, mirembe jinyu jilamenya harara navo. Navuzwa nivatavugilira, mirembe jinyu jilamwilanira munyi aveene. 14Mundu ku vosi utamwingiriza anoho utahuliriza ku makuva ginyu, lwa muturaa munyumba yeyo, anoho mu lidaala yilio, mweye uluguchi lwu mu zinduvatiru zienyu. 15Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.
Lidambizwa Lizaa
(Mar. 13:9-13; Luk. 21:12-17)
16“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu. 17Mugerihi ku avandu, kigira valamuhira mu viina, na valamukuyila mu masinagogi gaavo. 18Kigira inzi mulahilwa imbiri wa avamihi na avami vanene avamihaa vivala muduuki kololekiza Ivangeri kuvo kandi ku zihiiri. 19Lwa valimuhila mu viina kumuyaara, mutakahende mioyo ku aga mulitivula anoho kuli mulivoola; kigira ku ing'inga yeyo, mulakahevwe aga mulivoola. 20Kigira simuveeye ni munyi avalivoola, navuzwa ni Roho wa Baba winyu ulivoola kuvitira mu munyi.
21“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita. 22Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.
23“Navuzwa avandu ni vamudambiza mu lidaala lilala, mwirukiri mu lidaala lindi. Agiligali muvooleraa, si mulimala ligenda lienyu mu madaala goosi aga Isiraeli, Umwana wa Adamu nakikiri kuuza mba.
24“Umusomi siaveeye munene kuvita mwigizi weve, anoho mutugwa siaveeye munene kuvita mutugi weve mba. 25Gaduukiraa umwigi ave kuli mwigizi weve, nu mutugwa kuli mutugi weve. Niiva valangi mwene nyumba Belizebuli, na valalanga ndi avandu vinyumba yeeye? Avandu vandi si valalangwa amita amadamanu mbitilira mba!
Mutatia avandu, mutie Nyasaye
(Luk. 12:2-7)
26“Kunangwa mutatia avandu yavo mba. Kigira choosi ichakunikwa kilakunulwa, kandi choosi ichaaviswa kilamanyikana. 27Aga inzi muvooleraa mu kisundi, mulakagavoole havulavu; na aga muhulira nigamonywa, mulakagavoole imbiri wa avandu vosi. 28Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena. 29Amatondolizi gaviri sigagulwa zisiringi likomi? Navuzwa kali lilala silinyala kugwa hasi vugira vulaliri vwa Baba winyu. 30Navuzwa, kali amasu gu ku mitwi jinyu gavalizwa goosi. 31Kulwayago mutatia mba; munyi muveeye vuvuguli kuvita amatondolizi amanyingi.
Kwiyama nu kusuura Kristo
(Luk. 12:8-9)
32“Mundu vosi uwiyama imbiri wa avandu havulavu ndi aveeye umulondi wange, inzi kandi ndakamwiyame imbiri wa Baba wange oveeye mwigulu. 33Navuzwa ku vosi ulinyambakana imbiri wa vandu, inzi kandi ndakamwambakane imbiri wa Baba wange oveeye mwigulu.
Sindaaza koleta mirembe, navuzwa kivavi
(Luk. 12:51-53; 14:26-27)
34“Mutaganagana nzizi koleta mirembe mu lirova! Mba, inzi sindaaza koleta mirembe, navuzwa koleta kivavi. 35Kigira ndaaza koleta iliavukana hagati hu muyaayi na baba weve, hagati hu mukaana na mama weve; hagati ha navizara na navizara weve; 36na, avasigu vu mundu avadamanu vene navinyumba yeeye mwene.
37“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba. 38Mundu utavugula umusalaba gwigwe ma alonde mu zinduvatiru ziange, siaduukanaa kuva umulondi wange mba. 39Uyu ogerizaa konyoora uvukala vwi livamwoyo lilie vugira Kristo, alaligotiza; navuzwa uyu ogotizaa livamwoyo lilie kigira inzi, alalinyoola.
Amadanyi
(Mar. 9:41)
40“ Uyu uwingirizaa munyi, yingirizaa inzi, kandi uyu uwingirizaa inzi, yingirizaa uyu uwanduma. 41Uyu uwingirizaa mutumwa wa Nyasaye kigira aveeye muporofeti, alasaanga mu madanyi gu mutumwa oyo. Na uyu wingirizanga mundu mulungi kigira aveeye mundu mulungi, alanyoola madanyi gu mundu mulungi. 42Ligali muvooleraa, ku vosi ulinwehiza mulala ku avakeekeke yava kisanda cha mazi makindu kigira aveeye umulondi wange, alakanyoole amadanyi geege.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019