MALAKI 2

Avasaalisi va giligali kandi Avagaadi

1Yahova Wuvunyali avooreraa vasaalisi, “Lilago yili liveeye ku kunyi. 2Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba. 3Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina. 4Maku mulamanya ndi inzi mali kuhaana malago yaga ku munyi kunangwa lilagana liange na vasaalisi, visukululwi via Levi, lilavuli kuvunagwa.

5“Mu lilagana liange navo, ndaavalaga livamwoyo lilahi kandi mirembe. Yaga nigo gandavaha, kunangwa vaduuki kuhaana luyali ku Inzi. Mu madiku gene yago, vahaana luyali ku inzi kandi ni vaatia Inzi. 6Vigiza gaali amalungi, na vuzwa si vigiza gaali madamanu mba. Vamenya mu lihulirizana kandi mu mirembe na inzi. Si vaakora vuzwa gaali malungi kuvo vene mba, navuzwa vakonya kandi vandu vandi avanyingi vavuli kokora vudamanu. 7Miyinzi ja vasaalisi nu kwigiza agaveeye gagiligali ga Nyasaye. Avandu gavadukiraa vazie kuvo kwiga liiva liange, kigira vaveeye vatumwa vange.

8“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi. 9Ku lwayaga, mu vogono yivu ndakakole avandu va Isiraeli kumuchaya, kigira si mutiizaa lienya liange mba, lwa mwigizaa vandu vange, simuvavugula kuva kindu kilala mba.”

Avandu Kuvula Kusuuvira Nyasaye

10Kunyi kwosi sikoveeye na baba mulala? Siaveeye Nyasaye mulala mwene walomba kunyi kwosi? Maku kigira ki kuvunagaa lilagana lietu lia kwalomba mulala nu wache, kigira ki kolegelizaa lilagana lia Nyasaye yalomba navaaguuga viitu? 11Avandu vi Ivuyuda vamali kuvunaga lilagana lia Nyasaye kandi vakora vudamanu ligali mu Jerusalemi kandi mu kivala choosi. Vayonogonyia litembeli lia Yahova ya yaanza. Avasaza valeta vakali vasigamira vanyasaye avageni. 12Yahova ayaanze adivizi vandu va Isiraeli avakolaa yaga. Ataleka vahambane mulihaana vihaanwa vie zihiiri zietu zihaanaa ku Yahova Wuvunyali mba.

13Mwakoraa yaga kandi, mwakunika vwali vwa Yahova na maliga; muliraa kandi musiomaa kigira si yayanzilira vihaanwa anaho kuvugilira vihaanwa vienyu nuvuyanzi mba. 14Muteeva, “Kigira ki navula kuvivugilira?” Kigira yamanya vulahi ndi wavunaga malago ku, mukali wa waleeta nukikiri musoleri. Yaali mukali woovo kandi wavunaga lilagana liilio kuye, kali niiva walagana imbiri wa Nyasaye ndi ulava musuuvirifu kuye. 15Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve. 16Yahova Nyasaye wa Isiraeli avoora, “Ndasuura likunga mukali, kandi ndasuura lwa mulala ku munyi akoleraa mukali weve vudamanu. Mulole ndi mutavunaga lilagana liamwalomba mundu nu mukali weve mba. Vuli mundu ave musuuvirifu nu mukali weve.”

Lidiku lielikalaga liveeye ahimbi

17Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”

Currently Selected:

MALAKI 2: LOGOOLI

Highlight

Copy

Compare