LEVI 22
22
Vutakatifu vwi Vihaanwa
1Yahova yavolera Musa, 2volera Haruni na avana veve vayaayi, “Muhaane luyali ku vihaanwa ivitakatifu via avandu va Isiraeli vaviika halovega kigira Inzi, kunangwa vavuli kwonogonyia lieta liange litakatifu inzi mbeeye Yahova. 3Ku makura gaaza, niiva mulala ku visukululwi vienyu viosi vilisunda himbi ku vihaanwa ivitakatifu via avandu va Isiraeli vaviika halovega kigira inzi, naveeye mudamanu kolondekana nu muruka gwi dini, umundu oyo sialatumikaku kandi ku vwali mba. Inzi mbeeye Yahova.
4“Mundu woosi wi kisukururwi cha Haruni oveeye novogere, anoho oveeye ni kisununu, ataliaku vihaanwa vitakatifu mba, kuduuka lwava mulahi. Mundu woosi, musaalisi, oveeye mudamanu aveeye mudamanu niiva adiira kindu choosi kekoleywe kidamanu nu mukuzu anoho nu umundu woosi weloteeye 5anoho niiva adiiyi ku inyama anoho umundu oveeye mudamanu. 6Musaalisi woosi uva naagwiyi mudamanu alava mudamanu kuduuka hamugorova; kandi kali ndio sianyala kulia ku vihaanwa ivitakatifu mba, kuduuka lwava mulahi. 7Lwi liuva liiva niliakayeera, alava mulahi, na alalia ivindu ivitakatifu, iviveeye chukulia chiche. 8Sialalia inyama ikuzi yene anoho yitiywi ninyama yumbulimu mba. Ilamukola mudamanu. Inzi mbeeye Yahova.
9“Avasaalisi vosi valalinda malago goosi ga mali kuhaana. Nigataveeye ndio valagwa avahioli, ma vakuzi kigira vavuli kutia malago matakatifu. Inzi mbeeye Yahova kandi mbakola kuva avatakatifu.
10“Avandu vinyumba yu musaalisi venyine nivo vanyara kulia ku vihaanwa vitakatifu. Sihaveeyeho nu umundu woosi unyala kulia kuviukulia yivi kali nava mugeni omenyi numusaalisi anoho mutumikiri weve utungwa mba. 11Navuzwa mutugwa wu musaalisi yaagula na mabese geege mwene, anoho mutugwa wivulwa munyumba yumusaalisi, uyu alalia ku chukulia chu musaalisi anyoora. 12Mukaana wu musaalisi waletwa nu mundu utaveeye musaalisi atalia ku vihaanwa vitakatifu mba. 13Navuzwa mukaana wu musaalisi nakunzakala anoho musaza naava namuleka utaveeye navana ma niyirana komenya munyumba ya baba weve kuli muvwana vwivwe, alalia ku viukulia via baba weve alanyoola kuli musaalisi. Navuzwa vageni vosi vatavilia mba.
14“Niiva mundu woosi utaveeye ku vandu vinyumba yuvusaalisi alalia ku vihaanwa vitakatifu na tamanyi, kuduuka atungi musaalisi vuguli vwavio vwosi kandi ameede ku kidieli kilala ku vitano. 15Avasaalisi sivalonogonyia vihaanwa vitakatifu via vandu va Isiraeli vahaana ku Inzi Yahova mba, 16ku lileka mundu woosi utaavugulirwa alie ku vihaanwa vitakatifu mba. Nigakava ndio, galaleeta lihiola namaduywa ku mundu kuli oyo. Inzi mbeeye Yahova kandi nombaa vihaanwa kuva vitakatifu.”
17Yahova yavolera, 18Moloma ku Haruni, na avayaayi veve na vandu va Isiraeli uvavoolere ndi: “Niiva mundu wa Isiraeli anoho mugeni umenyi mu Isiraeli aleetaa kihanwa chukusambwa ku Yahova, kuduukiza liesuuha anoho kuli kihanwa chuvwihaani kuduuka mutugu gove vugira imbara. 19Nimwenya kuvugilirwa kuduuka muleete kihanwa kisaza kiduukanu, vugira imbara kutura mu zigiriki anoho magondi anoho zimburi. 20Niiva mulahaana mutugu gwosi ogoveeye nimbala, Yahova sialaguvugilira mba. 21Lwu umundu woosi aleetaa kihanwa chi mirembe ku Yahova mu liduukiza liesuuha anoho kuli kihanwa chuvwihaani, mutugu zana gaduukanaa gove vugira imbara niiva gulavugilirwa. 22Mutahaana ku Inzi Yahova mutugu gwosi ogoveeye muvoku anoho gwalema, anoho gwavunanywa anoho ogoveeye ningwagu, anoho livimba anoho lwiyage mba. Mutahaana mitugu kuli yigi kuvwaali kuli vihaanwa viu viukulia ku Inzi Yahova mba. 23Kuli ikihaanwa chu vwihaani, munyala kuhaana mutugu gwakuunya anoho gwavula kolombwa vulahi ku vivero viumuviri gwacho, navuzwa sigunyala kuvugilirwa mu liduukiza liesuuha mba. 24Mutahaani ku Inzi Yahova mutugu gwosi gwa ladwaa gagwo mba anoho gaduywa; anoho gakalagwa anoho gasalirizwa anoho gatandulwa mba. Yaga sigavugilirwa mu kivala chienyu mba.
25“Mutahaana kihanwa chichukulia cha Nyasaye winyu mutugu gwosi kutura ku mugeni mba. Mitugu kuli yiji jivugulwa kuva kuli jiveeye nimbala kulwayago sijinyala kuvugilirwa mba.”
26Yahova yavolera Musa, 27“Kemoli anoho kememe chi ligondo, anoho kememe chi imburi, kilava harara ninyia ku madiku saba. Navuzwa lwinyima kinyala kuvugilirwa kuli kihanwa chu kusambwa ku Yahova. 28Utasiinza eng'ombe harara ne kemoli chayo mba anoho ligondi ne kememe chayio anoho imburi nekememe chayo kulidiku lilala mba. 29Lwuhaana kihanwa chilisandiza ku Yahova olonde malago kunangwa uvugilirwi. 30Kilaliivwa ku lidiku zana. Mutaleka kindu kucho kuduuka mugamba golondaku mba. Inzi mbeeye Yahova.”
31Yahova yavoola, “Mugumiri malago gange nokugalonda. 32Mutaleeta zisoni ku lieta liange litakatifu mba. Avandu vosi va Isiraeli kuduuka vamanye ndi inzi mbeeye Mutakatifu. Inzi mbeeye Yahova umutakasaa. 33Inzi ndamutuliza mu kivala cha Egebeti nduuki kuva Nyasaye winyu. Inzi mbeeye Yahova.”
Currently Selected:
LEVI 22: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
LEVI 22
22
Vutakatifu vwi Vihaanwa
1Yahova yavolera Musa, 2volera Haruni na avana veve vayaayi, “Muhaane luyali ku vihaanwa ivitakatifu via avandu va Isiraeli vaviika halovega kigira Inzi, kunangwa vavuli kwonogonyia lieta liange litakatifu inzi mbeeye Yahova. 3Ku makura gaaza, niiva mulala ku visukululwi vienyu viosi vilisunda himbi ku vihaanwa ivitakatifu via avandu va Isiraeli vaviika halovega kigira inzi, naveeye mudamanu kolondekana nu muruka gwi dini, umundu oyo sialatumikaku kandi ku vwali mba. Inzi mbeeye Yahova.
4“Mundu woosi wi kisukururwi cha Haruni oveeye novogere, anoho oveeye ni kisununu, ataliaku vihaanwa vitakatifu mba, kuduuka lwava mulahi. Mundu woosi, musaalisi, oveeye mudamanu aveeye mudamanu niiva adiira kindu choosi kekoleywe kidamanu nu mukuzu anoho nu umundu woosi weloteeye 5anoho niiva adiiyi ku inyama anoho umundu oveeye mudamanu. 6Musaalisi woosi uva naagwiyi mudamanu alava mudamanu kuduuka hamugorova; kandi kali ndio sianyala kulia ku vihaanwa ivitakatifu mba, kuduuka lwava mulahi. 7Lwi liuva liiva niliakayeera, alava mulahi, na alalia ivindu ivitakatifu, iviveeye chukulia chiche. 8Sialalia inyama ikuzi yene anoho yitiywi ninyama yumbulimu mba. Ilamukola mudamanu. Inzi mbeeye Yahova.
9“Avasaalisi vosi valalinda malago goosi ga mali kuhaana. Nigataveeye ndio valagwa avahioli, ma vakuzi kigira vavuli kutia malago matakatifu. Inzi mbeeye Yahova kandi mbakola kuva avatakatifu.
10“Avandu vinyumba yu musaalisi venyine nivo vanyara kulia ku vihaanwa vitakatifu. Sihaveeyeho nu umundu woosi unyala kulia kuviukulia yivi kali nava mugeni omenyi numusaalisi anoho mutumikiri weve utungwa mba. 11Navuzwa mutugwa wu musaalisi yaagula na mabese geege mwene, anoho mutugwa wivulwa munyumba yumusaalisi, uyu alalia ku chukulia chu musaalisi anyoora. 12Mukaana wu musaalisi waletwa nu mundu utaveeye musaalisi atalia ku vihaanwa vitakatifu mba. 13Navuzwa mukaana wu musaalisi nakunzakala anoho musaza naava namuleka utaveeye navana ma niyirana komenya munyumba ya baba weve kuli muvwana vwivwe, alalia ku viukulia via baba weve alanyoola kuli musaalisi. Navuzwa vageni vosi vatavilia mba.
14“Niiva mundu woosi utaveeye ku vandu vinyumba yuvusaalisi alalia ku vihaanwa vitakatifu na tamanyi, kuduuka atungi musaalisi vuguli vwavio vwosi kandi ameede ku kidieli kilala ku vitano. 15Avasaalisi sivalonogonyia vihaanwa vitakatifu via vandu va Isiraeli vahaana ku Inzi Yahova mba, 16ku lileka mundu woosi utaavugulirwa alie ku vihaanwa vitakatifu mba. Nigakava ndio, galaleeta lihiola namaduywa ku mundu kuli oyo. Inzi mbeeye Yahova kandi nombaa vihaanwa kuva vitakatifu.”
17Yahova yavolera, 18Moloma ku Haruni, na avayaayi veve na vandu va Isiraeli uvavoolere ndi: “Niiva mundu wa Isiraeli anoho mugeni umenyi mu Isiraeli aleetaa kihanwa chukusambwa ku Yahova, kuduukiza liesuuha anoho kuli kihanwa chuvwihaani kuduuka mutugu gove vugira imbara. 19Nimwenya kuvugilirwa kuduuka muleete kihanwa kisaza kiduukanu, vugira imbara kutura mu zigiriki anoho magondi anoho zimburi. 20Niiva mulahaana mutugu gwosi ogoveeye nimbala, Yahova sialaguvugilira mba. 21Lwu umundu woosi aleetaa kihanwa chi mirembe ku Yahova mu liduukiza liesuuha anoho kuli kihanwa chuvwihaani, mutugu zana gaduukanaa gove vugira imbara niiva gulavugilirwa. 22Mutahaana ku Inzi Yahova mutugu gwosi ogoveeye muvoku anoho gwalema, anoho gwavunanywa anoho ogoveeye ningwagu, anoho livimba anoho lwiyage mba. Mutahaana mitugu kuli yigi kuvwaali kuli vihaanwa viu viukulia ku Inzi Yahova mba. 23Kuli ikihaanwa chu vwihaani, munyala kuhaana mutugu gwakuunya anoho gwavula kolombwa vulahi ku vivero viumuviri gwacho, navuzwa sigunyala kuvugilirwa mu liduukiza liesuuha mba. 24Mutahaani ku Inzi Yahova mutugu gwosi gwa ladwaa gagwo mba anoho gaduywa; anoho gakalagwa anoho gasalirizwa anoho gatandulwa mba. Yaga sigavugilirwa mu kivala chienyu mba.
25“Mutahaana kihanwa chichukulia cha Nyasaye winyu mutugu gwosi kutura ku mugeni mba. Mitugu kuli yiji jivugulwa kuva kuli jiveeye nimbala kulwayago sijinyala kuvugilirwa mba.”
26Yahova yavolera Musa, 27“Kemoli anoho kememe chi ligondo, anoho kememe chi imburi, kilava harara ninyia ku madiku saba. Navuzwa lwinyima kinyala kuvugilirwa kuli kihanwa chu kusambwa ku Yahova. 28Utasiinza eng'ombe harara ne kemoli chayo mba anoho ligondi ne kememe chayio anoho imburi nekememe chayo kulidiku lilala mba. 29Lwuhaana kihanwa chilisandiza ku Yahova olonde malago kunangwa uvugilirwi. 30Kilaliivwa ku lidiku zana. Mutaleka kindu kucho kuduuka mugamba golondaku mba. Inzi mbeeye Yahova.”
31Yahova yavoola, “Mugumiri malago gange nokugalonda. 32Mutaleeta zisoni ku lieta liange litakatifu mba. Avandu vosi va Isiraeli kuduuka vamanye ndi inzi mbeeye Mutakatifu. Inzi mbeeye Yahova umutakasaa. 33Inzi ndamutuliza mu kivala cha Egebeti nduuki kuva Nyasaye winyu. Inzi mbeeye Yahova.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019