LEVI 21
21
Uvutakatifu vwa Avasaalisi
1Yahova yavolera Musa avolere avasaalisi, avandu vinyumba ya Haruni ndi: “Umusaalisi woosi ateyonogonyia mwene kigira vakuzu vaveeye hagati ha avandu vaavo mba, 2nataveeye umwiko weve wa himbi, kuli mama weve, baba weve, mwana weve muyaayi anoho mukaana, amwavo weve, 3anoho mbozo weve ukikiri kuzia ilukali, omenya munyumba yeeye. 4Ateyonogonyia mwene kigira likuza lia yavo avaveeye aviiko veve mu liletana mba.
5“Musaalisi atavega mutwi gwigwe anoho kovega zinderu zizie, anoho kwisalaga kumanyia ndi asiomaa mba. 6Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu. 7Umusaalisi sialeta mukali muheyi mba, anoho mukali utaveeye mugima anoho wu msaaza yakunga mba; kigira musaalisi oyo aveeye umutakatifu. 8Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu. 9Niiva mukaana wu musaalisi aleyonogonyia ku liiva muheyi aviikababa weve mzisoni, ahaanaa zisoni ku baba weve, alasaambwa nu muliru kuduuka akuzi.
10“Musaalisi Munene uva navakiywi amaguta ha vamwavo veve, uwa gukutakasa ku mutwi gwigwe, kandi uwaatakaswa nu kwiviikwa zinguvu ziu vusaalisi, alavula kusanula liisu lilie mba, anoho ataanduli zinguvu zizie kumanyia ndi aveeye mulisioma mba. 11Sialingira havundu hu muviri mukuzu goveeye mba! Sialekola umudamanu kali niiva ni baba weve anoho mama weve ukuzi mba. 12Kandi sialatula ichova wi Lihema litakatifu liange, anoho kwonogonyia ahatakatifu hange mba. Kigira yaavikilwa ku makono kuvaka maguta gange. Inzi mbeeye Yahova.
13“Mukali waleeta kuduuka ave mugima; 14Ataleeta mukali mukunzakali, anoho uwakungwa nu musaza anoho muheyi mba. Kuduuka aleete mukaana mugima kutura mu avandu vinyumba yeeye. 15Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”
16Nyasaye yavolera Musa 17avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba. 18Umundu woosi oveeye novolema vwosi atiisunda ahimbi kuhaana vihanwa viviukulia mba: umundu woosi oveeye mboku, anoho nulema kerenge, woneka ligondo anoho wakuunya 19anoho umundu wavunika kerenge, anoho mukono 20anoho oveeye nikiguku anoho wakuunya, anoho oveeye nesongo mumoni, anoho wulwiyage anoho kiziri mba. 21Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba, 22umundu kuli oyo anyala kulia ku viukulia vihaanwa ku Inzi kandi viukulia viveeye vitakatifu ligali. 23Navuzwa kigira aveeye novolema ku muviri gwigwe, atiisunda himbi ni suka indakatifu mba kandi atiisunda himbi nuvwaali mba. Atonogonyia ivindu ivitakatifu viange mba; kigira Inzi mbeeye Yahova uvikolaa kuva ivitakatifu.”
24Kunangwa yaga nigo ga Musa yavolera Haruni, avayaayi va Haruni kandi avandu vosi va Isiraeli.
Currently Selected:
LEVI 21: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
LEVI 21
21
Uvutakatifu vwa Avasaalisi
1Yahova yavolera Musa avolere avasaalisi, avandu vinyumba ya Haruni ndi: “Umusaalisi woosi ateyonogonyia mwene kigira vakuzu vaveeye hagati ha avandu vaavo mba, 2nataveeye umwiko weve wa himbi, kuli mama weve, baba weve, mwana weve muyaayi anoho mukaana, amwavo weve, 3anoho mbozo weve ukikiri kuzia ilukali, omenya munyumba yeeye. 4Ateyonogonyia mwene kigira likuza lia yavo avaveeye aviiko veve mu liletana mba.
5“Musaalisi atavega mutwi gwigwe anoho kovega zinderu zizie, anoho kwisalaga kumanyia ndi asiomaa mba. 6Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu. 7Umusaalisi sialeta mukali muheyi mba, anoho mukali utaveeye mugima anoho wu msaaza yakunga mba; kigira musaalisi oyo aveeye umutakatifu. 8Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu. 9Niiva mukaana wu musaalisi aleyonogonyia ku liiva muheyi aviikababa weve mzisoni, ahaanaa zisoni ku baba weve, alasaambwa nu muliru kuduuka akuzi.
10“Musaalisi Munene uva navakiywi amaguta ha vamwavo veve, uwa gukutakasa ku mutwi gwigwe, kandi uwaatakaswa nu kwiviikwa zinguvu ziu vusaalisi, alavula kusanula liisu lilie mba, anoho ataanduli zinguvu zizie kumanyia ndi aveeye mulisioma mba. 11Sialingira havundu hu muviri mukuzu goveeye mba! Sialekola umudamanu kali niiva ni baba weve anoho mama weve ukuzi mba. 12Kandi sialatula ichova wi Lihema litakatifu liange, anoho kwonogonyia ahatakatifu hange mba. Kigira yaavikilwa ku makono kuvaka maguta gange. Inzi mbeeye Yahova.
13“Mukali waleeta kuduuka ave mugima; 14Ataleeta mukali mukunzakali, anoho uwakungwa nu musaza anoho muheyi mba. Kuduuka aleete mukaana mugima kutura mu avandu vinyumba yeeye. 15Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”
16Nyasaye yavolera Musa 17avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba. 18Umundu woosi oveeye novolema vwosi atiisunda ahimbi kuhaana vihanwa viviukulia mba: umundu woosi oveeye mboku, anoho nulema kerenge, woneka ligondo anoho wakuunya 19anoho umundu wavunika kerenge, anoho mukono 20anoho oveeye nikiguku anoho wakuunya, anoho oveeye nesongo mumoni, anoho wulwiyage anoho kiziri mba. 21Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba, 22umundu kuli oyo anyala kulia ku viukulia vihaanwa ku Inzi kandi viukulia viveeye vitakatifu ligali. 23Navuzwa kigira aveeye novolema ku muviri gwigwe, atiisunda himbi ni suka indakatifu mba kandi atiisunda himbi nuvwaali mba. Atonogonyia ivindu ivitakatifu viange mba; kigira Inzi mbeeye Yahova uvikolaa kuva ivitakatifu.”
24Kunangwa yaga nigo ga Musa yavolera Haruni, avayaayi va Haruni kandi avandu vosi va Isiraeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019