KUTURA 31
31
Avasiza vi Lihema lia Yahova
(Kut. 35:30—36:1)
1Yahova yavolera Musa, 2“Inzi mali kotovola Bezeleli, muyaayi wa Uri, kandi mwisukulu wa Huru, kutura mu ihiiri ya Yuda, 3kandi mali kuhaana kuye Roho wa Nyasaye. Mali kumuha ovogeri vwilimanyiriza, vusiza vwi miyinzi ji zing'ano ziosi. 4Alalohiza miyinzi ju vusiza nijukusiaha nizahabu, ifeza kandi mugasa; 5livaaza liamagina guvuguli nukugahandiza ku kibaho; nukusiaha miyinzi jukutumikira makono zing'ano ziosi. 6Kandi, mali kotovola Oholiabu mwana wa Ahisamaku kutura mu ihiiri ya Dani kuyinzira harara naye. Mali kandi kumuha ovogeri vonene ku avasiza valahi vandi kunangwa vaduuki kolomba vindu viosi via mali kulaga vilombwe. 7Lihema liukuvuganira mu, ni lisandugu lie Lilagana harara ni kikuniku chalio viju viosi iviveeye mu lihema liukuvuganiramu, 8emesa niviju viayo viosi, kinaara chi zitaya kisiyiywi ni zahabu indahi viju viacho viosi, kinaara chi zitaya kisiyiywi ni zahabu indahi viju viacho viosi, nu vwali vwukusambira ku kimuli, 9uvwali vwukusambira ku vihaanwa viu kusambwa harara ni viju viavwo viosi, ebenzeni yukwisavira ku nuvwikaliru vwayo, 10zinguvu zindahi ligali ziuvusalisi, zinguvu zindakatifu zia Haruni, na vayaayi veve kutumikira lwa vatumika kuli avasaalisi, 11amaguta gukuvaka, nikimuli kifunyaa mwayu cha Havundu Hatakatifu. Mulikola vindu yivi viosi, vaduukana vakole kuli ndaakulaga.”
Lisabato
12Yahova yalaga Musa 13avolere avandu va Isiraeli ndi, “Mulindi lisabato, lidiku liange liokososa, kigira liveeye kelolero hagati hange ni munyi, ku zing'inga ziosi ziza, ukumanyia ndi, Inzi Yahova, mali kumukola muve avandu vange. 14Kuduuka mulindi lidiku lielisosa, kigira liveeye litakatifu. Mundu woosi uvula kulinda lidiku yili, navuzwa ayinziraa, adukanaa yiitwi. 15Muveeye na madiku sita gokokola miyinzi jinyu, navuzwa lidiku lia saba lilava lidiku linene liatakasirwa inzi Yahova. Mundu woosi okola miyinzi josi ku lidiku yili, adukanaa yiitwi. 16Kunangwa avandu va Isiraeli valalinda lidiku yili kuva kelolero chi lilagana. 17Liveeye lilolekiza liokuhindira hagati hange na avandu va Isiraeli, kigira Inzi, Yahova, ndaalomba ligulu ni lirova mu madiku sita, na lidiku lia saba ndaaleka kokora miyinzi nesosa.”
18Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.
Currently Selected:
KUTURA 31: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 31
31
Avasiza vi Lihema lia Yahova
(Kut. 35:30—36:1)
1Yahova yavolera Musa, 2“Inzi mali kotovola Bezeleli, muyaayi wa Uri, kandi mwisukulu wa Huru, kutura mu ihiiri ya Yuda, 3kandi mali kuhaana kuye Roho wa Nyasaye. Mali kumuha ovogeri vwilimanyiriza, vusiza vwi miyinzi ji zing'ano ziosi. 4Alalohiza miyinzi ju vusiza nijukusiaha nizahabu, ifeza kandi mugasa; 5livaaza liamagina guvuguli nukugahandiza ku kibaho; nukusiaha miyinzi jukutumikira makono zing'ano ziosi. 6Kandi, mali kotovola Oholiabu mwana wa Ahisamaku kutura mu ihiiri ya Dani kuyinzira harara naye. Mali kandi kumuha ovogeri vonene ku avasiza valahi vandi kunangwa vaduuki kolomba vindu viosi via mali kulaga vilombwe. 7Lihema liukuvuganira mu, ni lisandugu lie Lilagana harara ni kikuniku chalio viju viosi iviveeye mu lihema liukuvuganiramu, 8emesa niviju viayo viosi, kinaara chi zitaya kisiyiywi ni zahabu indahi viju viacho viosi, kinaara chi zitaya kisiyiywi ni zahabu indahi viju viacho viosi, nu vwali vwukusambira ku kimuli, 9uvwali vwukusambira ku vihaanwa viu kusambwa harara ni viju viavwo viosi, ebenzeni yukwisavira ku nuvwikaliru vwayo, 10zinguvu zindahi ligali ziuvusalisi, zinguvu zindakatifu zia Haruni, na vayaayi veve kutumikira lwa vatumika kuli avasaalisi, 11amaguta gukuvaka, nikimuli kifunyaa mwayu cha Havundu Hatakatifu. Mulikola vindu yivi viosi, vaduukana vakole kuli ndaakulaga.”
Lisabato
12Yahova yalaga Musa 13avolere avandu va Isiraeli ndi, “Mulindi lisabato, lidiku liange liokososa, kigira liveeye kelolero hagati hange ni munyi, ku zing'inga ziosi ziza, ukumanyia ndi, Inzi Yahova, mali kumukola muve avandu vange. 14Kuduuka mulindi lidiku lielisosa, kigira liveeye litakatifu. Mundu woosi uvula kulinda lidiku yili, navuzwa ayinziraa, adukanaa yiitwi. 15Muveeye na madiku sita gokokola miyinzi jinyu, navuzwa lidiku lia saba lilava lidiku linene liatakasirwa inzi Yahova. Mundu woosi okola miyinzi josi ku lidiku yili, adukanaa yiitwi. 16Kunangwa avandu va Isiraeli valalinda lidiku yili kuva kelolero chi lilagana. 17Liveeye lilolekiza liokuhindira hagati hange na avandu va Isiraeli, kigira Inzi, Yahova, ndaalomba ligulu ni lirova mu madiku sita, na lidiku lia saba ndaaleka kokora miyinzi nesosa.”
18Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019