KUTURA 30
30
Uvwali vwukusambira ku kimuli
(Kut. 37:25-28)
1“Olombe uvwali kutura ku lubaho lwu musaala gwi kikuma, vwukusambira ku kimuli. 2Kuduuka vove voleng'ani zimbega ziosi, uvutambi vove zisendimita 45 kandi vugika vove zisendimita 45; uvudiguluku vove zisendimita 90. Zinziga zizvwo mu zikona zine zive kindu kilala. 3Ukuniki kwigulu kwavwo, zimbega zine ziosi, zinziga ziavwo zive ni izahabu indahi, kandi uviiki ku ligemo lie zahabu ku vukumbiriza. 4Olombe zimingiri ziviri ziukuvugingira ku kandi uzihandizi isi wi ligemo ku zimbega ziviri, ukugumira misaala ja vugingirwa ku. 5Olombe misaala yiji kutura ku zimbaho zi misaala ji kikuma na uvake ku izahabu. 6Uviiki ichova wu vwali yivu inguvu yukukinga imbiri wi Lisandugu lie Lilagana. Yaho niho havundu ha nzaganiri niivi 7Vuli mugamba lwa Haruni yaza kwetegekiza zitaya, kuduuka asambili ku kimuli kifunyaa mwayu mulahi. 8Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza. 9Mutahaana ku vwali yivu kimuli choosi ichagaywa mba, kihanwa chinyama iyagaywa, anoho kihanwa chu vuswage vwosi, kandi utasundula kihanwa chiwaini yoosi mba. 10Haruni alakola muruka gwu kutakasa uvwali ku liviika ku zinziga zine, amasahi ginyama yahaanwa kuli kisiuviriru chu vwoni vuli lulala ku muhiga. Yiki kilakolwa vuli muhiga ku zing'inga ziosi ziza. Uvwali yivu vulava vutakatifu ligali, uvwatakaswa kigira inzi, Yahova.”
Uvusuru kigira Lihema lia Yahova
11Yahova yavolera Musa 12“Lwuvaliza avandu va Isiraeli, vuli mundu alandunga vuguli vwi livamwoyo lilie; kunangwa kivi kivuli kuuza kuye lwi livaliza lizizagiliraa. 13Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi. 14Vuli mundu uvalizwa, agaveeye kovora, vuli musaza oveeye ni mihiga sirini anoho kuvita ndio kuduuka yandungi mabese yaga. 15Mutugi sialatunga mbitilira mba, anoho kali mudaka sialatunga mabese makekeeke lwa vava nivatunga mabese yaga kigira livamwoyo liavo mba. 16Muvungizi mabese yaga kutura ku avandu va Isiraeli na mugatumikiri ku vutumiki vwi Lihema liu kuvuganira mu. Vusuuru yivu vulava mitungu kigira livamwoyo liavo; kandi ndizuliza kuvakinga.”
Ebenzeni Yumugasa
17Yahova yavolera Musa, 18“Olombe ebenzeni yumugasa eveeye nuvwikaliru vwumugasa. Ugiviki hagati hi Lihema liukuvuganira mu nu vwali, ma uviiki ku amazi. 19Haruni harara na vayaayi veve kuduuka vatumikiri amazi yaga kwisaava amakono gaavo nivirenge; 20nivakiri kwingira mu Lihema liu kuvuganiramu, anoho kwisunda ahimbi ku vwali kuhaana vihaanwa vie viukulia. Maku sivalitwa mba. 21Kuduuka visave amakono gaavo nivirenge, kunangwa vavuli kukuza. Yili nililago liavo harara ni visukululwi viavo vaduukana valonde mihiga ni mihiga.”
Amaguta gu kuvaka
22Yahova yavolera Musa, 23“Uvuguli vindu vifunya mwayu mulahi, imanemane yamazi zikilo sita, zikilo zivaga ziumudalasini, zikilo zivaga zie indago enolu, 24kandi zikilo sita zie ikida ziosi ziabimwa kolondekana nikibimu chavugilirwa. Omeede ku zilita zine zia maguta ga muzeituni 25kandi olombe maguta matakatifu gukuvaka, agazuganywa kuli epoda nivifunya mwayu. Yaga galava maguta matakatifu gukuvaka. 26Ugatumikili kuvaka Lihema liukuvuganira mu, Lisandugu lie Lilagana, 27emesa, ni viju viayo viosi, kinaara chi itaya niviju viayo, uvwali vwukusambira ku kimuli. 28Uvwali vwukusambira ku vihaanwa, harara ni viju viavwo viosi, kandi ebenzeni yukwisavira ku harara nuvwikaliru vwayo. 29Utakase vindu yivi viosi munzira yiyi, na vilava vitakatifu ligali; kandi mundu woosi anoho kindu choosi ikidiira ku kilasalirizwa ni zinguru ziuvutakatifu vwacho. 30Maku uvake Haruni harara na vayaayi veve amaguta, kandi uvatakase vaduuki kundumikira kuli avasaalisi. 31Ovoolere avandu va Isiraeli, ‘Yaga galava maguta Matakatifu gukuvaka mu vutumikiri vwange mu visukululwi vienyu viosi zing'inga ziza ziosi. 32Sigaduukana gasundulwi ku muviri gwu mundu wa kazozo mba, kandi utatumikira inzira ndala nzere kolomba agandi kufwanana na yaga ku ligazuganyia mba. Gaveeye matakatifu kandi galava matakatifu ku munyi. 33Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”
Kimuli
34Yahova yavolera Musa, “Uvuguli vidonye vileng'ani kutura ku vitagwa vifunya mwayu yivi; isitakite, onicha, galibanumu, ni kimuli. 35Uvitumikiri kolomba kimuli kizuganyiywi mu maguta gafunyaa mwayu. Omeede ku ijumbi kugilinda eve indahi kandi indakatifu. 36Uvuguli kedonye kucho usie kigwi epoda indahi, ugihili mu Lihema liukuvuganira mu, kandi wuhi imbiri wi Lisandugu lie lilagana. Okole kimuli yiki keve kitakatifu ligali. 37Utatumikira inzira ndala nzere welombere kimuli choosi kuli yiki mba. Ukivuguli kuli keveeye kindu kitakatifu ichatakaswa kigira inzi. 38Niiva mundu woosi alombaa kimuli kuli yiki ku litumikira maguta gu mwayu, sialavalizwa kuva mulala ku avandu vange mba.”
Currently Selected:
KUTURA 30: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
KUTURA 30
30
Uvwali vwukusambira ku kimuli
(Kut. 37:25-28)
1“Olombe uvwali kutura ku lubaho lwu musaala gwi kikuma, vwukusambira ku kimuli. 2Kuduuka vove voleng'ani zimbega ziosi, uvutambi vove zisendimita 45 kandi vugika vove zisendimita 45; uvudiguluku vove zisendimita 90. Zinziga zizvwo mu zikona zine zive kindu kilala. 3Ukuniki kwigulu kwavwo, zimbega zine ziosi, zinziga ziavwo zive ni izahabu indahi, kandi uviiki ku ligemo lie zahabu ku vukumbiriza. 4Olombe zimingiri ziviri ziukuvugingira ku kandi uzihandizi isi wi ligemo ku zimbega ziviri, ukugumira misaala ja vugingirwa ku. 5Olombe misaala yiji kutura ku zimbaho zi misaala ji kikuma na uvake ku izahabu. 6Uviiki ichova wu vwali yivu inguvu yukukinga imbiri wi Lisandugu lie Lilagana. Yaho niho havundu ha nzaganiri niivi 7Vuli mugamba lwa Haruni yaza kwetegekiza zitaya, kuduuka asambili ku kimuli kifunyaa mwayu mulahi. 8Kuduuka akole malala mere lwa ahambizaa zitaya hamugorova. Lihaana kimuli yili kuduuka lizizagiliri zing'inga ziosi ziza. 9Mutahaana ku vwali yivu kimuli choosi ichagaywa mba, kihanwa chinyama iyagaywa, anoho kihanwa chu vuswage vwosi, kandi utasundula kihanwa chiwaini yoosi mba. 10Haruni alakola muruka gwu kutakasa uvwali ku liviika ku zinziga zine, amasahi ginyama yahaanwa kuli kisiuviriru chu vwoni vuli lulala ku muhiga. Yiki kilakolwa vuli muhiga ku zing'inga ziosi ziza. Uvwali yivu vulava vutakatifu ligali, uvwatakaswa kigira inzi, Yahova.”
Uvusuru kigira Lihema lia Yahova
11Yahova yavolera Musa 12“Lwuvaliza avandu va Isiraeli, vuli mundu alandunga vuguli vwi livamwoyo lilie; kunangwa kivi kivuli kuuza kuye lwi livaliza lizizagiliraa. 13Vuli mundu uvalizwa kuduuka atuungi mutungu gwa mabese genyekaa, nigabimiywi kolondekana ku vuguli vwavugilirwa na vanene. Vuli mundu kuduuka atuungi yaga kuli kihanwa ku Inzi. 14Vuli mundu uvalizwa, agaveeye kovora, vuli musaza oveeye ni mihiga sirini anoho kuvita ndio kuduuka yandungi mabese yaga. 15Mutugi sialatunga mbitilira mba, anoho kali mudaka sialatunga mabese makekeeke lwa vava nivatunga mabese yaga kigira livamwoyo liavo mba. 16Muvungizi mabese yaga kutura ku avandu va Isiraeli na mugatumikiri ku vutumiki vwi Lihema liu kuvuganira mu. Vusuuru yivu vulava mitungu kigira livamwoyo liavo; kandi ndizuliza kuvakinga.”
Ebenzeni Yumugasa
17Yahova yavolera Musa, 18“Olombe ebenzeni yumugasa eveeye nuvwikaliru vwumugasa. Ugiviki hagati hi Lihema liukuvuganira mu nu vwali, ma uviiki ku amazi. 19Haruni harara na vayaayi veve kuduuka vatumikiri amazi yaga kwisaava amakono gaavo nivirenge; 20nivakiri kwingira mu Lihema liu kuvuganiramu, anoho kwisunda ahimbi ku vwali kuhaana vihaanwa vie viukulia. Maku sivalitwa mba. 21Kuduuka visave amakono gaavo nivirenge, kunangwa vavuli kukuza. Yili nililago liavo harara ni visukululwi viavo vaduukana valonde mihiga ni mihiga.”
Amaguta gu kuvaka
22Yahova yavolera Musa, 23“Uvuguli vindu vifunya mwayu mulahi, imanemane yamazi zikilo sita, zikilo zivaga ziumudalasini, zikilo zivaga zie indago enolu, 24kandi zikilo sita zie ikida ziosi ziabimwa kolondekana nikibimu chavugilirwa. Omeede ku zilita zine zia maguta ga muzeituni 25kandi olombe maguta matakatifu gukuvaka, agazuganywa kuli epoda nivifunya mwayu. Yaga galava maguta matakatifu gukuvaka. 26Ugatumikili kuvaka Lihema liukuvuganira mu, Lisandugu lie Lilagana, 27emesa, ni viju viayo viosi, kinaara chi itaya niviju viayo, uvwali vwukusambira ku kimuli. 28Uvwali vwukusambira ku vihaanwa, harara ni viju viavwo viosi, kandi ebenzeni yukwisavira ku harara nuvwikaliru vwayo. 29Utakase vindu yivi viosi munzira yiyi, na vilava vitakatifu ligali; kandi mundu woosi anoho kindu choosi ikidiira ku kilasalirizwa ni zinguru ziuvutakatifu vwacho. 30Maku uvake Haruni harara na vayaayi veve amaguta, kandi uvatakase vaduuki kundumikira kuli avasaalisi. 31Ovoolere avandu va Isiraeli, ‘Yaga galava maguta Matakatifu gukuvaka mu vutumikiri vwange mu visukululwi vienyu viosi zing'inga ziza ziosi. 32Sigaduukana gasundulwi ku muviri gwu mundu wa kazozo mba, kandi utatumikira inzira ndala nzere kolomba agandi kufwanana na yaga ku ligazuganyia mba. Gaveeye matakatifu kandi galava matakatifu ku munyi. 33Mundu woosi olomba maguta kuli yaga, anoho utumikira maguta yaga ku mundu woosi utaveeye musaalisi, sialavalizwa kuva mulala ku avandu vange mba.’ ”
Kimuli
34Yahova yavolera Musa, “Uvuguli vidonye vileng'ani kutura ku vitagwa vifunya mwayu yivi; isitakite, onicha, galibanumu, ni kimuli. 35Uvitumikiri kolomba kimuli kizuganyiywi mu maguta gafunyaa mwayu. Omeede ku ijumbi kugilinda eve indahi kandi indakatifu. 36Uvuguli kedonye kucho usie kigwi epoda indahi, ugihili mu Lihema liukuvuganira mu, kandi wuhi imbiri wi Lisandugu lie lilagana. Okole kimuli yiki keve kitakatifu ligali. 37Utatumikira inzira ndala nzere welombere kimuli choosi kuli yiki mba. Ukivuguli kuli keveeye kindu kitakatifu ichatakaswa kigira inzi. 38Niiva mundu woosi alombaa kimuli kuli yiki ku litumikira maguta gu mwayu, sialavalizwa kuva mulala ku avandu vange mba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019