VAEFESO LITANGILIRA
LITANGILIRA
Ibarwa ya Paolo yang'odera vandu vasuuviri vaali mu Efeso eveeye ni lienya kumanyia “Uvulariri lilohiza lia Nyasaye koleta vilombe vivie viosi harara, viosi iviveeye mwigulu kandi ku lirova.” Kristo aveeye mutwi gwavio (1:10). Eveeye kandi iligoonya ku Avakristayo, vamenye kuli lilohiza linene yili kigira uvuhambani vwa avandu kuvitira mu lihambanywa na Kristo Yeso. Paolo yang'oda ibarwa yiyi naveeye muvuhambe ku lwi mihiga giviri mu Rumi ahimbi muhiga gwa 60 A.D. Tukiko yatumwa kuhila ibarwa yene yiyi (6:21-22).
Mu kedonye chukutanga chi ibarwa yiyi, mung'odi azizagiliraa kudinyiriza kivuni kenene chu vuhambani vwa avandu veve. Yamoloma kuli Nyasaye, Baba, yatovola avandu veve, kuli vasaamifwa kandi kovoholorwa kutura muvwoni vwavo kuvitira mu Yeso Kristo, mwana weve; kandi kuli lisuuvirizwa linene lia Nyasaye liviikiywi ku muhuri na Roho Mutakatifu.
Mu kedonye cha kaviri Paolo agonyaa vandu va Nyasaye, Avakristayo vamenye muvuhambani vwavo vwa giligali na Kristo. Mung'odi yatumikira zing'ano zinyingi kumanyia vuhambani vwa avandu va Nyasaye kuvitira mu Yeso Kristo: Likanisa liveeye muviri, Kristo naveeye mutwi gwagwo; anoho kuli inyumba, na Kristo naveeye ligina liumukona; anoho kuli mukali, na Kristo naveeye musaza.
Mung'odi aganagana ligali ku zimbavasi zia Nyasaye mu Kristo. Vuli kindu kelolekaa mu vulavu vwu vuyanzi vwa Kristo, liehaana kuva kisiuviriru, uvusamiihi, zimbavasi kandi uvutakatifu.
Agaveeye mu kitabu yiki
Litangilira 1:1-2
Kristo kandi Likanisa 1:3—3:21
3. Livamwoyo lihiamu Kristo 4:1—6:20
4. Limaliriza 6:21-24
Currently Selected:
VAEFESO LITANGILIRA: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019