2 VAKORINZO 9
9
1Si gadukanaa inzi ng'odere munyi kigira vokonyi vutumangwa ku vatakatifu vaveeye mu Vuyuda mba. 2Inzi manyi vulahi ndi muveeye nilienya kokoonya; kandi nzekonyaa kigira munyi ku vandu vaveeye mu Makedonia. Ndaavavoolera ndi, “Avaamitu va Akaya vaali nivetegeki kokoonya kutura muhiga gwaavita.” Uvugulu vwinyu vumali kuzuva vanyingi kuvo kuva nu mwoyo gwu kuhaana. 3Kalunu nduma avaamitu yava, kunangwa liekonya lietu kigira munyi mu makuva yaga livuli kuva lia vuzwa. Navuzwa kuli ndaali nimboye, mwetegeke ligali no vokonyi vwinyu. 4Niiva vandu valala kutura Makedonia valaza harara ninzi, ma vanyoore nimutetegeki, sikulavoola kindu ku munyi mba. Kulava nizisoni kigira kwaali ni lisuuvira linene mu munyi. 5Kunangwa ndaganagana ndi vwakaveeye vulahi koteeva avaamitu yava vatange kuuza ku munyi imbiri wange, vaduuki kwetegekiza imbiri kihaanwa chiinyu kenene cha mwalaga mulahaana. Kihanwa yiki kitava kuli cha muhaanaa ku linigwa, navuzwa kuli cha muveeye ni lienya kuhaana.
Ukumiza nuvuhaani
6Mwizurizi ndi, mundu utaagaa vumwu vokekeeke agesaa vikekeeke; mundu utaagaa vumwu vunyingi agesaa vinyingi. 7Mundu sa mulala, gamudukira ahaane kuli amali kotovola mu mwoyo vugira kuhayahaya anoho kunigwa, kigira Nyasaye ayaanza mundu uhaanaa nu vusangali. 8Nyasaye anyala kumuha munyi vugasu vunyingi ligali, kunangwa muduuki kuva navio viosi via mwenya vuli kazozo; na ndio muduuki kuzizagilira kuhaana mu vunyingi ku miyinzi josi milahi. 9Kuli Amang'oda Matakatifu gavoora,
“Ahaanaa nu mwoyo gwosi ku avadaka;
uvulungi vwivwe vuhindira mihiga ni mihiga.”
10Nyasaye uhaanaa vuguza ku mumizi kandi chukulia chukutumikira alakuha uvuguza vwukumiza vwa mwenya; alavomeda kandi alakiriza ligesa liu vuhaani vwinyu vwosi. 11Nyasaye alamukola kuva vatugi ku vindu viosi muduuki kuva vahaani zing'inga ziosi, kunangwa vanyingi vaduuki kusandiza Nyasaye kigira vihaanwa vienyu via mwanyoola kutura ku kunyi. 12Likora miyinzi milahi yiji sililakoonya vudaka vwa vatakatifu venyine mba, navuzwa lilalomba kandi vandu vanyingi kusandiza Nyasaye mu lizominya. 13Kigira mativuli gu vutumiki vwinyu yivu, avanyingi valakuminya Nyasaye kigira lihulira lienyu liu kwiyama Ivangeri ya Kristo kandi kigira uvuhaani vwinyu kuvo nu ku vandu vandi vosi. 14Kunangwa, harara nu vuyanzi vonene vwu mu mwoyo, valamusaavira, kigira zimbavasi ziokogenyia zia Nyasaye amali kumuha. 15Gendi kusandizi Nyasaye kigira kihaanwa chiche kitaveeye ne kegero.
Paolo yakinga uvutumwa vwivwe
Currently Selected:
2 VAKORINZO 9: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
