2 VAKORINZO 13
13
1Yiyi ni ing'inga yange ya kavaga ya nziza kumugeniha. Mang'oda Matakatifu gavoora, “Likuva liosi liu kuyaala liladinyirizwa ni lilolekiza lia vandu vaviri anoho vavaga.” 2Nyenya kwiganihiza yavo avaakoraa vwoni mu madiku gaavita, harara na vandi vosi; mbiganihizaa kalunu lwa ndaveeye ho, kuli ndaakola lwa ndaali mu ligeniha liange lia kaviri ndi, niiva ndaaza kandi sindavavererera mba. 3Mulakalole aveene ndi Kristo amolomaa kuvitira mu inzi. Lwa Kristo ayinziraa ni munyi, Kristo siaveeye mudedekere mba, mu vogono yivwo, amanyia zingulu zizie hagati hinyu. 4Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.
5Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa. 6Mbeeye ni lisuuvira munyi mulamanya ndi kunyi sikwaguutwa mba. 7Kalunu kusaala Nyasaye ndi munyi muvuli kokora vwoni vwosi, sigaveeye kuvuli kwimanyia kuli vandu vamali kuguuta, navuzwa muduuki kokora agaveeye malungi, kali niiva kunyi kulaloleka kuli vatamiywi. 8Sikunyala kokora kindu kali kilala kwigalira agiligali mba, navuzwa kigira agiligali geng'ine. 9Kuyaanza lwa koveeye avadedekere, navuzwa munyi muveeye ni zinguru. Kulwayago kusaala muduuki komeeda kuva avadukiru. 10Kigira yaga, ng'odaa ibarwa yiyi nimbeeye ihale kutura ku munyi kunangwa lwa ndakaaze, ndavuli kuva mululu ku munyi lwa nditumikira uvunyali vwu Mwami yamba. Yee, vunyali vwu kwumbaka munyi; sivoveeye vwu kusambula mba.
Licheliza liu kumaliriza
11Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.
12Muchelizane aveene na vene ni livuusa litakatifu. 13Avakristayo vosi hano vamuchelizi.
14Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi
Currently Selected:
2 VAKORINZO 13: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
