1 VATESALONIKE LITANGILIRA
LITANGILIRA
Tesalonike liali lidaala linene lia valumi mu kivala cha Makedonia ichaali hasi hu vwamihi vwa Varumi. Paolo yatangiza yo likanisa lwa yaali niyakatula Filipi (Vik. 17:1-10) ing'inga yo logendo lwilwe lwakaviri.
Nonoho, lihing'ana liatulira hagati ha Avayuda avakendeka kigira avizihiiri vavugilira lilwaza lia Paolo ku likuva liu Vukristayo. Paolo yanigwa kutura mu lidaala lia Tesalonike na azizagiliraa kuduuka mu lidaala lia Berea. Lwa yaduuka Korinzo, yanyoora amakuva kutura ku muyinziri wache wa yaleka inyima walangwa Timateo ni yiivara kuli likanisa liali ni liveeyeho Tesalonike.
Zibarwa ziviri yizi ziang'odwa lwa Paolo yaali mu Korinzo (49 A.D. - 51 A.D.).
Ibarwa yukutanga yang'odwa kudinyiriza, kandi kusuuviriza Avakristayo. Paolo yavasandiza kigira lisuuvira liavo kandi vuyanzi vwavo. Yaviizuliza kuli yaali lwa yamenya navo, kandi yahaana mativuli ku mateeva gavakubizaa ikivi mu zing'anagani ziavo kigira iliirana lia Kristo, venya kumanya: Mundu wasuuvira waali ni yakuza Kristo nakikiri kwivulwa, alakasange mu livamwoyo litaveeye ne keheri? Kandi, Kristo alakilane ng'inga ki?
Paolo yavugula vwiyangu yivu kuvadinyiriza vazizagiliri kutumikira Kristo nivalindilira lisimukuka lirana lilie.
Agaveeye mu kitabu yiki
Litangilira 1:1
Lisandiza kandi lizominya 1:2—3:13
Lieganihiza ku miima ju Vukristayo 4:1-12
Amigizu ku lirana lia Kristo 4:13—5:11
Lieganihiza liu kumaliriza 5:12-22
Agekeheri 5:23-28
Currently Selected:
1 VATESALONIKE LITANGILIRA: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019