1 PETERO 3
3
1Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri, 2kigira kuli miima jinyu milahi jiveeye. 3Liesiaha lienyu litava iliesiaha lie ichova kuli linava amasu, nu kwivika ivindu vie zahabu, anoho kwivika zinguvu. 4Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye. 5Nindio avakali vatakatifu va Nyasaye visiahilaa vasaza vaavo kandi ni vegehiza kuvo. 6Sara yaali ndio; yahulira Aburahamu naamulaga umwami weve. Munyi kalunu muveeye avakaana veve ni mukora vulahi nukuvula kutia kindu choosi.
7Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.
Lisalirizwa kigira likora vulahi
8Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene. 9Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga. 10Mang'oda Matakatifu gavoora,
“Uyu uyanzaa livamwoyo lilie,
kandi kolola amadiku amalahi
gamudukira yigaye ku limoloma uvudamanu,
kandi aleke kovora ovovehi.
11Gamudukira alekane nu vudamanu na akole vulahi;
adukanaa yegombe mirembe
nu mwoyo gwigwe gwosi.
12Mwami ahenderaa umwoyo avalungi
kandi ahuliraa lisaala liavo;
navuzwa muhingiri yavo avakolaa uvudamanu.”
13Nivwaha unyala kumusaliriza, niiva muveeye avaguru kokora agaveeye amalungi? 14Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba. 15Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo, 16navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni. 17Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu. 18Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho, 19kigira livamwoyo lilie mu roho, yazia kwilwazira imioyo jaali mu vuhambe. 20Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi. 21Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo, 22naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.
Livamwoyo Lihia
Currently Selected:
1 PETERO 3: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
1 PETERO 3
3
1Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri, 2kigira kuli miima jinyu milahi jiveeye. 3Liesiaha lienyu litava iliesiaha lie ichova kuli linava amasu, nu kwivika ivindu vie zahabu, anoho kwivika zinguvu. 4Navuzwa liesiaha lienyu live liu mu mwoyo; liesiaha litanyala kwoneka imihiga josi; iliveeye lia roho wo vohocha no vohoma, kandi oveeye nu vuguli ovonene imbiri wa Nyasaye. 5Nindio avakali vatakatifu va Nyasaye visiahilaa vasaza vaavo kandi ni vegehiza kuvo. 6Sara yaali ndio; yahulira Aburahamu naamulaga umwami weve. Munyi kalunu muveeye avakaana veve ni mukora vulahi nukuvula kutia kindu choosi.
7Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.
Lisalirizwa kigira likora vulahi
8Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene. 9Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga. 10Mang'oda Matakatifu gavoora,
“Uyu uyanzaa livamwoyo lilie,
kandi kolola amadiku amalahi
gamudukira yigaye ku limoloma uvudamanu,
kandi aleke kovora ovovehi.
11Gamudukira alekane nu vudamanu na akole vulahi;
adukanaa yegombe mirembe
nu mwoyo gwigwe gwosi.
12Mwami ahenderaa umwoyo avalungi
kandi ahuliraa lisaala liavo;
navuzwa muhingiri yavo avakolaa uvudamanu.”
13Nivwaha unyala kumusaliriza, niiva muveeye avaguru kokora agaveeye amalungi? 14Navuzwa niiva musalirizwa kigira uvulungi, muveeye nu vugasu! Kandi mutatia umundu woosi, na mutadegera ku kindu choosi mba. 15Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo, 16navuzwa mukore yaga no vohoma kandi luyali. Muve ni zing'anagani zindahi kunangwa lwa munyegwa, yavo vamoloma nu kumunyega kigira miima jinyu milahi mu Kristo, vaduuki kuva mu zisoni. 17Ni vulahi ligali kusalirizwa kigira likora vulahi, niiva nu vulaliri vwa Nyasaye, kuvita lisalirizwa ku likora vudamanu. 18Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho, 19kigira livamwoyo lilie mu roho, yazia kwilwazira imioyo jaali mu vuhambe. 20Yiji jaali mioyo ja yavo avaavura kuhulira Nyasaye lwa yalindilira mu vwikuziri mu madiku ga Nuhu yaali ni yumbaka liato lilie. Avandu munane mu liato venyine nivo avaahona kutura ku likuza lia amazi. 21Amazi yago gaali kifananyi chu lugano lwi libatiza, ilihonyiaa munyi kalunu. Yili siliveeye iliogiza liu kutuliza iliiko liu muviri, navuzwa liveeye lilagana lilombeywi ku Nyasaye kutura ku zing'anagani zindahi. Lihonyiaa munyi kuvitira mu lisimugukizwa lia Yeso Kristo, 22naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.
Livamwoyo Lihia
©Bible Society of Kenya, 2019