1 PETERO 2
2
1Kunangwa, mwerehe ku vudamanu vwosi; ovovehi uvugadi, embodoka kandi amanyego. 2Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa. 3Munyi mumali kumanya kuli Mwami aveeye nizimbavasi.
4Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli. 5Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo. 6Mang'oda Matakatifu gavoora,
“Henza, ndatovora ligina linene liuvuguli vonene,
ilia mbikaa kuli ligina liu mukoona mu Ziyoni;
kandi mundu woosi usuviraa mu ligina yilio,
sialaduuka mu zisoni mba.”
7Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira,
“Ligina zana liavumbaki vasuura, kuli ilitaveeye novokoonyi,
ligirung'ani kugwa ligina lie kivuni kenene ku goosi.”
8Mang'oda Matakatifu gavoora,
“Yili nilio ligina liu kwikigitariza avandu,
ulwanda ululivalomba vagwi.”
Vikigitara kigira sivasuuvira mu likuva yivwo vwali uvulariri vwa Nyasaye kuvo.
9Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia. 10Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.
Avatugwa va Nyasaye
11Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi. 12Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.
Liegehiza ku avamihi
13Mwegehizi ku malago goosi ga avandu kigira Mwamihi. Mwegehizi kali ku yavo avamiiha mu kivala. 14Mwegehizi kandi ku vamiihi avatovolwa nu Mwami kuhaana amageri ku yavo avakolaa uvudamanu, kandi mwizominye yavo avakolaa uvulahi. 15Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru. 16Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye. 17Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.
Vusaliri vwa Kristo
18Munyi vatumikiri mwegehiziri avanene vinyu, nu luyali Iwosi, sigaveeye ku avalahi venyine mba, navuzwa kandi ku avalulu. 19Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye. 20Mulava ni lizominywa ki niiva mulikuzira ilikuywa lidukanaa munyore kigira likora vudamanu? Navuzwa niiva mulikuzira mu vusaliri, kali nimumalikokola vulungi, Nyasaye alamugasiza. 21Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie. 22Siyakola uvwoni, kandi siyanyooleka nu vugadi kutura mu munwa gwigwe mba. 23Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi. 24Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa. 25Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.
Avakali na vasaza
Currently Selected:
1 PETERO 2: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
1 PETERO 2
2
1Kunangwa, mwerehe ku vudamanu vwosi; ovovehi uvugadi, embodoka kandi amanyego. 2Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa. 3Munyi mumali kumanya kuli Mwami aveeye nizimbavasi.
4Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli. 5Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo. 6Mang'oda Matakatifu gavoora,
“Henza, ndatovora ligina linene liuvuguli vonene,
ilia mbikaa kuli ligina liu mukoona mu Ziyoni;
kandi mundu woosi usuviraa mu ligina yilio,
sialaduuka mu zisoni mba.”
7Ligina yili liveeye liu vuguli vonene ligali ku vandu avasuuviraa; navuzwa yavo avatasuuvira,
“Ligina zana liavumbaki vasuura, kuli ilitaveeye novokoonyi,
ligirung'ani kugwa ligina lie kivuni kenene ku goosi.”
8Mang'oda Matakatifu gavoora,
“Yili nilio ligina liu kwikigitariza avandu,
ulwanda ululivalomba vagwi.”
Vikigitara kigira sivasuuvira mu likuva yivwo vwali uvulariri vwa Nyasaye kuvo.
9Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia. 10Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.
Avatugwa va Nyasaye
11Avalina vange avayaanze, ng'oonya munyi kuli avageni kandi avamenya mu kivala yiki, mwiyahuli ku likayirwa liu muviri, ilihing'anaa nu mwoyo vuli Iwosi. 12Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.
Liegehiza ku avamihi
13Mwegehizi ku malago goosi ga avandu kigira Mwamihi. Mwegehizi kali ku yavo avamiiha mu kivala. 14Mwegehizi kandi ku vamiihi avatovolwa nu Mwami kuhaana amageri ku yavo avakolaa uvudamanu, kandi mwizominye yavo avakolaa uvulahi. 15Uvulariri vwa Nyasaye voveeye ku likora vulahi muduuki kukiring'anyia limoloma lia vandu avasiru. 16Mumenye kuli avandu vaveeye avavoholore navuzwa muvuli kutumikira ovovoholore vwinyu kuvisa vudamanu. Navuzwa mumenye kuli avatugwa va Nyasaye. 17Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.
Vusaliri vwa Kristo
18Munyi vatumikiri mwegehiziri avanene vinyu, nu luyali Iwosi, sigaveeye ku avalahi venyine mba, navuzwa kandi ku avalulu. 19Nyasaye alamugasiza kigira yaga niiva mulikuzira ku vusaliri vutaveeye vwu vulungi kigira mioyo jaavo jiveeye ku vulaliri vwa Nyasaye. 20Mulava ni lizominywa ki niiva mulikuzira ilikuywa lidukanaa munyore kigira likora vudamanu? Navuzwa niiva mulikuzira mu vusaliri, kali nimumalikokola vulungi, Nyasaye alamugasiza. 21Nyasaye yamulanga kigira Kristo yasaalira kigira munyi, naamulekera chokohenzera kunangwa muduuki kolonda zinduvatiru zizie. 22Siyakola uvwoni, kandi siyanyooleka nu vugadi kutura mu munwa gwigwe mba. 23Lwa vamunyega, siyavanyega mba; ing'inga ya yaasalirizwa, siyavatiihiza mba, navuzwa yavika lisuuvira lilie ku Nyasaye, oveeye mukalagi wu vulungi. 24Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa. 25Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.
Avakali na vasaza
©Bible Society of Kenya, 2019