Zefania 3
3
1O bayaye ku lidala li veye kuli ukali webaala nokwononnywa lidala lya dambidza 2Si ya hulira mwoyo yigu; si ya bugirira kwegidzwa; si ya suuvira ku Yahova; si yisunda himbi ku Nyasaye wewe. 3Avanene veve hagati hehe va veye ving'ang'a vi fwumanga; avakalagi veve va veye visalong'ongo vyamgo lova; si va lekanga ki tigala kuduka mugamba kali kilala mba. 4Avaprofeti veve va veye avavutswa, na va tumekira ubugadi; avasalisi veve vononnya hatakatifu, va koleye lilaga kirage. 5Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba. 6Ntwulidzi tsihiri; tsimpinga tsyavo tsinene tsi lekeywi hatswa; nkoli amahasi gavo kuva hatswa, si ha veye na u vita ku kali mulala; madala gavo ga dividzeywi, si ha veye nomundu kali mulala, si ha veye nowokumenya mu kali mulala. 7Nda vola, Ligali u ntie; u bugirire kuhebwa mageli; kuduka ubumenyo bwibwe bu la vula kutwu lidzwa, kuli gosi aga nda laga ku makuva gege; navutswa va vuka mabwebwe ni vononnya likola lyavo lyosi.
8Kunangwa mu lindirire inze, Yahova a vola, kuduka ku lidiku lya ndivukira lihima; kigira ndi saaviyi kuvungidza halala avetsihiri, nduke kuvugannya halala ubwami, ntsuke ubutima bwange kuvo, kali ubutima bwange ubululu bwosi; kigira lirova lyosi li la sambwa nomuliru gwelikendeka lyange.
9Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala. 10Kutwula ku vivala vyehale kuvita migera gya Ethiopia, avasaali vange, mukana wa vasalannywa vange, va la leta kihaanwa kyange. 11Ku lidiku yilyo si u la va isoni mba kigira likola lilye lyosi, vya u nkoleye mu mahyolo; kigira inyinga yeyo nda twulidza hagati hoho avandu vovo aveyidzominyanga nokukola luyai, na ive si u legingira kandi mu kigulu kitakatifu kyange. 12Navutswa nda leka hagati hoho avadambidzwa navadaka, na va la suuvira lieta lya Yahova. 13Avatigala va Israeli si va la kola ubudamano mba kinga kuvola ububehi; kinga lulimi lu volanga ububehi si lu la loleka mminwa gyavo mba; kigira va la lia nokugona, na si a la va ho u nyala kuvatihidza. 14Wimbe, O mukana wa Zioni; kupa lwanga, O Israeli; u yanze nokusangala nomwoyo gwosi, mukana wa Yerusalemi. 15Yahova u mali kutwulidza likalagirwa lilyo, musigu wowo u tebeywi kyova: Mwami wa Israeli, uyu Yahova, a veye hagati hoho; si u la tia ubudamano kandi mba. 16Mu lidiku yilyo Yerusalemi li la volerwa, U ta tia mba; O Zioni makono gogo ga ta dendeya mba. 17Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba. 18Nda vungidza yavo ava verereranga livugana litakatifu, ava li avovo; avomusigo gwavo gwa li lilegwa. 19Henza, inyinga yeyo nda kola inkuva ku vosi avadambidzanga ive; na nda honnya uyu u segeranga, na ava kungwa nda va vungidza; nda va kola kuva lidzominywa, nelieta avetsisoni tsyavo tsya li mu lirova lyosi. 20Inyinga yeyo nda leta mwinye ku mwingeridza, inyinga yeyo nda mu vungidza halala; kigira nda mu kolera lieta nelidzominywa mu avandu vetsihiri tsyosi tsyomu lirova, lwa ngalukidza lyadikidzwa lyenyu imbiri wetsimoni tsyenyu, Yahova a vola.
Currently Selected:
Zefania 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
