Varumi 9
9
1Mbola ageligali mu Kristo, si mbehanga mba, mwoyo gwange gu ndolekidza mu Roho Mutakatifu, 2mbeye neliverera linene nobusaliri obu ta hera mu mwoyo gwange 3Kigira nyala kuyanza inze mwene mbe wa laamwa kutwulidzwa ku Kristo kigira avamwavo vange, avika ku lugano lwomubiri; 4ava veye Israeli, likolwaavana ni lyavo, nobukumi, namalago, kandi lihaanwa lyelilaga, nelitumekira Nyasaye, neli suuviridzwa, vi veye vyavo: 5na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini. 6Navutswa si ga li kuli likuva lya Nyasaye lya diva. Kigira vosi avi vula ku Israeli si va li Avaisraeli vosi 7kandi si va li vosi avana kigira va veye kisukululwi kya Abrahamu: navutswa, Mu Isaka ki la langwa kisukululwi kikyo. 8Si va li avana vomubiri ava veye avana va Nyasaye; navutswa avana velisuuviridzwa yava va volangwa va veye visukululwi. 9Kigira likuva yili ni likuva lyelisuuviridzwa, Kuli inyinga yiyi ndadza, na Sara a la nyola mwana mwikula. 10Kandi si ga li yaga geng'ine, navutswa Rebeka lwa ya mala kuvereka inda yomulala, naye ni Isaka guga wetu 11kigira avana lwa va li ni va kikiri kwivulwa, kandi inyinga va kikiri kukola kindu kilahi kinga kidamano, ubulaliri bwa Nyasaye mu litovola bu duke kusingira, si bwa li bwemiyinzi, navutswa bwa uyu u langa, 12uyu Rebeka ya volerwa Uyu munene a la tumekira mke. 13Kuli ga ng'odwa, Nda yanza Yakobo, navutswa Esau nda mbihirirwa.
14Kunangwa ku vola ki? Ha veye nobukyamu ku Nyasaye? Ga ta va ndiyo. 15Kigira ya volera Musa, Nda vererera uyu wa nda vererera, kandi nda kolera uyu tsimbabasi wa nda kolera tsimbabasi. 16Kunangwa si ga li ga uyu wenya, kinga ga uyu u nyagula, navutswa aga Nyasaye u vererera. 17Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi. 18Kunangwa a vererera uyu wa a yanza, kandi wa a yanza a mu dinyiridza.
19Kunangwa u la nteva, Ga li ndi mwene na a lola ubwoni bu veye kuvo? Kigira ibwaha a nyala kusula ubulaliri bwibwe? 20Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi? 21Naho mulongi si a li netsingulu ku lidohi, ku lihumbi lilala a longe kidonye kilala ki ve kiju kyelidzominywa, nekidonye ki ndi ki ve kiju ki ta li nelidzominywa? 22Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye: 23kandi a duke kumannya ubutugi bwetsimbabasi tsitsye ku viju vyetsimbabasi, vya ya tanga kulomba kuduka mu bukumi, 24ga veye ku kwinye ava ya langa, si va li ava twula mu Vayuda ve ng'ine, navutswa ava twula mu Tsihiri tsindi? 25Kandi kuli a vola mu kitabu kya Hosea,
Nda langa yava avandu vange ava vula kuva avandu vange;
Kandi u vula kulangwa muyanze, nda mu langa muyanze.
26Kandi ga la va, ha va volerwa, Si mu veye avandu vange Va la langirwa ho avana avikula va Nyasaye welivamwoyo.
27Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa: 28kigira Mwami a la kola makuva gege ku lirova, a li malilidza nokugakalaga. 29Kandi kuli Isaya ya tanga kuvola,
Umwami wa Mahe a vula kukulekera kisukululwi,
Nkano kwa ka va kuli Sodoma, kandi nkano kwa ka fwana nnywa na Gomora.
30Kunangwa ku vola ndi? Avandu ve Tsihiri ava ta londa ubulungi, va duka ku bulungi, yibu nobulungi bwelisuuvira; 31navutswa Avaisraeli lwa va londa lilaga lyobulungi si va duka ku lilaga zana. 32Kigira ki? Kigira si va gi londa nelisuuvira, navutswa kuli va londa nelikola. Vikigitala ku ligina lyokwikigitalidza; 33kuli wa ga ng'odwa,
Henza, mbika ku Zioni iigina lyokwikigitalidza, nolwanda lwokuvihiriridza:
Noyu u mu suuvira si a li va soni.
Currently Selected:
Varumi 9: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Varumi 9
9
1Mbola ageligali mu Kristo, si mbehanga mba, mwoyo gwange gu ndolekidza mu Roho Mutakatifu, 2mbeye neliverera linene nobusaliri obu ta hera mu mwoyo gwange 3Kigira nyala kuyanza inze mwene mbe wa laamwa kutwulidzwa ku Kristo kigira avamwavo vange, avika ku lugano lwomubiri; 4ava veye Israeli, likolwaavana ni lyavo, nobukumi, namalago, kandi lihaanwa lyelilaga, nelitumekira Nyasaye, neli suuviridzwa, vi veye vyavo: 5na vaguga va veye vavo, avn Kristo ya twula kuvo ku lugano lwomubiri, u veye igulu ku vyosi, Nyasaye u veye nobugasu mihiga nemihiga. Amini. 6Navutswa si ga li kuli likuva lya Nyasaye lya diva. Kigira vosi avi vula ku Israeli si va li Avaisraeli vosi 7kandi si va li vosi avana kigira va veye kisukululwi kya Abrahamu: navutswa, Mu Isaka ki la langwa kisukululwi kikyo. 8Si va li avana vomubiri ava veye avana va Nyasaye; navutswa avana velisuuviridzwa yava va volangwa va veye visukululwi. 9Kigira likuva yili ni likuva lyelisuuviridzwa, Kuli inyinga yiyi ndadza, na Sara a la nyola mwana mwikula. 10Kandi si ga li yaga geng'ine, navutswa Rebeka lwa ya mala kuvereka inda yomulala, naye ni Isaka guga wetu 11kigira avana lwa va li ni va kikiri kwivulwa, kandi inyinga va kikiri kukola kindu kilahi kinga kidamano, ubulaliri bwa Nyasaye mu litovola bu duke kusingira, si bwa li bwemiyinzi, navutswa bwa uyu u langa, 12uyu Rebeka ya volerwa Uyu munene a la tumekira mke. 13Kuli ga ng'odwa, Nda yanza Yakobo, navutswa Esau nda mbihirirwa.
14Kunangwa ku vola ki? Ha veye nobukyamu ku Nyasaye? Ga ta va ndiyo. 15Kigira ya volera Musa, Nda vererera uyu wa nda vererera, kandi nda kolera uyu tsimbabasi wa nda kolera tsimbabasi. 16Kunangwa si ga li ga uyu wenya, kinga ga uyu u nyagula, navutswa aga Nyasaye u vererera. 17Kigira ma ng'oda ga volera Farao, Nda vika ive kigira ubulaliri yibu, nduke kuku lang'aminyira tsingulu tsyange, kandi lieta lyange li duke kulandidzwa mu lirova lyosi. 18Kunangwa a vererera uyu wa a yanza, kandi wa a yanza a mu dinyiridza.
19Kunangwa u la nteva, Ga li ndi mwene na a lola ubwoni bu veye kuvo? Kigira ibwaha a nyala kusula ubulaliri bwibwe? 20Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi? 21Naho mulongi si a li netsingulu ku lidohi, ku lihumbi lilala a longe kidonye kilala ki ve kiju kyelidzominywa, nekidonye ki ndi ki ve kiju ki ta li nelidzominywa? 22Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye: 23kandi a duke kumannya ubutugi bwetsimbabasi tsitsye ku viju vyetsimbabasi, vya ya tanga kulomba kuduka mu bukumi, 24ga veye ku kwinye ava ya langa, si va li ava twula mu Vayuda ve ng'ine, navutswa ava twula mu Tsihiri tsindi? 25Kandi kuli a vola mu kitabu kya Hosea,
Nda langa yava avandu vange ava vula kuva avandu vange;
Kandi u vula kulangwa muyanze, nda mu langa muyanze.
26Kandi ga la va, ha va volerwa, Si mu veye avandu vange Va la langirwa ho avana avikula va Nyasaye welivamwoyo.
27Kandi Isaya a kupa lwanga ku Vaisraeli ndi, Hesabu ya vana va Israeli ni i va ni i veye kuli muyeke gwomu inyanza, li veye litigala lyavo li li honnywa: 28kigira Mwami a la kola makuva gege ku lirova, a li malilidza nokugakalaga. 29Kandi kuli Isaya ya tanga kuvola,
Umwami wa Mahe a vula kukulekera kisukululwi,
Nkano kwa ka va kuli Sodoma, kandi nkano kwa ka fwana nnywa na Gomora.
30Kunangwa ku vola ndi? Avandu ve Tsihiri ava ta londa ubulungi, va duka ku bulungi, yibu nobulungi bwelisuuvira; 31navutswa Avaisraeli lwa va londa lilaga lyobulungi si va duka ku lilaga zana. 32Kigira ki? Kigira si va gi londa nelisuuvira, navutswa kuli va londa nelikola. Vikigitala ku ligina lyokwikigitalidza; 33kuli wa ga ng'odwa,
Henza, mbika ku Zioni iigina lyokwikigitalidza, nolwanda lwokuvihiriridza:
Noyu u mu suuvira si a li va soni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967