Varumi 8
8
1Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho. 2Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza. 3Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri: 4ubulungi bwelilaga bu dukidzwe mu kwinye ava ta genda kuli miima gyomubiri, navutswa kuli miima gya Roho. 5Kigira yava ava londa miima gyomubiri va ganagana vindu vyomubiri, navutswa yava ava londa miima gya Roho va ganagana vindu vya Roho. 6Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe. 7Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza: 8kandi yava ava veye mu mubiri si va nyala kuyanzidza Nyasaye. 9Navutswa mwinye si mu veye mu mubiri, navutswa mu Roho, Roho wa Nyasaye na a va na a menya mu mwinye. Navutswa ku vosi u ta veye na Roho wa Kristo si a li wewe mba. 10Kandi Kristo na a va na a veye mu mwinye, mubiri gu kudzi kigira ubwoni; navutswa roho gu veye mwoyo kigira bulungi. 11Navutswa Roho wa uyu wa simugukidza Yesu kutwula mu vakudzu na a va na a menya mu mwinye, uyu wa simugukidza Kristo Yesu kutwula mu vakudzu, kandi a la simugukidza imibiri gyenyu gyeli kudza klgira Roho wewe u menya mu mwinye.
12Kunangwa kigira yaga, ava mitu, ku veye neligovi navutswa si li veye lyomubiri kumenya mu liva lyomubiri: 13kigira ni mu va ni mu menya mu liva lyomubiri, mu la kudza; navutswa ku Roho ni mwiita likola lyomubiri, mu la va mwoyo. 14Kigira ku vosi ava Roho wa Nyasaye yimirira, yava nivo avana va Nyasaye. 15Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada. 16Roho mwene a lolekidza halala na roho gyetu ku veye avana va Nyasaye: 17ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.
18Kigira mbola ubusaliri bwenyinga ya kalunu yiyi si bu duka kuleng'anywa nobukumi bu li lang'aminywa ku kwinye. 19Kigira lihenzerera lyevilombe li linda lila ng'aminywa lya avana va Nyasaye. 20Kigira vilombe vya vikwa vyavutswa, si vya twula ku lyenya lyavyo, navutswa ni kigira uyu wa vi vika ndiyo mu lisuuviridzwa; 21kigira vilombe vyene vi la kolwa viboholole kutwula mu butugwa bwobwoneku, vi duke mu libohololwa lyobukumi bwa avana va Nyasaye. 22Kigira ku manya vilombe vyosi vi kenyanga nokulola busaliri kuduka kali kalunu. 23Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu. 24Kigira kwa honnywa mu lisuuviridzwa: navutswa lisuuviridzwa li lolangwa si li veye lisuuviridzwa mba: kigira ibwaha u henzerera kya u mali kulola? 25Navutswa ni ku henzerera kya ku ta lolanga, ku ki lindirira nobwikudziri.
26Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa. 27Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye. 28Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe. 29Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi. 30Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi. 31Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu? 32Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye? 33Ibwaha a la yala avatovole va Nyasaye? Ni Nyasaye u mali kuvaha ubulungi; 34uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga. 35Ibwaha a la kwavukanya ku nobuyanzi bwa Kristo? Kivi, naho ubusaliri, naho lidambidzwa, naho inzala, naho chahonyo, naho ubuhimwa, naho kivavi? 36Kuli ga ng'odwa
Kwiitangwa mbasu pei kigira ive;
Ku volangwa ku veye magondi gokwiitwa.
37Navutswa ku vindu yivi vyosi ku kira kuva avaguuti, kigira uyu wa ku yanza. 38Kigira mmanya ligali likudza, kinga livamwoyo, kinga tsingelosi, kinga ubunene, kinga vindu vya kalunu, kinga vindu vidzanga, kinga tsingulu, 39kinga kitambi, kinga kya yavira hasi, kinga kilombe kindi ku vyosi, si vi nyala kukwavukannya ku buyanzi bwa Nyasaye bu veye mu Kristo Yesu Mwami wetu.
Currently Selected:
Varumi 8: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Varumi 8
8
1Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho. 2Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza. 3Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri: 4ubulungi bwelilaga bu dukidzwe mu kwinye ava ta genda kuli miima gyomubiri, navutswa kuli miima gya Roho. 5Kigira yava ava londa miima gyomubiri va ganagana vindu vyomubiri, navutswa yava ava londa miima gya Roho va ganagana vindu vya Roho. 6Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe. 7Kigira liganagana lyomubiri li veye ubusigu ku Nyasaye; kigira si lyegehidzira lilaga lya Nyasaye, kandi si li nyala kue blehidza: 8kandi yava ava veye mu mubiri si va nyala kuyanzidza Nyasaye. 9Navutswa mwinye si mu veye mu mubiri, navutswa mu Roho, Roho wa Nyasaye na a va na a menya mu mwinye. Navutswa ku vosi u ta veye na Roho wa Kristo si a li wewe mba. 10Kandi Kristo na a va na a veye mu mwinye, mubiri gu kudzi kigira ubwoni; navutswa roho gu veye mwoyo kigira bulungi. 11Navutswa Roho wa uyu wa simugukidza Yesu kutwula mu vakudzu na a va na a menya mu mwinye, uyu wa simugukidza Kristo Yesu kutwula mu vakudzu, kandi a la simugukidza imibiri gyenyu gyeli kudza klgira Roho wewe u menya mu mwinye.
12Kunangwa kigira yaga, ava mitu, ku veye neligovi navutswa si li veye lyomubiri kumenya mu liva lyomubiri: 13kigira ni mu va ni mu menya mu liva lyomubiri, mu la kudza; navutswa ku Roho ni mwiita likola lyomubiri, mu la va mwoyo. 14Kigira ku vosi ava Roho wa Nyasaye yimirira, yava nivo avana va Nyasaye. 15Kigira si mwa vugula roho gwobutugwa gu duke kandi mu butii; navutswa mwa vugula roho gwelibugirirwa kuva avana va Nyasaye. Ku yigu, gwa kwanirira ku, Abba, Dada. 16Roho mwene a lolekidza halala na roho gyetu ku veye avana va Nyasaye: 17ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.
18Kigira mbola ubusaliri bwenyinga ya kalunu yiyi si bu duka kuleng'anywa nobukumi bu li lang'aminywa ku kwinye. 19Kigira lihenzerera lyevilombe li linda lila ng'aminywa lya avana va Nyasaye. 20Kigira vilombe vya vikwa vyavutswa, si vya twula ku lyenya lyavyo, navutswa ni kigira uyu wa vi vika ndiyo mu lisuuviridzwa; 21kigira vilombe vyene vi la kolwa viboholole kutwula mu butugwa bwobwoneku, vi duke mu libohololwa lyobukumi bwa avana va Nyasaye. 22Kigira ku manya vilombe vyosi vi kenyanga nokulola busaliri kuduka kali kalunu. 23Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu. 24Kigira kwa honnywa mu lisuuviridzwa: navutswa lisuuviridzwa li lolangwa si li veye lisuuviridzwa mba: kigira ibwaha u henzerera kya u mali kulola? 25Navutswa ni ku henzerera kya ku ta lolanga, ku ki lindirira nobwikudziri.
26Kandi ndiyo Roho a ku konyanga ku budedekere bwetu: kigira si ku manya kusaala kuli ga ku dukira; navutswa uyu Roho mwene a ku saalira nelikenya li ta nyalika kukenywa. 27Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye. 28Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe. 29Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi. 30Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi. 31Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu? 32Uyu wa vula ku vererera Mwana wewe weligali, navutswa ya mu haana kigira kwinye kwosi a la vula ndi kukuha vindu vyosi halala naye? 33Ibwaha a la yala avatovole va Nyasaye? Ni Nyasaye u mali kuvaha ubulungi; 34uyu ni bwaha u kalaga likalaga lyobwoni? Ni Kristo Yesu wa kudza, yee ligali, uyu wa simugukidzwa kutwula mu vakudzu, u veye ha mukono mulungi gwa Nyasaye, kandi niye u ku saaliranga. 35Ibwaha a la kwavukanya ku nobuyanzi bwa Kristo? Kivi, naho ubusaliri, naho lidambidzwa, naho inzala, naho chahonyo, naho ubuhimwa, naho kivavi? 36Kuli ga ng'odwa
Kwiitangwa mbasu pei kigira ive;
Ku volangwa ku veye magondi gokwiitwa.
37Navutswa ku vindu yivi vyosi ku kira kuva avaguuti, kigira uyu wa ku yanza. 38Kigira mmanya ligali likudza, kinga livamwoyo, kinga tsingelosi, kinga ubunene, kinga vindu vya kalunu, kinga vindu vidzanga, kinga tsingulu, 39kinga kitambi, kinga kya yavira hasi, kinga kilombe kindi ku vyosi, si vi nyala kukwavukannya ku buyanzi bwa Nyasaye bu veye mu Kristo Yesu Mwami wetu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967