Varumi 4
4
1Kunangwa ku la vola Abrahamu guga wetu, ya nyola ki ku luvega lyomubiri? 2Kigira Abrahamu na a va ni ya hebwa bulungi kigira miyinzi, a veye nagokwiidzominya; navutswa si ga veye imbiri wa Nyasaye. 3Kigira Mang'oda ga vola ki? Abrahamu ya suuvira Nyasaye, kandi lisuuvira lilye lya volwa kuye li veye bulungi. 4Navutswa ku uyu u yinziranga, madanyi gege si ga volwa ga veye getsimbabasi, navutswa ga veye kuli ligovi. 5Navutswa uyu u ta yinzira, navutswa a suuviranga ku uyu u hedzanga avekirage ubulungi, lisuuvira lilye li validzwa li yeye buhlngi. 6Kuli Daudi a vola ubugasu bu veye ku mundu uyu wa Nyasaye a vola a veye nobulungi bugira miyinzi,
7Na a vola,
Va veye nobugasu avamahyolo gavo ki sameheywi
Kandi avobwoni bwavo bwa kunikirwa.
8A veye nobugasu mundu uyu wo Mwami a ta validza kuye ubwoni.
9Kunangwa ubugasu yibu bu veye ku yava ava kevwa veng'ine, naho ku yava ava vula kukevwa kandi? Kigira ku vola, Ku Abrahamu, lisuuvira lilye lya validzwa li veye bulungi. 10Lya validzwa ndi? Lwa ya li mukeve, naho lwa ya li ni ya vula kukevwa? Si ga li lwa ya li mukeve navutswa lwa ya li ni ya vula kukevwa. 11Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi. 12Kandi a ta va ise wavakeve ve ng'ine, navutswa wa yava ava genda mu tsinduvatiru tsyelisuuvira yilyo, lya guga wetu Abrahamu lya ya li nalyo na a kikiri kukevwa. 13Kigira lisuuviridza lya Abrahamu ya hebwa nevisukululwi vivye, a la va u nyola miyandu gyelirova, si lya li kigira lilaga, navutswa kigira ubulungi bwelisuuvira. 14Kigira yava avelilaga ni va va ava nyola miyandu lisuuvira lyoneki, kandi lisuuviridza li koleywi lyavutswa: 15kigira lilaga li leta ubutima; navutswa inyinga lilaga li ta li ho, si ha li nelihyola. 16Kigira yaga ubulungi bu twula mu lisuuvira, bu duke kuva kuli tsimbabasi; lisuuviridza li duke kuva netsi ngulu ku visukululwi vyosi; si li veye ku yivi vyelilaga vyeng'ine navutswa ku yivyo kandi vyelisuuvira lya Abrahamu, u veye dada wa kwinye kwosi 17(kuli ga ng'odwa, Mmali kukola ive ise wetsihiri tsinyingi) imbiri wa uyu wa ya suuvira, naye ni Nyasaye, u hedza avakudzu livamwoyo, kandi u talanga vindu vi ta li ho, kuli vi veye ho. 18Wa suuvira lwe lisuuvira li ta li ho, a duke kuva ise wetsihiri tsinyingi, kuli aga volwa, Ni ndiyo visukululwi vivye vi li va. 19Bugira lidedekera mu lisuuvira ya lola mubiri gwigwe kuli gu kudzi (ya li ni yenya kuduka mihiga mia), nobugumba bwenda ya Sara. 20Yee, lwa ya henza lisuuviridza lya Nyasaye, si ya hayahayidza na a vula kusuuvira mba, navutswa ya kira kunyola tsingulu ku lisuuvira ni yidzominya Nyasaye, 21kigira ya mannywa ligali kya Nyasaye a mali kulaga a la nyala kukola. 22Kigira yaga lya validzwa kuye li veye ubulungi. 23Kunangwa si ga ng'odwa kuye yeng'ine, kuli wa ga validzwa kuye; 24navutswa ku kwinye kandi, ava li validzwa ndiyo, ava suuvira ku uyu wa simugukidza Yesu Mwami wetu kutwula mu vakudzu, 25wa haanwa kigira lihyola lyetu, kandi ya simugukidzwa kigira lilungekidzwa lyetu.
Currently Selected:
Varumi 4: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Varumi 4
4
1Kunangwa ku la vola Abrahamu guga wetu, ya nyola ki ku luvega lyomubiri? 2Kigira Abrahamu na a va ni ya hebwa bulungi kigira miyinzi, a veye nagokwiidzominya; navutswa si ga veye imbiri wa Nyasaye. 3Kigira Mang'oda ga vola ki? Abrahamu ya suuvira Nyasaye, kandi lisuuvira lilye lya volwa kuye li veye bulungi. 4Navutswa ku uyu u yinziranga, madanyi gege si ga volwa ga veye getsimbabasi, navutswa ga veye kuli ligovi. 5Navutswa uyu u ta yinzira, navutswa a suuviranga ku uyu u hedzanga avekirage ubulungi, lisuuvira lilye li validzwa li yeye buhlngi. 6Kuli Daudi a vola ubugasu bu veye ku mundu uyu wa Nyasaye a vola a veye nobulungi bugira miyinzi,
7Na a vola,
Va veye nobugasu avamahyolo gavo ki sameheywi
Kandi avobwoni bwavo bwa kunikirwa.
8A veye nobugasu mundu uyu wo Mwami a ta validza kuye ubwoni.
9Kunangwa ubugasu yibu bu veye ku yava ava kevwa veng'ine, naho ku yava ava vula kukevwa kandi? Kigira ku vola, Ku Abrahamu, lisuuvira lilye lya validzwa li veye bulungi. 10Lya validzwa ndi? Lwa ya li mukeve, naho lwa ya li ni ya vula kukevwa? Si ga li lwa ya li mukeve navutswa lwa ya li ni ya vula kukevwa. 11Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi. 12Kandi a ta va ise wavakeve ve ng'ine, navutswa wa yava ava genda mu tsinduvatiru tsyelisuuvira yilyo, lya guga wetu Abrahamu lya ya li nalyo na a kikiri kukevwa. 13Kigira lisuuviridza lya Abrahamu ya hebwa nevisukululwi vivye, a la va u nyola miyandu gyelirova, si lya li kigira lilaga, navutswa kigira ubulungi bwelisuuvira. 14Kigira yava avelilaga ni va va ava nyola miyandu lisuuvira lyoneki, kandi lisuuviridza li koleywi lyavutswa: 15kigira lilaga li leta ubutima; navutswa inyinga lilaga li ta li ho, si ha li nelihyola. 16Kigira yaga ubulungi bu twula mu lisuuvira, bu duke kuva kuli tsimbabasi; lisuuviridza li duke kuva netsi ngulu ku visukululwi vyosi; si li veye ku yivi vyelilaga vyeng'ine navutswa ku yivyo kandi vyelisuuvira lya Abrahamu, u veye dada wa kwinye kwosi 17(kuli ga ng'odwa, Mmali kukola ive ise wetsihiri tsinyingi) imbiri wa uyu wa ya suuvira, naye ni Nyasaye, u hedza avakudzu livamwoyo, kandi u talanga vindu vi ta li ho, kuli vi veye ho. 18Wa suuvira lwe lisuuvira li ta li ho, a duke kuva ise wetsihiri tsinyingi, kuli aga volwa, Ni ndiyo visukululwi vivye vi li va. 19Bugira lidedekera mu lisuuvira ya lola mubiri gwigwe kuli gu kudzi (ya li ni yenya kuduka mihiga mia), nobugumba bwenda ya Sara. 20Yee, lwa ya henza lisuuviridza lya Nyasaye, si ya hayahayidza na a vula kusuuvira mba, navutswa ya kira kunyola tsingulu ku lisuuvira ni yidzominya Nyasaye, 21kigira ya mannywa ligali kya Nyasaye a mali kulaga a la nyala kukola. 22Kigira yaga lya validzwa kuye li veye ubulungi. 23Kunangwa si ga ng'odwa kuye yeng'ine, kuli wa ga validzwa kuye; 24navutswa ku kwinye kandi, ava li validzwa ndiyo, ava suuvira ku uyu wa simugukidza Yesu Mwami wetu kutwula mu vakudzu, 25wa haanwa kigira lihyola lyetu, kandi ya simugukidzwa kigira lilungekidzwa lyetu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967