Varumi 3
3
1Kunangwa Muyuda a vitira ki avandi? Naho likevwa li nyala ki? 2Li konya ligali ku gosi. Lwambiri kigira va hebwa lilinda lyelivola lya Nyasaye. 3Avalala ni va vula kusuuvira, ki la va ki? Iivula ku suuvira lyavo li nyala kwononnya ubusuuvirifu bwa Nyasaye? 4Auwa: leka Nyasaye a ve weligali, navutswa avandu vosi va ve avabehi; kuli ga ng'odwa,
U hebwe ubulungi mu makuva gogo,
Kandi u guute lwa u li duka mu likalaga.
5Navutswa kirage kyetu ni ki nyolira ubulungi bwa Nyasaye, lidzominywa, ku vole ndi? Nyasaye a veye nekirage u letanga kivi? (Mbola kuli mundu.) 6Auwa, li gali: kigira ni ga ve ndiyo, Nyasaye a nyala ndi kukalagira lirova? 7Navutswa ageligali ga Nyasaye ni ga kira lidzominywa lilye kigira ububehi bwange, Kigira ki inze nkalagirangwa kuli mwoni? 8Kandi kigira ki ku ta vola (kuli ku huudzirirwa, kandi kuli avandi va kira kuvola kwinye ku vola), Ku kole ubudamano, ubulahi bu duke? Iikalagirwa lyavo kuva voni ni lilungi.
9Kunangwa ikindu ki? Kwinye ku sira avandi? Auwa, ligali: kigira ku tangi kulola Avayuda na Vagreki, va veye vosi mu bwoni; 10kuli ga ng'odwa,
Si ha veye nomulungi, kali mulala;
11Si ha veye nomanyi mba, Si ha veye nowenya Nyasaye;
12Va yeka ha luvega vosi, vosi halala va gwiye ava ta konya kindu
Si ha veye no u kola bulahi, kalimulala:
13Amadundu gavo ga veye kilindwa kyalamu;
Netsinimi tsyavo va tumikiye ubugadi:
Ubusungu bwenzoka bu veye mu minwa gyavo:
14Aveminwa gyavo gyi zuye vikyeno nobululu:
15Tsinduvatiru tsyavo tsi genda bwangu kutahidza masahi
16Ubwoneku nekivi ki veye ku tsinzira tsyavo;
17Si va manya mba inzira yemirembe:
18Si ha veye nokutia Nyasaye imbiri wetsimoni tsyavo.
19Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye: 20kigira imbiri wewe si ha veye nowomubiri u li volwa a veye nobulungi ku miyinzi gyelilaga; kigira limanya lyobwoni lidzira mu lilaga.
21Navutswa kalunu ubulungi bwa Nyasaye bu mali kulang'aminywa bugira lilaga, nabwo bu lolekidzwa nelilaga navaprofeti; 22yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana. 23Kigira vosi va kola ubwoni, va vula kuduka ku ubukumi bwa Nyasaye; 24ni va kolwa ava lungi vutswa netsimbabasi tsitsye kigira buhonnyi obu veye mu Kristo Yesu: 25wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe 26Ku lilolekidza lyobulungi, mbola, inyinga ya kalunu: mwene a ve mu lungi, kandi a ve muhaani wobulungi ku uyu u veye nelisuuvira ku Yesu. 27Kunangwa liidzominya li veye haliha? Li twulidzeywi. Ku lilaga ki? Lyemiyinzi? Auwa: noku lilaga lyelisuuvira. 28Ku vola mundu a hebangwa ubulungi kigira lisuuvira bugira miyinzi gyelilaga. 29Nyasaye a ve wa Vayuda veng'ine naho? Si a li Nyasaye we Tsihiri kandi? Yee, nowe Tsihiri kandi: 30kunangwa Nyasaye na a va na a ve mulala, kandi a la ha avakevwa ubulungi nelisuuvira, kandi a la ha ava vula kukev va ubulungi kigira lisuuvira.
31Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.
Currently Selected:
Varumi 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Varumi 3
3
1Kunangwa Muyuda a vitira ki avandi? Naho likevwa li nyala ki? 2Li konya ligali ku gosi. Lwambiri kigira va hebwa lilinda lyelivola lya Nyasaye. 3Avalala ni va vula kusuuvira, ki la va ki? Iivula ku suuvira lyavo li nyala kwononnya ubusuuvirifu bwa Nyasaye? 4Auwa: leka Nyasaye a ve weligali, navutswa avandu vosi va ve avabehi; kuli ga ng'odwa,
U hebwe ubulungi mu makuva gogo,
Kandi u guute lwa u li duka mu likalaga.
5Navutswa kirage kyetu ni ki nyolira ubulungi bwa Nyasaye, lidzominywa, ku vole ndi? Nyasaye a veye nekirage u letanga kivi? (Mbola kuli mundu.) 6Auwa, li gali: kigira ni ga ve ndiyo, Nyasaye a nyala ndi kukalagira lirova? 7Navutswa ageligali ga Nyasaye ni ga kira lidzominywa lilye kigira ububehi bwange, Kigira ki inze nkalagirangwa kuli mwoni? 8Kandi kigira ki ku ta vola (kuli ku huudzirirwa, kandi kuli avandi va kira kuvola kwinye ku vola), Ku kole ubudamano, ubulahi bu duke? Iikalagirwa lyavo kuva voni ni lilungi.
9Kunangwa ikindu ki? Kwinye ku sira avandi? Auwa, ligali: kigira ku tangi kulola Avayuda na Vagreki, va veye vosi mu bwoni; 10kuli ga ng'odwa,
Si ha veye nomulungi, kali mulala;
11Si ha veye nomanyi mba, Si ha veye nowenya Nyasaye;
12Va yeka ha luvega vosi, vosi halala va gwiye ava ta konya kindu
Si ha veye no u kola bulahi, kalimulala:
13Amadundu gavo ga veye kilindwa kyalamu;
Netsinimi tsyavo va tumikiye ubugadi:
Ubusungu bwenzoka bu veye mu minwa gyavo:
14Aveminwa gyavo gyi zuye vikyeno nobululu:
15Tsinduvatiru tsyavo tsi genda bwangu kutahidza masahi
16Ubwoneku nekivi ki veye ku tsinzira tsyavo;
17Si va manya mba inzira yemirembe:
18Si ha veye nokutia Nyasaye imbiri wetsimoni tsyavo.
19Kalunu ku manya gosi agelilaga lya vola, lya volera yavo ava veye mu lilaga; minwa gyosi gyi kunikwe, nelirova lyosi li letwe mu likalaga lya Nyasaye: 20kigira imbiri wewe si ha veye nowomubiri u li volwa a veye nobulungi ku miyinzi gyelilaga; kigira limanya lyobwoni lidzira mu lilaga.
21Navutswa kalunu ubulungi bwa Nyasaye bu mali kulang'aminywa bugira lilaga, nabwo bu lolekidzwa nelilaga navaprofeti; 22yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana. 23Kigira vosi va kola ubwoni, va vula kuduka ku ubukumi bwa Nyasaye; 24ni va kolwa ava lungi vutswa netsimbabasi tsitsye kigira buhonnyi obu veye mu Kristo Yesu: 25wa Nyasaye ya lang'a minya a ve kyokwisayasayira, ku lisuuvira mu masahi gege. Kigira yaga Nyasaye a lolekidza ubulung bwibwe ku litwulidza bwoni bwembiri ku mwoyo, mu bwikudziri bwibwe 26Ku lilolekidza lyobulungi, mbola, inyinga ya kalunu: mwene a ve mu lungi, kandi a ve muhaani wobulungi ku uyu u veye nelisuuvira ku Yesu. 27Kunangwa liidzominya li veye haliha? Li twulidzeywi. Ku lilaga ki? Lyemiyinzi? Auwa: noku lilaga lyelisuuvira. 28Ku vola mundu a hebangwa ubulungi kigira lisuuvira bugira miyinzi gyelilaga. 29Nyasaye a ve wa Vayuda veng'ine naho? Si a li Nyasaye we Tsihiri kandi? Yee, nowe Tsihiri kandi: 30kunangwa Nyasaye na a va na a ve mulala, kandi a la ha avakevwa ubulungi nelisuuvira, kandi a la ha ava vula kukev va ubulungi kigira lisuuvira.
31Kunangwa kwononnya lilaga ku lisuuvira yili? Auwa, ga ta va ndiyo, navutswa ku dinyeridza lilaga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967