Varumi 2
2
1Kigira yaga, ive mundu, ku vosi u kalaganga, si u veye nekyokutivula: kigira mu yaga aga u kalagira wundi wekalagiranga mwene; kigira ive u kalaganga, u londanga vindu zana. 2Kwinye ku manya ligali likalaga lya Nyasaye li veye mu ageligali ku vosi ava londanga vindu yivi. 3Kandi ive mundu, u ganagana ndi, u kalagira yavo ava londa vindu yivi na ive mwene u londa vya zana, u la hona mu likalaga lya Nyasaye? 4Naho u leganga ubutugi bwobugasu bwibwe nobwikudzihidzi bwibwe nobwikudziri bwibwe, si u manya ubulahi bwa Nyasaye bu ku letera lyeganira? 5Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye. 6Kigira a li ha avandu vosi kuli miyinzi gyavo: 7yavo avikudziranga mu miyinzi milahi venya ubukumi, nelidzominywa, nevya vula ubwoneku, va la hebwa livamwoyo lyemihiga nemihiga: 8navutswa yavo avetsimbemba, ava ta hulira ageligali, navutswa va hulira aga ta li malungi, ubutima nobudunyi bu la va gwira, 9kivi nobusaliri ku vandu vosi ava kolanga ubudamano, kutanga ku Vayuda, kandi ku Vagreki; 10navutswa ubukumi nelidzominywa nemirembe ku vosi ava kolanga bulahi, kutanga ku Vayuda, kandi ku Vagreki: 11kigira Nyasaye si ya suvidza avandu. 12Kigira vosi ku yavo va hyola bugira lilaga va la diva bugira lilaga: na vosi ku yavo va hyola mu lilaga va la kalagirwa nelilaga: 13kigira si va li ava huliranga lilaga ava veye nobulungi imbiri wa Nyasaye, navutswa yavo ava kolanga lilaga nivo ava li volwa va veye nobulungi; 14(kigira Tsihiri tsi ta li nelilaga lwa va kola avene vindu vyomu lilaga, yavo ava ta li nelilaga va mali kuva nelilaga avene. 15Ku makuva yaga va vuulanga miyinzi gyelilaga lya ng'odwa mu myoyo gyavo, netsiganagani tsyavo luganolugano tsi va kalagira kinga tsi ra vera): 16ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.
17Navutswa, ive nu u langwa lieta lyo Muyuda, nokuyeka ku lilaga, nokwiidzominya mu Nyasaye, 18nokumanya ubulaliri bwibwe, nokuyanza miima gyi veye milahi, nive u duke kwegidzwa mu lilaga, 19nokumanya ligali ive mwene u veye mwimiriri wavaboku, nobulavu bwa va veye mu kisundi, 20nomugerihidzi wavasiru, nomwegidzi wavana, u veye nelimanya nageligali mu lilaga; 21kunangwa ive wegidzanga wundi, si weyegidza ive mwene? Ive wilwadza, mundu a tiba, ive mwene wibanga? 22Kandi, ive u volanga mundu a ta heya, ive mwene u heyanga? Ive u dunyiranga misambwa, wibanga mu matempeli? 23Kandi ive wiidzominya mu lilaga, wononnyira ubukumi bwa Nyasaye ku lyononnya lilaga? 24Kigira lieta lya Nyasaye li nyegangwa mu Tsihiri kigira mwinye, kuli aga ng'odwa. 25Kigira likevwa li konya ligali, ive nu u londa lilaga: navutswa nu wononnya lilaga likevwa lilyo li gwiye li vula kukevwa. 26Kunangwa uyu u vula kukevwa na a londa miima gyelilaga, livula kukevwa lilye si li la volwa kuva likevwa? 27Kandi livula kukevwa lyene ni li kola lilaga si li la ku kalagira, ive kuva mwoni, ive u veye namang'oda nelikevwa navutswa wo nonya lilaga? 28Kigira uyu si a veye Muyuda u veye Muyuda ku mubiri vutswa; kandi likevwa si li veye yili li veye ku mubiri vutswa: 29navutswa uyu a veye Muyuda u veye Muvuda mugati; nelikevwa ni yili lyomwoyo, mu roho si li veye mu induguta; lidzominywa lilye si li veye lyavandu, navutswa lya Nyasaye.
Currently Selected:
Varumi 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
