Zaburi 97
97
1Yahova yamehanga; lirova li sangale;
Ubunyingi bwevisulu vi yanze.
2Malesi na kisundi vi mu kumbiridza:
Ubulungi na likalaga vi veye muse gwentebe yeye yobwami.
3Muliru gu mwimiriranga,
Na gu sambanga avasigu veve hosi.
4Luheni lwilwe lwa hema mu lirova:
Lirova lya lola ni li degera.
5Vigulu vya saluluka kuli masang'asa imbiri wa Yahova,
Imbiri wa Mwami welirova lyosi.
6Magulu ga landidza ubulungi bwibwe,
Na avetsihiri vosi va loli ubukumi bwibwe.
7Ava tumekira vifwananyi vya vadzwa va lole teisoni
Avegingiranga ku vifwananyi:
Mwinye avanyasaye vosi mu sigamire Uyu.
8Zioni lya hulira ni li sangala,
Na avakana va Yuda va yanza
Kigira likalaga lilyo, O Yahova.
9Kigira ive, O Yahova, u veye igulu ligali kuvita lirova lyosi:
Ive u nenehidzwa igulu ligali wa avanyasaye vosi.
10O mwinye ava yanza Yahova, mu dunyire ubwoni:
A lindanga myoyo gyavatakatifu veve;
A va honnya kutwula mu mukono gwavadamano.
11Ubulavu bu midzirwa avalungi,
Na ubusangali ku yavo ava li nomwoyo mulahi.
12Mu sangale mu Yahova mwinye avalungi;
Na mu santidze lieta lilye litakatifu lyokwidzulitswa.
©Bible Society of Kenya, 1967