Zaburi 83
83
Ulwimbu Zaburi ya Asafu.
1O Nyasaye, u ta kiring'ana:
U ta kunika munwa, kandi u ta sosa, O Nyasaye.
2Kigira, henza, avasigu vovo va kola liyoga;
Na yava ava ku dunyira va gingi mutwe.
3Va kolanga ubugeeri bwobugadi ku avandu vovo,
Nokuvolerana ku avaviswa vovo.
4Va vola, Gendi, ku va kalage, va vule kuva ihiri
Lieta lya Israeli li vule kwidzolitswa mihiga nemihiga.
5Kigira va volerana nomwoyo mulala;
Va kolanga lilagana ku ive:
6Mahema ga Edom na Vaishmaeli
Moabu, na Vahagari;
7Gebali, na Amon, na Amaleki;
Filistia, na avamenyi mu Turo:
8Asuria kandi va hambana navo;
Va konyi avana va Loti. [Selaha
9U va kolere kuli wa kolera Midiani,
Kuli ku Sisera, na kuli ku Jabin ha mugera gwa Kishon;
10Ava diva ha Endoru,
Ava gwa kuli amavululi ku lirova.
11U kole avanene vavo kuva kuli Orebu na Zeebu;
Yee, avanene vavo vosi va ve kuli Zeba na Zalimuna;
12Ava vola, Ku vugule kwinye avene
Ubumenyo bwa Nyasaye.
13O Nyasaye wange, u va kole va ve kuli ulugukyi mu kihudzu dzi
Na kuli mavivi imbiri wembuudza.
14Kuli muliru gu sambanga mulitu
Na kuli ulumemo lwaakidza vigulu,
15U va kunge nekihudzidzi kikyo,
Na u va tihidze nekikugutikikyo.
16Wizulitse mmoni mwavo tsisoni,
Va duke kwenya lieta lilyo, O Yahova.
17Va leganywe na va hende mwoyo mihiga nemihiga;
Yee, va legererwe na va dive;
18Va duke kumanya ive u veye weng'ine, welieta lilyo li veye Yahova,
U Veye Weigulu Ligali ku lirova lyosi.
©Bible Society of Kenya, 1967