Zaburi 76
76
Ku Munene Wetsinyimbu; Ku bukana. Zaburi ya Asafu, Lwimbu.
1Nyasaye a manyekana mu Yuda:
Lieta lilye li veye linene mu Israeli.
2Kandi lihema lilye li veye mu Salemi,
Na ubumenyo bwibwe mu Zioni.
3Ha zana ya vunannya mibano gyobuta;
Kandi ingavo, na kivavi, na ubulwani. [Selaha
4Ive u veye wobukumi na wobu lahi,
Kuvita vigulu vyelilanya.
5Avetsingulu mmwoyo va lanywa,
Va goni tsindolo tsyavo;
Na kali mulala ku avetsingulu si a nyola makono gege.
6Ku ligondoka lilyo, O Nyasaye wa Yakobo
Ligari lyobulwani na iparasi vyombi vi tebwa mu tsindolo tsyelikudza.
7Ive, na ive weng'ine, u veye we] itibwa;
Na ibwaha u nyala kusingira imbiri wowo lwa u vihirirwa?
8Kutwula migulu wa kola likalaga kuhulirwa;
Lirova lya tia, na lya kiring'ana
9Inyinga Nyasaye ya singira mu likalaga
Kuhonnya avahoma vosi avelirova [Selaha
10Ligali ubutima bwavandu bu la kwidzominya:
U la gaya ubutima bwa tigala.
11Mu lagane na Yahova Nyasaye wenyu, na mu tunge:
Vosi ava mu kumbiridza, va lete vihaanwa ku uyu u tibangwa.
12A la kalaga mwoyo gwa ava nene:
A veye mutihidzi ku avami avelirova.
©Bible Society of Kenya, 1967