Zaburi 26
26
Zaburi ya Daudi.
1O Yahova, u nkalagire, kigira ng'endi mu budukiru bwange:
Nsuuviye Yahova bugira lihayahayidza.
2U nzidere, O Yahova, na u ngeridze;
U henzeridze mwoyo gwange na tsiganagani tsyange.
3Kigira tsimbabasi tsitsyo tsi veye imbiri wetsimoni tsyange;
Na ng'endi mu ageligali gogo.
4Si nzikaye halala na avandu avobubehi;
Kandi si nda hambana navavisanga amakuva mba.
5Ndunyiranga livugana lyavakola ubudamano,
Na si ndikala na avobwoni.
6Ndisaava makono gange mu liva bugira kindu ku inze:
Na ndiyo nda vodonkana ubwali bubwo, O Yahova;
7Nzilwadze nomwoyo gwelisantidza,
Nandidze miyinzi gyigyo gyosi gyobugenyi.
8O Yahova, nyanzanga limenya lyenyumba yoyo,
Na hango hobukumi bubwo bu menyanga.
9U ta vungidza mwoyo gwange halala na avobwoni,
Kinga livamwoyo lyange halala na avandu va masahi.
10Avobudamano bu veye mu makono gavo,
Na avomukono gwavo mulungi gwizuye vikukula.
11Navutswa inze nda genda mu bulungi bwange:
U ntungire, na u mbere tsimbabasi.
12Kirenge kyange ki singira hobulungi:
Mu mavugano nda gasidza Yahova.
©Bible Society of Kenya, 1967