Zaburi 2
2
1Kigira ki avetsihiri va yoganga,
Na avandu va ganagana makuva ga vutswa?
2Avami velirova va tsuvana avene,
Na avamehi va volerana avene na avene
Kwambakana Yahova, no mbake wewe, va vola
3Kwononnye liboha lyavo Na ku syuve migoye gyavo ihale.
4Uyu wikaye migulu a la seka:
Mwami a la va kolera kihenyahenye.
5Kunangwa a la va volera mu butima bwibwe,
Nokuvakupidza kivi mu livihirirwa lilye:
6Navutswa mbiki mwami wange ku Zioni
Kigulu kyange kitakatifu.
7Nda singeridza likuva: Yahova ya mbolera,
Ive u veye mwana wange; Lero inze nkwivuye.
8U nteve, na nda ku ha tsihiri tsi ve miyandu gyigyo, Na vyekiheri kyelirova kuva vivyo.
9U la va shonolannya nempimbo yekivya;
U la vononnya kuli isiongo yomulongi.
10Kunangwa, O avami mu ve nobugeeri:
Mu vugule limanya, mwinye avakalagi velirova.
11Mu tumekire Yahova nobutii
Mu sangale nelidegera.
12Mu buse mwana, gase a la va nobutima, na mwinye mu divira ku inzira,
Kigira ubutima bwibwe bu laaka bwangu.
Va veye nobugasu vosi ava suuvira kuye.
©Bible Society of Kenya, 1967