Zaburi 149
149
1Mwidzominye Yahova.
Mwimbire Yahova ulwimbu luhya,
Kandi lidzominywa lilye mu livugana lyavatakatifu.
2Israeli va sangale mu uyu wa va lomba:
Avana va Zioni va kupe isango mu Mwami wavo.
3Vidzominye lieta lilye mu bukino:
Va mwimbire lidzominya na inangoli no ubukana.
4Kigira Yahova yeyanzidza mu avandu veve:
Naye a la siaha avahokya nobu honnyi.
5Avatakatifu vidzominyire mu ubukumi:
Vimbe tsyokusangala ku vitali vvavo.
6Agokwidzominya ligali Nyasaye ga ve mu minwa gyavo,
Na kivavi kyetsimbega tsyombi mu mukono gwavo
7Kyokuvanza kisalya ku avetsihiri,
Nokuha avandu amageli
8Kuboha avami vavo neminyororo,
Na avanene vavo neminyororogyekivya;
9Kukola kuvo likalaga lya ng'odwa:
Ubukumi yibu bu veye bwavatakatifu veve vosi.
Mwidzominye Yahova.
©Bible Society of Kenya, 1967