Livalidza 33
33
1Yitsi ni tsing'endo tsya avana va Israeli, tsyelitwula lyavo mu kivala kya Egepeti, kuli amahe gavo mu mukono gwa Musa na Haruni. 2Na Musa ya ng'oda litwula lyavo ulugendo nolugendo, kuli lilaga lya Yahova: na yitsi tsi veye tsing'endo tsyavo kuli litwula lyavo. 3Na va samula kutwula ha Ramesese ku mweli gwokutanga, ku lidiku lyelikumi na gatano lyomweli gwokutanga; ku mugamba inyima welipasaka, avana va Israeli va twula nomukono gwetsingulu, imbiri wa Avaegepeti vosi 4lwa Avaegepeti va li ni va tedzanga ava tanga kwivulwa vavo vosi, ava Yahova yiita muvo: kandi Yahova ya kola likalaga ku vanyasaye vavo.
5Avana va Israeli va samula kutwula Ramesese, na va sosa ha Sukothu. 6Na va samula kutwula Sukothu, ni va sosa ha Etham, naho ha veye ku kiheri kyekyangalangwi 7Na va samula kutwula Etham ni virana Imduka Pi-hahirothu, li veve imbiri wa Baal-zefon: ni va sosa imbiri wa; Migidoli. 8Navasamula kutwula imbiri wa Hahirothu, ni va vita hagati henvanza, ni vingira mu kyangalangwi: na va tsia madiku gavaka mu kyangalangwi kya Etham, ni va sosa ha Mara. 9Na va samula kutwula Mara, ni va duka ha Elim: na Elim ha li ho visenukiru likumi na viviri, na misala gya makindu makumi gatano na gaviri; navo va sosa ho. 10Na va samula kutwula Elim, ni va sosa himbi na Inyanza Inzakanyu. 11Na va samula kutwula Inyanza Inzakanyu ni va sosa mu kyangalangwi kya Sini. 12Na va samula kutwula kyangalangwi kya Sini, ni va sosa ha Dofika. 13Na va samula kutwula Dofika, ni va sosa ha Alushu. 14Na va samula kutwula Alushu, ni va sosa ha Refidim, ha amadzi ga ta li aga avandu va nwa. 15Na va samula kutwula Refidim, ni va sosa mu kyangaiangwi kya Sinai. 16Na va samula kutwula mu kyangalangwi kva Sinai, ni va sosa ha Kibirothuhatava. 17Na va samula kutwula Kibirothu-hatava, ni va sosa ha Hazerothu. 18Na va samula kutwula Hazerothu, ni va sosa ha Rithima. 19Na va samula kutwula Rithima, ni va sosa ha Rimon-perezi. 20Na va samula kutwula Rimon-perezi, ni va sosa ha Libina. 21Na va samula kutwula Libina, ni va sosa ha Rissa. 22Na va samula kutwula Rissa, ni va sosa ha Kehelatha. 23Na va samula kutwula Kehelatha, ni va sosa mu kigulu kya Sheferu. 24Na va samula kutwula mu kigulu kya Sheferu, ni va sosa ha Harada. 25Na va samula kutwula Harada, ni va sosa ha Makelothu. 26Na va samula kutwula Makelothu, ni va sosa ha Tahathu. 27Na va samula kutwula Tahathu, ni va sosa ha Tera. 28Na va samula kutwula Tera, ni va sosa ha Mithika. 29Na va samula kutwula Mithika, ni va sosa ha Hashmona. 30Na va samula kutwula Hashmona, ni va sosa ha Moserothu. 31Na va samula kutwula Moserothu ni va sosa ha Bene-jaakan. 32Na va samula kutwula Bene-jaakan, ni va sosa ha Hori-hagidigadi. 33Na va samula kutwula Horihagidigadi, ni va sosa ha Jotibatha. 34Na va samula kutwula Jotibatha, ni va sosa ha Abirona. 35Na va samula kutwula Abirona, ni va sosa ha Ezion-geberi. 36Na va samula kutwula Eziongeberi, ni va sosa mu kyangalangwi kya Zin (ha veye Kadesh). 37Na va samula kutwula Kadesh, ni va sosa mu kigulu kya Horu, mu lwako lwa kivala kya Edom.
38Na Haruni musalisi yanegira mu kigulu kya Horu, kuli lilaga lya Yahova, na a kudzera yo, ku muhiga gwa makumi gane inyima wa avana va Israeli va twula mu kivala kya Egepeti, ku mweli gwegyitano, mu lidiku lyokutanga mweli. 39Na Haruni ya li wemihiga mia na makumi gaviri na gyivaka lwa ya kudzera mu kigulu kya Horu.
40Na uyu Mukanani mwami wa Aradi, wa li ni ya menya ku luvega lwa kusini mu kivala kya Kanani, ya hulira liidza lya avana va Israeli.
41Na va samula kutwula mu kigulu kya Horu, ni va sosa ha Zalmona. 42Na va samula kutwula Zalmona, ni va sosa ha Punon. 43Na va samula kutwula Punon, ni va sosa ha Obothu. 44Na va samula kutwula Obothu, ni va sosa ha lye-abarim mu lwako lwa Moabu. 45Na va samula kutwula Iyim, ni va sosa ha Dibon-gad. 46Na va samula kutwula Dibon-gad, ni va sosa ha Alimon-diblathaim. 47Na va samula kut vula Alimon-diblathaim, ni va sosa mu vigulu vya Abarim, imbiri wa Nebo. 48Na va samula kutwula mu vigulu vya Abarim, ni va sosa mu kereremu kya Moabu, himbi na mugera gwa Yordani ha Yeriko. 49Navo va sosa himbi Yordani, kutwula Beth-jeshimothu kuduka Abeli-shitim mu kereremu kya Moabu.
50Na Yahova ya volera Musa mu kereremu kya Moabu himbi Yordani ha Yeriko, na a vola, 51U volere avana va Israeli, nokuvavolera, Lwa mwambuka Yordani nokwingira kivala kya Kanani, 52hene yaho mu la kunga avomkivala vosi va twule imbiri wenyu, na mu lononya magina gavo gosi aga vadzwa, nokwononya vifwananyi vyavo vyosi, nokushonolannya hosi hadiguluku havo: 53na mwinye mu la vugula kivala kuva miyandu, nokumenya mu; kigira inze mmali kumuha kivala kuva miyandu gyenyu. 54Na mwinye mu la gavulanya kivala nekura kuli bwiko bwenyu; ku vanyingi mu la ha miyandu minene, noku vageheru u la ha miyandu mikekeke: ku hosi ha ikura i gwira ku mundu, ha zana ha la va ahehe; kuli tsihiri tsya vaguga venyu mu la nyola miyandu. 55Navutswa ni mu vula kukunga avomkivala va twule imbiri wenyu, hene yaho yavo ava mu leka kutigala va la va kuli tsisindani mu tsimoni tsyenyu, na kuli amafwa mu tsimbalu tsyenyu, na va la mu dambidza mu kivala kya mu menya mu. 56Na i la va, kuli nda ganagana kuvakolera, nda mu kolera ndiyo.
©Bible Society of Kenya, 1967