Matayo 5
5
1Lwa ya lola viduma, yanegira mkigulu: lwa ya mala kwikala, avegidzwi veve vadza kuye: 2na a kunula munwa gwigwe na a vegidza, na a vola
3Va veye nobugasu ava li nobudaka mmwoyo: kigira ubwami bwomigulu nu bwavo.
4Va veye nobugasu ava veye neliverera: kigira va la leminnywa mmyoyo.
5Va veye nobugasu ava veye nobuhooma: kigira va la va nemiyandu gyelirova.
6Va veye nobugasu ava veye nenzala nobuluhu bwobulungi: kigira va ligutidzwa.
7Va veye nobugasu ava veye netsimbabasi: kigira va la verwa tsimbabasi.
8Va veye nobugasu ava veye nemyoyo milavu: kigira va la lola Nyasaye.
9Va veye nobugasu avaloombi ve mirembe kigira va la langwa avana va Nyasaye.
10Va veye nobugasu ava kupidzwa kivi kigira ubulungi: kigira ubwami bwomiguiu ni bwavo. 11Mwinye mu veye nobugasu, lwa va li munyega nokumukupidza kivi nokumubehera amakuva madamano gosi kigira inze. 12Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.
13Mwinye mu veye munyu gwelirova: navutswa munyu ni gu zangalala, gu la kolwa ndi kandi munyu? Si gu veye kindu kandi, navutswa gu tebwa kyova nokuduvagwa ne virenge vyavandu. 14Mwinye mu veye ubulavu bwelirova. Lidala li veye mkigulu si li nyala kuviswa mba. 15Kandi avandu si va hambidza itaya va gi kunike mu kihinda, navutswa va gi vika ku meza; ni i mulika ku vosi ava veye munyumba. 16Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.
17Mu ta ganagana ndadza kwononnya malago na vaprofeti: si ndadza kwononnya, navutswa kugadukidza. 18Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi. 19Ku vosi wononnya munwa mulala ku mikekeke yigyi, ni yegidza ndiyo avandu, a la ka langwe mkekeke ligali mbwami bwomigulu: navutswa ku vosi u bugirira nokwegidza, uyu a la ka langwe munene mbwami bwomigulu. 20Kigira mmu volera, bulungi bwenyu ni bu vula kuvita ubulungi bwavang'odi nobwa Vafarisayo, si mu li nyala ligali kwingira mbwami bwomigulu.
21Mwa hulira avandu va kale va volerwa, U tiita mba; kandi ku vosi wiita yenya kukalagirwa: 22navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena. 23Nu u lete kihaanwa kikyo ku bwrali, nu widzulitsa ho amwavo wowo a veye nelikuva ku ive, 24u leke ho kihaanwa kikyo imbiri wobwali, u tange kutsia kuyanzana na mwavo wowo, kunangwa udze u lete kihaanwa kikyo. 25U kole imbu lirani bwangu nomuhangalidzi wowo inyinga u veye halala naye ku inzira; gase a la ku hila ku mkalagi, nomka lagi a la ku vika mmakono gomusikari, na ive u la vikwa munyumba yavaha mbe. 26Ligali nku volera, Si u twula yimo ligali, u luhe u maliridze isenti impereridzi.
27Mwa hulira ga volwa, U ta heya mba: 28navutswa inze mmu volera, ku vosi u henza mkali na a mkayirwa, u mali kuheya naye mmwoyo gwigwe. 29Imoni yoyo yomukono mulungi ni i kwikigitalidza, u gi twulidze, u gi te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutebwa mu gehena. 30Mkono mulungi gugwo ni gu kwikigitalidza, u gu kalage, u gu te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutsia mu gehena. 31Kandi ga volwa, ku vosi u li kunga mkali wewe, a mu he ibaruwa yokumkunga. 32Navutswa mmu volera, ku vosi u kunga mkali wewe kigira bu ta li ubuheyi, a mu kola muheyi; kandi ku vosi u li mkwa wa kungwa a kola ubuheyi.
33Kandi mwa hulira, ga volwa ku va li va kale, U tisuhira ububehi navutswa u la kolera Mwami aga wisuhira: 34navutswa inze mmu volera mu tisuha ligali mba; kali ku ligulu, kigira ni kisako kya Nyasaye; 35kali ku lirova, kigira na ha a vika virenge vivye; kali ku Yerusalemi ki gira ni lidala lyo Mwami munene. 36U tisuha mba mutwi gugwo, kigira si u nyala kukola lisu lilala li ve lilavu kinga li ve limwamu. 37Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.
38Mwa hulira, ga volwa, imoni u vanza imoni, lino u vanza lino: 39navutswa inze mmu volera, Mu ta hangalidzana nomudamano: navu tswa ku vosi u ku duya ku lusaya lwomukono mulungi u mgirunkanyire lundi. 40Mundu ni yenya kutsia kukuyala a hile ijoho yoyo u mleke a hile kandi likoti. 41Ku vosi u ku niga u mhereke imaili indala, u mhereke tsiviri. 42U ku sava, u mu he, kandi wenya klvete u ta mima mba.
43Mwa hulira, ga volwa, U yanze mtende wowo, navutswa musigu wowo u mdunyire: 44navutswa inze mmu volera, Mu yanze avasigu venyu, kandi mu saavire ava mu dambidza, 45mu duke kuva avana va Dada wenyu u veye migulu: kigira a vaalidza liuva lilye ku vadamano navalahi, kandi a kupidza imbula ku valungi nava ta li avalungi. 46Kigira ni mu yanza ava mu yanza, mu la nyola madanyi ki? Kali avasolola ubusutu si va kola ndiyo? 47Kandi ni mu chelidza avamwavo venyu veng'ine, mu sirira ku li ha avandi? Kali Tsihiri si tsi kola ndiyo? 48Mu veye avadukanu kuli Dada wenyu womigulu a veye mudukanu.
Currently Selected:
Matayo 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Matayo 5
5
1Lwa ya lola viduma, yanegira mkigulu: lwa ya mala kwikala, avegidzwi veve vadza kuye: 2na a kunula munwa gwigwe na a vegidza, na a vola
3Va veye nobugasu ava li nobudaka mmwoyo: kigira ubwami bwomigulu nu bwavo.
4Va veye nobugasu ava veye neliverera: kigira va la leminnywa mmyoyo.
5Va veye nobugasu ava veye nobuhooma: kigira va la va nemiyandu gyelirova.
6Va veye nobugasu ava veye nenzala nobuluhu bwobulungi: kigira va ligutidzwa.
7Va veye nobugasu ava veye netsimbabasi: kigira va la verwa tsimbabasi.
8Va veye nobugasu ava veye nemyoyo milavu: kigira va la lola Nyasaye.
9Va veye nobugasu avaloombi ve mirembe kigira va la langwa avana va Nyasaye.
10Va veye nobugasu ava kupidzwa kivi kigira ubulungi: kigira ubwami bwomiguiu ni bwavo. 11Mwinye mu veye nobugasu, lwa va li munyega nokumukupidza kivi nokumubehera amakuva madamano gosi kigira inze. 12Mu yanze, mu sangale ligali: kigira madanyi genyu ga veye manene migulu: kigira ni ndiyo va kupidza kivi avaprofeti ava li imbiri wenyu.
13Mwinye mu veye munyu gwelirova: navutswa munyu ni gu zangalala, gu la kolwa ndi kandi munyu? Si gu veye kindu kandi, navutswa gu tebwa kyova nokuduvagwa ne virenge vyavandu. 14Mwinye mu veye ubulavu bwelirova. Lidala li veye mkigulu si li nyala kuviswa mba. 15Kandi avandu si va hambidza itaya va gi kunike mu kihinda, navutswa va gi vika ku meza; ni i mulika ku vosi ava veye munyumba. 16Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.
17Mu ta ganagana ndadza kwononnya malago na vaprofeti: si ndadza kwononnya, navutswa kugadukidza. 18Kigira ligali mmu volera, Ku duka ku kiheri kyeligulu nelirova, induguta kinga nta kali indala yamalago si vi nyala ligali kugota, vi luhe vi kolwe vyosi. 19Ku vosi wononnya munwa mulala ku mikekeke yigyi, ni yegidza ndiyo avandu, a la ka langwe mkekeke ligali mbwami bwomigulu: navutswa ku vosi u bugirira nokwegidza, uyu a la ka langwe munene mbwami bwomigulu. 20Kigira mmu volera, bulungi bwenyu ni bu vula kuvita ubulungi bwavang'odi nobwa Vafarisayo, si mu li nyala ligali kwingira mbwami bwomigulu.
21Mwa hulira avandu va kale va volerwa, U tiita mba; kandi ku vosi wiita yenya kukalagirwa: 22navutswa inze mmu volera, ku vosi u vihirirwa amwavo wewe yenya kukalagirwa; kandi ku vosi u volera amwavo wewe, Thu, yenya kuyalwa; kandi ku vosi u mbolera, Kisiru ive, yenya kuduka mmuliru gwegehena. 23Nu u lete kihaanwa kikyo ku bwrali, nu widzulitsa ho amwavo wowo a veye nelikuva ku ive, 24u leke ho kihaanwa kikyo imbiri wobwali, u tange kutsia kuyanzana na mwavo wowo, kunangwa udze u lete kihaanwa kikyo. 25U kole imbu lirani bwangu nomuhangalidzi wowo inyinga u veye halala naye ku inzira; gase a la ku hila ku mkalagi, nomka lagi a la ku vika mmakono gomusikari, na ive u la vikwa munyumba yavaha mbe. 26Ligali nku volera, Si u twula yimo ligali, u luhe u maliridze isenti impereridzi.
27Mwa hulira ga volwa, U ta heya mba: 28navutswa inze mmu volera, ku vosi u henza mkali na a mkayirwa, u mali kuheya naye mmwoyo gwigwe. 29Imoni yoyo yomukono mulungi ni i kwikigitalidza, u gi twulidze, u gi te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutebwa mu gehena. 30Mkono mulungi gugwo ni gu kwikigitalidza, u gu kalage, u gu te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutsia mu gehena. 31Kandi ga volwa, ku vosi u li kunga mkali wewe, a mu he ibaruwa yokumkunga. 32Navutswa mmu volera, ku vosi u kunga mkali wewe kigira bu ta li ubuheyi, a mu kola muheyi; kandi ku vosi u li mkwa wa kungwa a kola ubuheyi.
33Kandi mwa hulira, ga volwa ku va li va kale, U tisuhira ububehi navutswa u la kolera Mwami aga wisuhira: 34navutswa inze mmu volera mu tisuha ligali mba; kali ku ligulu, kigira ni kisako kya Nyasaye; 35kali ku lirova, kigira na ha a vika virenge vivye; kali ku Yerusalemi ki gira ni lidala lyo Mwami munene. 36U tisuha mba mutwi gugwo, kigira si u nyala kukola lisu lilala li ve lilavu kinga li ve limwamu. 37Navutswa amakuva genyu ga ve, Yee, Yee; Auwa, Auwa: kandi ku gosi aga vita yaga ga twula ku mudamano.
38Mwa hulira, ga volwa, imoni u vanza imoni, lino u vanza lino: 39navutswa inze mmu volera, Mu ta hangalidzana nomudamano: navu tswa ku vosi u ku duya ku lusaya lwomukono mulungi u mgirunkanyire lundi. 40Mundu ni yenya kutsia kukuyala a hile ijoho yoyo u mleke a hile kandi likoti. 41Ku vosi u ku niga u mhereke imaili indala, u mhereke tsiviri. 42U ku sava, u mu he, kandi wenya klvete u ta mima mba.
43Mwa hulira, ga volwa, U yanze mtende wowo, navutswa musigu wowo u mdunyire: 44navutswa inze mmu volera, Mu yanze avasigu venyu, kandi mu saavire ava mu dambidza, 45mu duke kuva avana va Dada wenyu u veye migulu: kigira a vaalidza liuva lilye ku vadamano navalahi, kandi a kupidza imbula ku valungi nava ta li avalungi. 46Kigira ni mu yanza ava mu yanza, mu la nyola madanyi ki? Kali avasolola ubusutu si va kola ndiyo? 47Kandi ni mu chelidza avamwavo venyu veng'ine, mu sirira ku li ha avandi? Kali Tsihiri si tsi kola ndiyo? 48Mu veye avadukanu kuli Dada wenyu womigulu a veye mudukanu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967