Matayo 4
4
1Hene yaho Roho ya hila Yesu mwigendanyama. Setani a mu geridze. 2Lwa ya mala kuhonga lilia madiku makumi gane mbasu no budiku, ya li nenzala. 3Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima. 4Navutswa ya tivula na a vola, Ga ng'odeywi, Avandu si va nyala kuva mwoyo nobukima bweng'ine, navutswa namakuva gosi aga twula mmunwa gwa Nyasaye. 5Ma Setani ya mu hila mu lidala litakatifu, na a mu singiridza ku kisegese kyelitempeli, 6na a mbolera, Ive nu u va nu u ve Mwana wa Nyasaye, u tuume hasi: kigira ga ng'odeywi,
A la ha tsingelosi veve munwa ku ive: Na
kandi Va la ku ginga mmakono gavo,
Gase u likigitala kirenge kikyo kwigina.
7Yesu ya mbolera, Kandi ga ng'odeywi, U ta geridza Mwami Nyasaye wowo mba. 8Kandi, Setani ya mu hila mkigulu kitambi munonono, na a mmannya bwami bwosi bwelirova, nobukumi bwabwo; 9na a mbolera, Vindu yivi vyosi nda ku ha, ive nu u va nu u gwa hasi, u nsigamire. 10Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine. 11Ma Setani ya mu leka; kandi henza, tsingelosi vadza ni va mu tumekira.
12Lwa ya hulira Yohana u mali kuzamwa, ya tsia Galilaya: 13na a twula Nazareti, yadza na a menya Kapernaume, lya li ku luginga lwenyanza, mu tsinzako tsya Zebuloni na Nafitali: 14ga duke kukolwa agomprofeti Isaya ya vola na a vola,
15Kivala kya Zebuloni nekivala kya Nafitali,
Ku inzira yokuduka ku inyanza, engereka wa Yordani,
Galilaya ye Tsihiri, 16Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.
17Kutwula inyinga yeyo Yesu va tanga kwilwadza na a vola, Mweganire; kigira ubwami bwomigulu bu veye himbi.
18Kandi ya vaya ku luginga lwenyanza ye Galilaya, na a lola vaviri amwavo namwavo, Simoni u langwa Petro na Andreya amwavo wewe, va li ni vinika miluvo munyanza; kigira va li avaluvi. 19Ya va volera, Hambi mu nonde, na inze nda mu kola avaluvi vavandu. 20Nonoho va leka miluvo ni va mu londa. 21Lwa yesunda hambiri kandi ya lola avandi vaviri amwavo namwavo, Yakobo wa Zebedayo, na Yohana amwavo wewe, va veye mu liato halala na Zebedayo ise wavo, ni va nava miluvo gyavo; ya va langa. 22Nonoho va leka liato na ise wavo, ni va mu londa.
23Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu. 24Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya. 25Kiduma kinene kya mu londa kya twula Galilaya ne Dekapoli ne Yerusalemi ne Buyuda nengereka wa Yordani.
Currently Selected:
Matayo 4: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
Matayo 4
4
1Hene yaho Roho ya hila Yesu mwigendanyama. Setani a mu geridze. 2Lwa ya mala kuhonga lilia madiku makumi gane mbasu no budiku, ya li nenzala. 3Ma, mugeridzi yadza na a mbolera, Ive nu u va nu u ve Mwana wa Nyasaye, u lage amagina yaga ga gwe ubu kima. 4Navutswa ya tivula na a vola, Ga ng'odeywi, Avandu si va nyala kuva mwoyo nobukima bweng'ine, navutswa namakuva gosi aga twula mmunwa gwa Nyasaye. 5Ma Setani ya mu hila mu lidala litakatifu, na a mu singiridza ku kisegese kyelitempeli, 6na a mbolera, Ive nu u va nu u ve Mwana wa Nyasaye, u tuume hasi: kigira ga ng'odeywi,
A la ha tsingelosi veve munwa ku ive: Na
kandi Va la ku ginga mmakono gavo,
Gase u likigitala kirenge kikyo kwigina.
7Yesu ya mbolera, Kandi ga ng'odeywi, U ta geridza Mwami Nyasaye wowo mba. 8Kandi, Setani ya mu hila mkigulu kitambi munonono, na a mmannya bwami bwosi bwelirova, nobukumi bwabwo; 9na a mbolera, Vindu yivi vyosi nda ku ha, ive nu u va nu u gwa hasi, u nsigamire. 10Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine. 11Ma Setani ya mu leka; kandi henza, tsingelosi vadza ni va mu tumekira.
12Lwa ya hulira Yohana u mali kuzamwa, ya tsia Galilaya: 13na a twula Nazareti, yadza na a menya Kapernaume, lya li ku luginga lwenyanza, mu tsinzako tsya Zebuloni na Nafitali: 14ga duke kukolwa agomprofeti Isaya ya vola na a vola,
15Kivala kya Zebuloni nekivala kya Nafitali,
Ku inzira yokuduka ku inyanza, engereka wa Yordani,
Galilaya ye Tsihiri, 16Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.
17Kutwula inyinga yeyo Yesu va tanga kwilwadza na a vola, Mweganire; kigira ubwami bwomigulu bu veye himbi.
18Kandi ya vaya ku luginga lwenyanza ye Galilaya, na a lola vaviri amwavo namwavo, Simoni u langwa Petro na Andreya amwavo wewe, va li ni vinika miluvo munyanza; kigira va li avaluvi. 19Ya va volera, Hambi mu nonde, na inze nda mu kola avaluvi vavandu. 20Nonoho va leka miluvo ni va mu londa. 21Lwa yesunda hambiri kandi ya lola avandi vaviri amwavo namwavo, Yakobo wa Zebedayo, na Yohana amwavo wewe, va veye mu liato halala na Zebedayo ise wavo, ni va nava miluvo gyavo; ya va langa. 22Nonoho va leka liato na ise wavo, ni va mu londa.
23Yesu ya vodonkana mu Galilaya mwosi, ni yegidza mu masomero gavo, ni yilwadza ivangeli yobwami, na a honnya tsinkudzo tsyosi nobudekeranu bwosi bwavandu. 24Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya. 25Kiduma kinene kya mu londa kya twula Galilaya ne Dekapoli ne Yerusalemi ne Buyuda nengereka wa Yordani.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967