Kyavalevi 15
15
1Na Yahova ya volera Musa na Haruni, na a vola, 2Mu volere avana va Israeli, nokuvavolera, Ku vosi mundu na a nyola kisununu ki twulanga mu mbiri gwigwe, a la va mudamano kigira kisununu kikye a veye mudamano. 3Na ubudamano bwibwe mu kisununu kikye ni yibu: ni gu va ni gu twulidzanga kisununu kikye, kinga mbiri gwigwe ni gu va ni gu kalidzirwa kisununu kikye, ki veye kidamano kikye. 4Kitali ku vyosi kya uyu u veye na kisununu a gona ku ki la va kidamano; na vyosi vya yikala ku vi la va vidamano. 5Na ku vosi u dira ku kitaii kikye a logidza tsingubo tsitsye, nokwisinga mu amadzi; nokuva mudamano kuduka mgolova. 6Ku vosi uyu wikala ku kyosi kya uyu u veye nekisununu yikala ku, a logidza tsingubo tsitsye, nokwisinga mu amadzi, nokuva mudamano kuduka mgolova. 7Na uyu u dira ku mbiri gwa uyu u veye nekisununu a logidza tsingubo tsitsye, nokwisinga mu amadzi, nokuva mudamano kuduka mgolova. 8Na uyu wekisununu na a tudzira uyu u veye mulahi, amate, a logidza tsingubo tsitsye, nokwisinga, nokuva mudamano kuduka mgolova. 9Kandi ku masero gosi gokwikala ku, lyowekisununu yikala ku, li la va lidamano. 10Na ku vosi uyu u dira kindu ku vyosi kya li isi kuye a la va mudamano kuduka mgolova: na uyu u ginga vindu yivyo, a logidza tsingubo tsitsye, nokwisinga mu madzi, nokuva mudamano kuduka mgolova. 11Na ku vosi mundu wa uyu wekisununu a dira, na a kikiri kwisava makono mu madzi, a logidza tsingubo tsitsye, nokwisinga mu madzi, nokuva mudamano kuduka mgolova. 12Na ku tsinyingu tsyosi, yiyi ya wekisununu a dira ku, i latanywa; noku vituva vyosi vi logidzwa mu madzi.
13Na lwa uyu wekisununu a takaswa ku kisununu kikye a levalidzira madiku gatano na gaviri gelitakaswa lilye, na a logidza tsingubo tsitsye, nokwisinga mbiri gwigwe mu madzi gomugera, na a la va mulahi. 14Na ku lidiku lya gatano na gavaka a la vugula makuulu gaviri, kinga makuulu gaviri matuge, na a la tsia imbiri wa Yahova ha kiliango kyelihema lyokuvuganira mu, na a la ga ha musalisi: 15na musalisi a la ga haana, lilala kuva kihaanwa kyobwoni, na lindi kuva kihaanwa kyokusambwa; na musalisi a la mu lombera kyokukunika ubwoni imbiri wa Yahova ku kisununu kikye.
16Mundu ni yelotera, a lisinga mbiri gwigwe gwosi mu madzi, nokuva mudamano kuduka mgolova. 17Na tsingubo, na masero gosi, tsyobugoyoko bu veye ku, tsi logidzwa na madzi, na tsi la va tsindamano kuduka mgolova. 18Na mukali womusatsa a gona naye, vombi va lisinga mu amadzi, na va la va vadamano kuduka mgolova.
19Ku vosi mukali na a tsia mweli, a la menya ha luvega madiku gatano na gaviri: na ku vosi uyu u mu dira, a la va mudamano kuduka mgolova. 20Na ku vyosi kya a gona ku mu livikwa ha luvega lilye, vi la va vidamano: na vyosi vya yikala ku vi la va vidamano. 21Na ku vosi u dira kitali kikye a logidza tsingubo tsitsye, nokwisinga mu madzi, nokuva mudamano kuduka mgolova. 22Na ku vosi u dira kindu kyomukali uyu yikala ku a logidza tsingubo tsitsye, nokwisinga mu madzi, nokuva mudamano kuduka mgolova. 23Ni ki veye ku kitali, kinga ku kindu kya yikala ku, inyinga a dira ku, a la va mudamano kuduka mgolova. 24Na ku vosi musatsa na a va na gona halala nomukali uyu, na ubudamano bwibwe bu veye kuye, a la va mudamano madiku gatano na gaviri; na ku vitali vyosi kya a gona ku ki la va kidamano.
25Na mukali na a va nelitadza madiku manyingi, ni ga ta veye madiku gelivikwa ha luvega lilye, kinga ni ga vita tsinyinga tsyelivikwa ha luvega lilye; madiku gosi ga a veye nelitadza lyobudamano bwibwe a la va kuli mu madiku gelivikwa ha luvega lilye: a veye mudamano. 26Ku vyosi kitali kya a gona ku madiku gosi gelitadza lilye ki la va kuli kitali kyelivikwa ha luvega lilye: na vyosi vya yikala ku vi la va vidamano, kuli ubudamano bwelivikwa ha luvega lilye. 27Na ku vosi uyu u dira ku vindu yivi a la va mudamano, na a logidza tsingubo tsitsye, nokwisinga mu madzi, nokuva mudamano kuduka mgolova. 28Navutswa mukali na a va va a takaswa ku litadza lilye, hene yaho a levalidzira madiku gatano na gaviri, na inyima a la va mulahi. 29Na ku lidiku lya gatano na gavaka a la leta makuulu gaviri, kinga makuulu matuge gaviri, na a ga leta ku musalisi ha kiliango kyelihema lyokuvuganiramu. 30Na musalisi a la haana lilala kuva kihaanwa kyobwoni, na lindi kuva kihaanwa kyokusambwa; na musalisi a la mu lombera kyokukunika ubwoni imbiri wa Yahova ku litadza lyobudamano bwibwe.
31Na ndiyo mu lavukanya avana va Israeli nobudamano bwavo, va vule kukudza mu budamano bwavo, lwa va kola kuva nobudamano lihema lyange li veye hagati havo.
32Yili ni lilaga lya uyu u veye nekisununu, na uyu welyelotera, kuduka a veye mudamano; 33na lyomukali u veye mu livikwa ha luvega lilye, na lyowekisununu, lyomusatsa na lyomukali, na lya uyu u gona haiala nomukali u veye nobudamano.
Currently Selected:
Kyavalevi 15: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
