Lisyoma lya Jeremia 5
5
1Widzulitse, O Yahova, vya duka ku kwinye:
Henza, u lole linyegwa lyetu.
2Miyandu gyetu gyi girunkannyeywi kutsia ku vageni,
Tsinyumba tsyetu tsi veye tsya avandu vandi.
3Ku veye avabisandu, ava ta li na vadada;
Avamama vetu va veye kuli avakunzakali.
4Ku nwedzanga amadzi getu ga ku gulanga na ifetha
Tsinku tsyetu ku gulidzangwa.
5Ava ku londerera va veye ku magoti getu
Ku luhi, si ku lola bwelemeridzi mba.
6Ku heye Avaegepeti makono
Na Avasuria, ku duke kwiguuta vyokulia.
7Avaguga vetu va kola ubwoni, na si va veye ho;
Na kwinye ku gingi budamano bwavo.
8Avatumekiri vamehanga ku kwinye:
Na si ha veye nomundu wokukuhonnya ku makono gavo.
9Ku nyolanga vyokulia vyetu ku lidambidza livamwoyo lyetu,
Kigira kivavi kyomwigendanyama.
10Ligodo lyetu li veye limwamu kuli amahiga
Kigira uluya lwenzala lu sambanga.
11Vononnya vakali netsingulu mu Zioni,
Avakana vagima mu madala ga Yuda.
12Avanene va sungwa ku mukono gwavo:
Mumoni mwa avakulundu si mwidzominywa mba.
13Avasoleli va ginga lugina;
Na avana vekigitala netsinku.
14Avakulundu va leka kutsia ha kiribwa,
Avasoleli va honga kutsia kukina.
15Ubuyanzi bwomwoyo gwetu bufweye;
Ubukino bwetu bu girunkani kuva lisyoma.
16Itaji yaguluki kutwula ku mitwe gyetu:
O bayaye ku kwinye kigira ku koli ubwoni.
17Kigira yaga myoyo gyetu gyi kudzi;
Kigira vindu yivi tsimoni tsyetu tsi mwami;
18Kigira kigulu kya Zioni, yiki kya lekwa vutswa:
Vinywere vi tsitsanga yiyi na yiyi kukyo.
19Ive, O Yahova, u hindiranga mihiga nemihiga;
Intebe yoyo i veye kutwula ku makula na makula.
20Kigira ki u kwiviriranga madiku gosi;
Nokukuleka inyinga yiyi intambi?
21U ku girunkannye ku ive, O Yahova, na ku la girunkannywa;
Wirannye ubuhya ku madiku getu kuli ga matsyambiri.
22Nawtswa u ku suye ligali;
U veye nobutima bunene ku hvinye.
Currently Selected:
Lisyoma lya Jeremia 5: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
